7 ਸਾਲਾ ਬੱਚਾ ਖੇਡਦੇ ਸਮੇਂ ਸਾਮਾਨ ਢੋਹਣ ਵਾਲੀ ਗੱਡੀ ਹੇਠ ਆਇਆ, ਹਾਲਤ ਗੰਭੀਰ
Sunday, Aug 18, 2024 - 03:25 AM (IST)
ਜਲੰਧਰ (ਮਹੇਸ਼)- ਥਾਣਾ ਸਦਰ ਜਮਸ਼ੇਰ ਅਧੀਨ ਪੈਂਦੇ ਪਿੰਡ ਖੁਸਰੋਪੁਰ ’ਚ ਇਕ 7 ਸਾਲਾ ਬੱਚਾ ਭਾਰ ਢੋਣ ਵਾਲੀ ਬੋਲੇਰੋ ਗੱਡੀ ਦੇ ਥੱਲੇ ਆ ਕੇ ਗੰਭੀਰ ਰੂਪ ’ਚ ਜ਼ਖਮੀ ਹੋ ਗਿਆ, ਜਿਸ ਨੂੰ ਜਲੰਧਰ ਕੈਂਟ ਆਰਮੀ ਹਸਪਤਾਲ ’ਚ ਦਾਖਲ ਕਰਵਾਇਆ ਗਿਆ ਹੈ। ਮਾਮਲੇ ਦੀ ਜਾਂਚ ਕਰ ਰਹੇ ਸਦਰ ਥਾਣੇ ਦੇ ਏ.ਐੱਸ.ਆਈ. ਮਨਜੀਤ ਰਾਮ ਨੇ ਦੱਸਿਆ ਕਿ ਜਾਂਚ ’ਚ ਪਤਾ ਲੱਗਾ ਹੈ ਕਿ ਮੂਲ ਰੂਪ ਤੋਂ ਬੰਗਾਲ ਦੇ ਰਹਿਣ ਵਾਲੇ ਨਾਇਕ ਕ੍ਰਿਸ਼ਨ ਪ੍ਰਸਾਦ ਹਾਲ ਵਾਸੀ ਪਿੰਡ ਖੁਸਰੋਪੁਰ ਦਾ 7 ਸਾਲਾ ਬੱਚਾ ਆਯੂਸ਼ ਆਰਮੀ ਬੈਰੀਅਰ ਨੇੜੇ ਖੇਡ ਰਿਹਾ ਸੀ।
ਇਹ ਵੀ ਪੜ੍ਹੋ- ਕੋਲਕਾਤਾ 'ਚ ਹੋਏ ਜਬਰ-ਜਨਾਹ ਤੇ ਕਤਲ ਦੇ ਮਾਮਲੇ 'ਚ ਡਾਕਟਰਾਂ ਨੇ ਸੜਕਾਂ ਕੀਤੀਆਂ ਜਾਮ, OPDs ਵੀ ਰਹੇ ਬੰਦ
ਇਸ ਦੌਰਾਨ ਭਾਰ ਢੋਣ ਵਾਲੀ ਬੋਲੈਰੋ ਗੱਡੀ ਬੈਕ ਕਰ ਰਹੇ ਡਰਾਈਵਰ ਨੂੰ ਉਸ ਦਾ ਪਤਾ ਨਹੀਂ ਲੱਗਾ, ਜਿਸ ਕਾਰਨ ਆਯੂਸ਼ ਗੱਡੀ ਹੇਠਾਂ ਆ ਗਿਆ। ਉਸ ਦੇ ਪਰਿਵਾਰਕ ਮੈਂਬਰ ਉਸ ਨੂੰ ਤੁਰੰਤ ਹਸਪਤਾਲ ਲੈ ਗਏ। ਜਾਂਚ ਅਧਿਕਾਰੀ ਨੇ ਦੱਸਿਆ ਕਿ ਪੁਲਸ ਨੇ ਬੋਲੈਰੋ ਚਾਲਕ ਨੂੰ ਕਾਬੂ ਕਰ ਲਿਆ ਹੈ, ਜਿਸ ਦੀ ਪਛਾਣ ਅਰਮਾਨ ਪੁੱਤਰ ਸੋਨੂੰ ਗਿੱਲ ਵਾਸੀ ਪਿੰਡ ਖੁਸਰੋਪੁਰ ਵਜੋਂ ਹੋਈ ਹੈ। ਉਸ ਖ਼ਿਲਾਫ਼ ਥਾਣਾ ਸਦਰ ’ਚ ਕੇਸ ਦਰਜ ਕਰ ਲਿਆ ਗਿਆ ਹੈ। ਆਰਮੀ ਡਾਕਟਰਾਂ ਨੇ ਬੱਚੇ ਆਯੂਸ਼ ਦੀ ਹਾਲਤ ਕਾਫੀ ਨਾਜ਼ੁਕ ਦੱਸੀ ਹੈ।
ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e
