ਚਾਕੂ ਮਾਰ ਕਤਲ ਕੀਤੇ ਨੌਜਵਾਨ ਦੀ ਲਾਸ਼ ਪੋਸਟਮਾਰਟਮ ਮਗਰੋਂ ਪਰਿਵਾਰ ਨੂੰ ਸੌਂਪੀ, ਕਾਤਲ ਦੋਸਤਾਂ ਦਾ ਇਲਾਜ ਜਾਰੀ

ਜਲੰਧਰ (ਵਰੁਣ)–ਬਾਬੂ ਜਗਜੀਵਨ ਰਾਮ ਚੌਂਕ ਨੇੜੇ ਨਸ਼ਾ ਛੁਡਾਊਂ ਕੇਂਦਰ ਦੇ ਬਾਹਰ ਚਾਕੂ ਮਾਰ ਕੇ ਨੌਜਵਾਨ ਦਾ ਕਤਲ ਕਰਨ ਦੇ ਮਾਮਲੇ ਵਿਚ ਮ੍ਰਿਤਕ ਸਚਿਨ ਮਲਹੋਤਰਾ ਦੀ ਲਾਸ਼ ਪੋਸਟਮਾਰਟਮ ਉਪਰੰਤ ਪਰਿਵਾਰਕ ਮੈਂਬਰਾਂ ਨੂੰ ਸੌਂਪ ਦਿੱਤੀ ਗਈ। ਹਾਲਾਂਕਿ ਸਚਿਨ ਦਾ ਕਤਲ ਕਰਨ ਵਾਲਾ ਸ਼ੁਭਮ ਕਲਿਆਣ ਅਜੇ ਸਿਵਲ ਹਸਪਤਾਲ ਵਿਚ ਹੀ ਇਲਾਜ ਅਧੀਨ ਹੈ।

ਇਹ ਵੀ ਪੜ੍ਹੋ: ਪੰਜਾਬ 'ਚ ਪਾਸਪੋਰਟ ਬਣਵਾਉਣ ਵਾਲਿਆਂ ਲਈ Good News, 8 ਅਗਸਤ ਤੱਕ ਕਰਵਾ ਲਓ ਇਹ ਕੰਮ

ਥਾਣਾ ਨੰਬਰ 5 ਦੇ ਇੰਚਾਰਜ ਸਾਹਿਲ ਚੌਧਰੀ ਨੇ ਕਿਹਾ ਕਿ ਮੁਲਜ਼ਮ ਸ਼ੁਭਮ ਕਲਿਆਣ ਅਤੇ ਇਕ ਹੋਰ ਨੌਜਵਾਨ ਤਨਿਸ਼ਕ ਦਾ ਅਜੇ ਇਲਾਜ ਚੱਲ ਰਿਹਾ ਹੈ। ਸਚਿਨ ’ਤੇ ਹਮਲਾ ਕਰਨ ਵਾਲਿਆਂ ਵਿਚ ਸਿਰਫ਼ ਸ਼ੁਭਮ ਕਲਿਆਣ ਹੀ ਸ਼ਾਮਲ ਸੀ, ਜਿਸ ਕਾਰਨ ਉਸੇ ’ਤੇ ਕੇਸ ਦਰਜ ਕੀਤਾ ਗਿਆ ਹੈ। ਜਿਉਂ ਹੀ ਡਾਕਟਰ ਉਸ ਨੂੰ ਫਿੱਟ ਕਰਾਰ ਦੇਣਗੇ, ਤਿਉਂ ਹੀ ਉਸ ਦੀ ਗ੍ਰਿਫ਼ਤਾਰੀ ਵਿਖਾ ਤੇ ਰਿਮਾਂਡ ’ਤੇ ਲੈ ਕੇ ਵਾਰਦਾਤ ਵਿਚ ਵਰਤਿਆ ਚਾਕੂ ਬਰਾਮਦ ਕੀਤਾ ਜਾਵੇਗਾ। ਫਿਲਹਾਲ ਸ਼ੁਭਮ ਕਲਿਆਣ ਅਤੇ ਸਚਿਨ ਦੇ ਦੋਸਤ ਤਨਿਸ਼ਕ ਦੀ ਹਾਲਤ ਖਤਰੇ ਤੋਂ ਬਾਹਰ ਹੈ।

ਇਹ ਵੀ ਪੜ੍ਹੋ: ਪੰਜਾਬ 'ਚ BBMB ਵੱਲੋਂ Alert ਜਾਰੀ! ਡੈਮ ਤੋਂ ਛੱਡਿਆ ਜਾਵੇਗਾ ਅੱਜ ਪਾਣੀ, ਬਣ ਸਕਦੇ ਹੜ੍ਹ ਦੇ ਹਾਲਾਤ

ਜ਼ਿਕਰਯੋਗ ਹੈ ਕਿ ਐਤਵਾਰ ਨੂੰ ਸਚਿਨ ਦਾ ਸ਼ੁਭਮ ਕਲਿਆਣ ਨਾਲ ਝਗੜਾ ਹੋਇਆ ਸੀ। ਸ਼ੁਭਮ ਦੇ ਕਹਿਣ ’ਤੇ ਸਚਿਨ ਦੇ ਦੋਸਤ ਉਸ ਨੂੰ ਘਰੋਂ ਬੁਲਾ ਕੇ ਬਾਬੂ ਜਗਜੀਵਨ ਰਾਮ ਚੌਂਕ ਨੇੜੇ ਨਸ਼ਾ ਛੁਡਾਊਂ ਕੇਂਦਰ ਦੇ ਬਾਹਰ ਲੈ ਆਏ, ਜਿਸ ਦੇ ਬਾਅਦ ਪਹਿਲਾਂ ਤੋਂ ਹੀ ਉਥੇ ਖੜ੍ਹੇ ਸ਼ੁਭਮ ਕਲਿਆਣ ਨੇ ਗਾਲੀ-ਗਲੋਚ ਤੋਂ ਬਾਅਦ ਅਚਾਨਕ ਸਚਿਨ ’ਤੇ ਚਾਕੂ ਨਾਲ ਹਮਲਾ ਕਰ ਦਿੱਤਾ ਸੀ। ਮੁਲਜ਼ਮ ਸ਼ੁਭਮ ਨੇ ਸਚਿਨ ’ਤੇ 3 ਵਾਰ ਕੀਤੇ, ਜਿਸ ਦੌਰਾਨ ਸਚਿਨ ਦਾ ਬਚਾਅ ਕਰਦਿਆਂ ਉਸ ਦਾ ਦੋਸਤ ਤਨਿਸ਼ਕ ਵੀ ਜ਼ਖ਼ਮੀ ਹੋ ਗਿਆ ਸੀ। ਸਚਿਨ ਨੇ ਵੀ ਆਪਣਾ ਬਚਾਅ ਕਰਦੇ ਹੋਏ ਸ਼ੁਭਮ ਤੋਂ ਚਾਕੂ ਖੋਹ ਕੇ ਉਸ ’ਤੇ ਹਮਲਾ ਕਰ ਦਿੱਤਾ ਸੀ ਪਰ ਸ਼ੁਭਮ ਤਾਂ ਬਚ ਗਿਆ ਪਰ ਸਚਿਨ ਦੀ ਮੌਤ ਹੋ ਗਈ ਸੀ। ਪੁਲਸ ਨੇ ਸਚਿਨ ਦੀ ਮਾਂ ਕਾਂਤਾ ਦੇਵੀ ਦੇ ਬਿਆਨਾਂ ’ਤੇ ਸ਼ੁਭਮ ਕਲਿਆਣ ’ਤੇ ਕਤਲ ਦਾ ਕੇਸ ਦਰਜ ਕਰ ਲਿਆ ਸੀ। ਸਚਿਨ 2 ਸਾਲ ਦੀ ਬੱਚੀ ਦਾ ਪਿਤਾ ਸੀ ਅਤੇ 7 ਭੈਣਾਂ ਦਾ ਇਕਲੌਤਾ ਭਰਾ ਸੀ।

ਇਹ ਵੀ ਪੜ੍ਹੋ: ਪੰਜਾਬ 'ਚ 30 ਸਤੰਬਰ ਤੱਕ ਲੱਗੀਆਂ ਵੱਡੀਆਂ ਪਾਬੰਦੀਆਂ, ਨਵੇਂ ਹੁਕਮ ਹੋ ਗਏ ਜਾਰੀ

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e