ਜਦੋਂ ਜੈ ਪ੍ਰਕਾਸ਼ ਨਾਰਾਇਣ ਦੀ ਥਾਂ ਪਹਿਲੀ ਵਾਰ ਜਲੰਧਰ ਆਏ ਸੀ ਅਟਲ ਜੀ

ਜਲੰਧਰ (ਸੋਮਨਾਥ)—ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਈ ਦਾ ਬੀਤੀ ਸ਼ਾਮ ਨੂੰ ਦਿਹਾਂਤ ਹੋ ਗਿਆ। ਵਾਜਪਈ ਦਾ ਦੇਸ਼ ਦੇ ਨਾਲ-ਨਾਲ ਜਲੰਧਰ ਨਾਲ ਡੂੰਘਾ ਰਿਸ਼ਤਾ ਹੈ ਅਤੇ ਅਕਸਰ ਉਹ ਜਲੰਧਰ ਆਉਂਦੇ ਰਹਿੰਦੇ ਸੀ। 1978 'ਚ ਚੋਣਾਂ ਦਾ ਮਾਹੌਲ ਸੀ ਅਤੇ ਜਲੰਧਰ ਸਥਿਤ ਬਲਟਨ ਪਾਰਕ 'ਚ ਜਨਤਾ ਪਾਰਟੀ ਦੀ ਰੈਲੀ ਰੱਖੀ ਗਈ ਸੀ। ਰੈਲੀ ਨੂੰ ਸੰਬੋਧਨ ਕਰਨ ਦੇ ਲਈ ਲੋਕ ਨਾਇਕ ਜੈ ਪ੍ਰਕਾਸ਼ ਨਾਰਾਇਣ ਨੇ ਆਉਣਾ ਸੀ, ਪਰ ਅਚਾਨਕ ਸਿਹਤ ਖਰਾਬ ਹੋਣ ਦੇ ਕਾਰਨ ਉਹ ਨਹੀਂ ਆ ਸਕੇ। ਉਸ ਸਮੇਂ ਉਨ੍ਹਾਂ ਦੀ ਥਾਂ ਅਟਲ ਬਿਹਾਰੀ ਵਾਜਪੇਈ ਜਲੰਧਰ ਆ ਗਏ। ਅਟਲ ਜੀ ਨੇ ਪਹਿਲਾਂ ਵੀ ਜਲੰਧਰ 'ਚ ਆਉਣਾ ਸੀ, ਤਾਂ ਉਸ ਸਮੇਂ ਅਟਲ ਜੀ ਜਨਤਾ ਪਾਰਟੀ 'ਚ ਸੀ। ਉਸ ਦੇ ਬਾਅਦ ਉਹ ਕਈ ਵਾਰ ਭਾਰਤੀ ਜਨਤਾ ਪਾਰਟੀ ਨੂੰ ਸੰਗਠਿਤ ਕਰਨ ਦੇ ਉਦੇਸ਼ ਨਾਲ ਜਲੰਧਰ ਆਉਂਦੇ ਰਹੇ।
ਜੇਲ ਨੇ ਸਿਖਾਇਆ ਏਕਤਾ ਦਾ ਪਾਠ
ਅਟਲ ਜੀ ਦੇ ਜਲੰਧਰ ਆਉਣ ਬਾਰੇ ਗੱਲ ਸਾਂਝੀ ਕਰਦੇ ਹੋਏ ਭਾਜਪਾ ਨੇਤਾ ਨਵਲ ਕੰਬੋਜ ਨੇ ਦੱਸਿਆ ਕਿ ਉਸ ਸਮੇਂ ਵਾਜਪੇਈ ਨੇ ਆਪਣੇ ਭਾਸ਼ਣ 'ਚ ਕਿਹਾ ਸੀ ਕਿ ਪ੍ਰਜਾ ਸਭਾਪਤੀ, ਭਰਾ ਅਤੇ ਭੈਣਾਂ, ਅੱਜ ਅਸੀਂ ਅਤੇ ਸਾਡੇ 'ਚ ਲੋਕ ਨਾਇਕ ਜੈ ਪ੍ਰਕਾਸ਼ ਜੀ ਨੇ ਆਉਣਾ ਸੀ। ਅਚਾਨਕ ਉਨ੍ਹਾਂ ਦੀ ਸਿਹਤ ਖਰਾਬ ਹੋ ਗਈ। ਉਨ੍ਹਾਂ ਨੂੰ ਹਸਪਤਾਲ 'ਚ ਦਾਖਲ ਹੋਣਾ ਪਿਆ। ਉਨ੍ਹਾਂ ਨੇ ਕਿਹਾ ਕਿ ਜੈ ਪ੍ਰਕਾਸ਼ ਜੀ ਦਾ ਕੋਈ ਸਥਾਨ ਲਵੇ। ਇਸ ਦਾ ਸਵਾਲ ਹੀ ਪੈਦਾ ਨਹੀਂ ਹੁੰਦਾ। ਨਾਲ ਹੀ ਉਨ੍ਹਾਂ ਨੇ ਜੈ ਪ੍ਰਕਾਸ਼ ਨਾਰਾਇਣ ਦੀ ਤੁਲਨਾ ਭੀਸ਼ਮ ਪਿਤਾਮਾ ਨਾਲ ਵੀ ਕੀਤੀ। ਇਸ ਦੌਰਾਨ ਆਪਣੇ ਭਾਸ਼ਣ 'ਚ ਵਾਜਪਈ ਨੇ ਕਿਹਾ ਕਿ ਇਹ ਗੱਲ ਠੀਕ ਹੈ ਕਿ ਸਾਨੂੰ ਇਕ ਹੋਣ ਦੀ ਅਕਲ ਦੇਰ ਨਾਲ ਆਈ। ਇਸ ਗੱਲ ਦੀ ਇੰਦਰਾ ਗਾਂਧੀ ਨੂੰ ਵਧਾਈ। ਕੰਸ ਰੂਪੀ ਰਾਕਸ਼ਸ ਨੂੰ ਮਾਰਨ ਦੇ ਲਈ ਭਗਵਾਨ ਕ੍ਰਿਸ਼ਨ ਦਾ ਜਨਮ ਵੀ ਜੇਲ 'ਚ ਹੋਇਆ ਸੀ ਅਤੇ ਇੰਦਰਾ ਰੂਪੀ ਕਾਂਗਰਸੀ ਰਾਕਸ਼ਸ ਨੂੰ ਖਤਮ ਕਰਨ ਦੇ ਲਈ ਜਨਤਾ ਪਾਰਟੀ ਦਾ ਜਨਮ ਵੀ ਜੇਲ 'ਚ ਹੋਇਆ ਹੈ।
ਹਿੰਦੂਸਤਾਨ ਦਾ ਤੇਜਸਵੀ ਪੁੱਤਰ ਚਲਾ ਗਿਆ
ਸਾਬਕਾ ਪ੍ਰਧਾਨ ਮੰਤਰੀ ਅਟਲ ਬਿਹਾਰੀ ਵਾਜਪਈ ਦੀ ਮੌਤ 'ਤੇ ਦੁੱਖ ਪ੍ਰਗਟ ਕਰਦੇ ਹੋਏ ਸਾਬਕਾ ਸੰਸਦ ਜਗਮੀਤ ਸਿੰਘ ਬਰਾੜ ਨੇ ਕਿਹਾ ਕਿ ਅਟਲ ਜੀ ਦਾ ਕੋਈ ਸਾਨੀ ਨਹੀਂ ਸੀ ਅਤੇ ਨਾ ਹੀ ਉਨ੍ਹਾਂ ਦੇ ਮੁਕਾਬਲੇ ਦਾ ਕੋਈ ਦੂਜਾ ਪ੍ਰਧਾਨ ਮੰਤਰੀ ਹੋਇਆ ਹੈ, ਜੋ ਸਾਰਿਆਂ ਨੂੰ ਨਾਲ ਲੈ ਕੇ ਚੱਲਣ ਦੀ ਸਮਰੱਥਾ ਰੱਖਦਾ ਹੋਵੇ। ਉਨ੍ਹਾਂ ਨੇ ਕਿਹਾ ਕਿ ਉਹ ਹਮੇਸ਼ਾ ਸਾਰਿਆਂ ਨੂੰ ਨਾਲ ਲੈ ਕੇ ਚਲਦੇ ਸੀ ਅਤੇ ਏਕਤਾ ਦੇ ਸਾਂਝੀ ਸੀ। ਅਟਲ ਜੀ ਨੂੰ ਆਪਣੀ ਸ਼ਰਧਾਂਜਲੀ ਭੇਂਟ ਕਰਦੇ ਹੋਏ ਬਰਾੜ ਨੇ ਕਿਹਾ ਕਿ ਅੱਜ ਹਿੰਦੂਸਤਾਨ ਦਾ ਤੇਜਸਵੀ ਪੁੱਤਰ ਹਮੇਸ਼ਾ ਦੇ ਲਈ ਚਲਾ ਗਿਆ। ਉਨ੍ਹਾਂ ਦੀ ਕਮੀ ਦੁਨੀਆ 'ਚ ਕਦੀ ਪੂਰੀ ਹੋ ਸਕਦੀ।