ਨਵ ਨਿਯੁਕਤ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਸਵਾਤੀ ਵੱਲੋ ਟਾਂਡਾ ਤੇ ਦਸੂਹਾ ਹਸਪਤਾਲ ਦਾ ਅਚਨਚੇਤ ਦੌਰਾ

ਟਾਂਡਾ ਉੜਮੁੜ/ ਦਸੂਹਾ, (ਪਰਮਜੀਤ ਸਿੰਘ ਮੋਮੀ, ਆਰ.ਸੀ ਝਾਵਰ)- ਨਵ ਨਿਯੁਕਤ ਡਿਪਟੀ ਮੈਡੀਕਲ ਕਮਿਸ਼ਨਰ ਡਾ. ਸਵਾਤੀ ਨੇ ਅੱਜ ਜਿਲੇ ਦੇ ਦੋ ਸਬ ਡਿਵੀਜਨ ਹਸਪਤਾਲਾਂ ਦਾ ਦੋਰਾ ਕੀਤਾ ਇਸ ਦੋਰਾਨ ਉਹਨਾਂ ਟਾਡਾ ਹਸਪਤਾਲ ਵਿਖੇ ਪਾਈਆਂ ਗਈਆਂ ਉਣਤਾਈਆਂ ਲਈ ਸਬੰਧ ਐਸ .ਐਮ. ਓ. ਤੇ ਸਟਾਫ ਨੂੰ ਤਾੜਨਾ ਕਰਦਿਆਂ ਸਾਰੇ ਪ੍ਰਬੰਧਾਂ ਨੂੰ ਤੁਰੰਤ ਠੀਕ ਕਰਨ ਦੀ ਚੇਤਵਾਨੀ ਦਿੱਤੀ। 

ਉਹਨਾਂ ਨੂੰ 15 ਦਿਨਾਂ ਦੇ ਅੰਦਰ ਪਾਈਆਂ ਗਈਆਂ ਸਾਰੀਆਂ ਉਣਤਾਈਆਂ ਨੂੰ ਦੁਰਸਤ ਕਰਕੇ ਰਿਪੋਟ ਕਰਨ ਦੇ ਨਿਰਦੇਸ਼ ਵੀ ਦਿੱਤੇ। ਇਸ ਉਪਰੰਤ ਉਹਨਾਂ ਦਸੂਹਾ ਸਿਵਲ ਹਸਪਤਾਲ ਅਤੇ ਨਸ਼ਾ ਛਡਾਉ ਕੇਂਦਰ, ਲੇਬਰ ਰੂਮ ਗਾਈਨੀ ਵਾਰਡ, ਦਵਾਈਆਂ ਵਾਲੇ ਸਟੋਰ, ਆਪਰੇਸ਼ਨ ਥਿਏਟਰ, ਬੱਚਿਆਂ ਵਾਲੇ ਵਾਰਡ, ਆਏ ਹੋਏ ਮਰੀਜ਼ਾਂ ਅਤੇ ਤਿਮਾਰਦਾਰਾਂ ਨਾਲ ਗੱਲਬਾਤ ਕੀਤੀ ਤੇ ਸੰਤੁਸ਼ਟੀ ਪ੍ਰਗਟਾਈ। ਉਹਨਾਂ ਨਾਲ ਡਾ. ਸਿਪਰਾ ਅਤੇ ਗੁਰਵਿੰਦਰ ਸ਼ਾਨੇ ਵੀ ਹਾਜ਼ਰ ਸਨ।

ਇਸ ਮੌਕੇ ਡਾ. ਸਵਾਤੀ ਨੇ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਪੰਜਾਬ ਦੇ ਲੋਕਾਂ ਨੂੰ ਸਿਹਤ ਸਹੂਲਤਾਂ ਵਧੀਆ ਦੇਣ ਲਈ ਹਰ ਸੰਭਵ ਉਪਰਾਲੇ ਕੀਤੇ ਜਾ ਰਹੇ ਹਨ ਜਿਸ ਦੇ ਚਲਾਦਿਆ ਆਉਣ ਵਾਲੇ ਦਿਨਾਂ ਵਿੱਚ ਜਿਲੇ ਦੀਆਂ ਸਾਰੀਆਂ ਸੰਸਥਾਵਾਂ ਨੂੰ ਚੈੱਕ ਕੀਤਾ ਜਾਵੇਗਾ ਤਾਂ ਜੋ ਮਰੀਜ਼ਾਂ ਨੂੰ ਕਿਸੇ ਕਿਸਮ ਦੀ ਕੋਈ ਦਿਕਤ ਪੇਸ਼ ਨਾ ਆਏ। ਇਸ ਮੌਕੇ ਉਹਨਾਂ ਦੱਸਿਆ ਕਿ ਪੰਜਾਬ ਸਰਕਾਰ ਵੱਲੋਂ ਹਸਪਤਾਲਾਂ ਵਿੱਚ ਹਰ ਤਰ੍ਹਾਂ ਦੀ ਦਵਾਈ, ਟੈਸਟ ਫਰੀ ਹੋ ਰਹੇ ਹਨ, ਉਹਨਾਂ 'ਤੇ ਸਿਵਲ ਹਸਪਤਾਲ ਟਾਡਾ ਤੇ ਦਸੂਹਾ ਦੇ ਵਿੱਚ ਵਧੀਆ ਔਰਤਾ ਦੇ ਰੋਗਾਂ ਦੇ ਮਹਿਰ ਡਾਕਟਰ ਹਨ। ਬੱਚਿਆ ਦੇ ਸਪੈਸ਼ਲਿਸਟ ਡਾਕਟਰ ਵੀ ਮੌਜੂਦ ਹਨ। ਉਹਨਾਂ ਲੋਕਾਂ ਨੂੰ ਅਪੀਲ ਕੀਤੀ ਕਿ ਉਹ ਸਿਵਲ ਹਸਪਤਾਲਾਂ ਵਿੱਚ ਹੀ ਬੱਚਿਆ ਦਾ ਜਣੇਪਾ ਕਰਵਾਉਣ ਅਤੇ ਪ੍ਰਈਵੇਟ ਹਸਪਤਾਲਾਂ ਵਿਚ ਨਾ ਜਾਣ। ਇਥੇ ਦਵਾਈਆਂ ਤੋਂ ਲੈ ਟੈਸਟਾ ਤੱਕ ਸਭ ਕੁਝ ਫਰੀ ਹਨ। 

ਇਸ ਮੌਕੇ ਉਹਨਾਂ ਸਰਕਾਰ ਵਲੋਂ ਚਲਾਈ ਜਾ ਰਹੀ ਫਰਿਸ਼ਤੇ ਸਕੀਮ ਦਾ ਜ਼ਿਕਰ ਕਰਦਿਆਂ ਕਿਹਾ ਜੇਕਰ ਕਿਸੇ ਵਿਆਕਤੀ ਦਾ ਰੋਡ 'ਤੇ ਐਕਸੀਡੇਟ ਹੋ ਜਾਂਦਾ ਤਾਂ ਉਸ ਨੂੰ ਲਿਆਉਣ ਵਾਲੇ ਵਿਅਕਤੀ ਨੂੰ ਸਰਕਾਰ ਵੱਲੋਂ ਇਨਾਮ ਵੀ ਦਿੱਤਾ ਜਾਂਦਾ ਹੈ ਅਤੇ ਉਸ ਉੱਤੇ ਕੋਈ ਪੁਲਸ ਕਾਰਵਾਈ ਨਹੀਂ ਹੁੰਦੀ।

ਇਸ ਮੌਕੇ ਸਿਵਲ ਹਸਪਤਾਲ ਦੇ ਸੀਨੀਅਕ ਮੈਡੀਕਲ ਅਫਸਰ ਡਾ. ਮਨਮੋਹਣ ਸਿੰਘ, ਡਾ. ਸਿਮਰਪ੍ਰੀਤ ਸਿੰਘ, ਡਾ. ਤਲਵਿੰਦਰ ਸਿੰਘ, ਡਾ.ਕਰਨ, ਡਾ. ਸਤਵੀਰ ਸਿੰਘ, ਮੈਟਰਿਨ ਜਸਵੀਰ ਕੋਰ ਵੀ ਹਾਜ਼ਰ ਸਨ।