ਮੇਅਰ ਨੇ ਕੰਪਨੀ ਬਾਗ ਦੀ ਬੇਸਮੈਂਟ ਪਾਰਕਿੰਗ ਨੂੰ ਖੁੱਲ੍ਹਵਾਇਆ, 15 ਪਾਰਕਿੰਗ ਸਲਾਟ ਵੀ ਜਲਦ ਨਿਲਾਮ ਹੋਣਗੇ

ਜਲੰਧਰ (ਖੁਰਾਣਾ)–ਪਿਛਲੇ ਸਮੇਂ ਦੌਰਾਨ ਨਗਰ ਨਿਗਮ ਸ਼ਹਿਰ ਵਿਚ ਲਗਭਗ 2 ਦਰਜਨ ਪਾਰਕਿੰਗ ਸਲਾਟ ਦੀ ਨਿਲਾਮੀ ਤੋਂ ਲੱਖਾਂ-ਕਰੋੜਾਂ ਰੁਪਏ ਕਮਾਉਂਦਾ ਆਇਆ ਹੈ ਪਰ ਕਾਫ਼ੀ ਦੇਰ ਤੋਂ ਨਿਗਮ ਇਨ੍ਹਾਂ ਸਥਾਨਾਂ ਦੀ ਨਿਲਾਮੀ ਨੂੰ ਵੀ ਸਫ਼ਲ ਤਰੀਕੇ ਨਾਲ ਨਹੀਂ ਕਰ ਸਕਿਆ। ਪਿਛਲੇ ਕੁਝ ਸਾਲਾਂ ਤੋਂ ਨਿਗਮ ਸਿਰਫ਼ 2-4 ਸਲਾਟ ਨਿਲਾਮ ਕਰਕੇ ਹੀ ਕਮਾਈ ਕਰ ਰਿਹਾ ਸੀ ਅਤੇ ਕਈ ਸਥਾਨਾਂ ’ਤੇ ਤਾਂ ਨਾਜਾਇਜ਼ ਵਸੂਲੀ ਤਕ ਹੋ ਰਹੀ ਸੀ। ਨਗਰ ਨਿਗਮ ਕੋਲ ਸ਼ਹਿਰ ਵਿਚ ਆਪਣੀਆਂ 3 ਅੰਡਰਗਰਾਊਂਡ ਪਾਰਕਿੰਗਾਂ ਹਨ ਪਰ ਉਨ੍ਹਾਂ ਵਿਚੋਂ ਇਕ ਤੋਂ ਵੀ ਨਿਗਮ ਕਮਾਈ ਨਹੀਂ ਕਰ ਰਿਹਾ ਅਤੇ ਤਿੰਨਾਂ ਦੇ ਟੈਂਡਰ ਲੱਗਣ ਵਿਚ ਕੋਈ ਨਾ ਕੋਈ ਰੁਕਾਵਟ ਆ ਰਹੀ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਇਸ ਜ਼ਿਲ੍ਹੇ 'ਚ ਮੈਰਿਜ ਪੈਲੇਸਾਂ ਤੇ ਧਾਰਮਿਕ ਸਥਾਨਾਂ ਲਈ ਜਾਰੀ ਹੋਏ ਸਖ਼ਤ ਹੁਕਮ

ਇਸ ਲਾਪ੍ਰਵਾਹੀ ਲਈ ਵੀ ਨਿਗਮ ਦੇ ਕਿਸੇ ਅਧਿਕਾਰੀ ਨੂੰ ਦੋਸ਼ੀ ਨਹੀਂ ਠਹਿਰਾਇਆ ਜਾ ਰਿਹਾ। ਕੰਪਨੀ ਬਾਗ ਵਿਚ ਬਣੀ ਅੰਡਰਗਰਾਊਂਡ ਪਾਰਕਿੰਗ ਦਾ ਟੈਂਡਰ ਖ਼ਤਮ ਹੋਏ ਵੀ 4-5 ਮਹੀਨੇ ਬੀਤ ਚੁੱਕੇ ਹਨ ਪਰ ਨਵਾਂ ਟੈਂਡਰ ਨਹੀਂ ਲਗਾਇਆ ਜਾ ਰਿਹਾ। ਕੁਝ ਮਹੀਨੇ ਤਾਂ ਨਿਗਮ ਸਟਾਫ਼ ਨੇ ਇਸ ਪਾਰਕਿੰਗ ਨੂੰ ਚਲਾਇਆ ਪਰ ਕੁਝ ਹਫਤੇ ਤੋਂ ਇਹ ਪਾਰਕਿੰਗ ਵੀ ਬੰਦ ਕਰ ਦਿੱਤੀ ਗਈ, ਜਿਸ ਕਾਰਨ ਲੋਕ ਕਾਫ਼ੀ ਪ੍ਰੇਸ਼ਾਨ ਹੋਏ। ਹੁਣ ਇਸ ਸਬੰਧੀ ਸ਼ਿਕਾਇਤ ਮੇਅਰ ਤਕ ਪਹੁੰਚੀ ਤਾਂ ਉਨ੍ਹਾਂ ਨੇ ਦਖ਼ਲ ਦੇ ਕੇ ਕੰਪਨੀ ਬਾਗ ਵਾਲੀ ਪਾਰਕਿੰਗ ਨੂੰ ਖੁੱਲ੍ਹਵਾ ਦਿੱਤਾ। ਪਤਾ ਲੱਗਾ ਹੈ ਕਿ 2 ਦਰਜਨ ਪਾਰਕਿੰਗ ਸਾਈਟਸ ਦੀ ਨਿਲਾਮੀ ਪ੍ਰਕਿਰਿਆ ਦੌਰਾਨ 15 ਸਾਈਟਸ ਲਈ ਠੇਕੇਦਾਰਾਂ ਨੇ ਦਿਲਚਸਪੀ ਵਿਖਾਈ ਹੈ, ਜਿਸ ਕਾਰਨ ਕੁਝ ਦਿਨਾਂ ਵਿਚ ਤਕਨੀਕੀ ਬਿੱਡ ਖੋਲ੍ਹ ਕੇ ਉਨ੍ਹਾਂ ਨੂੰ ਅਲਾਟ ਕੀਤਾ ਜਾ ਸਕਦਾ ਹੈ।

ਇਹ ਵੀ ਪੜ੍ਹੋ : ਪੰਜਾਬ ਦੇ ਮੌਸਮ ਨੂੰ ਲੈ ਕੇ ਹੋ ਗਈ ਵੱਡੀ ਭਵਿੱਖਬਾਣੀ, ਇਨ੍ਹਾਂ ਤਾਰੀਖ਼ਾਂ ਨੂੰ ਪਵੇਗਾ ਮੀਂਹ ਤੇ...

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e