ਆਰਪੀ ਸਿੰਘ ਨੇ ਸੀਐੱਮ ਦੇ ਬੈਂਗਲੁਰੂ ਦੌਰੇ ''ਤੇ ਚੁੱਕੇ ਸਵਾਲ

ਚੰਡੀਗੜ੍ਹ: ਭਾਰਤੀ ਜਨਤਾ ਪਾਰਟੀ ਦੇ ਰਾਸ਼ਟਰੀ ਬੁਲਾਰੇ ਆਰਪੀ ਸਿੰਘ ਨੇ ਪੰਜਾਬ ਦੇ ਮੁੱਖ ਮੰਤਰੀ ਭਗਵੰਤ ਮਾਨ ਦੇ ਬੈਂਗਲੁਰੂ ਦੌਰੇ 'ਤੇ ਸਵਾਲ ਚੁੱਕਦਿਆਂ ਉਨ੍ਹਾਂ ਦੀ ਸਖ਼ਤ ਨਿਖੇਧੀ ਕੀਤੀ ਹੈ। ਆਪਪੀ ਸਿੰਘ ਨੇ ਕਿਹਾ ਕਿ ਜਦੋਂ ਪੰਜਾਬ ਨੂੰ ਆਪਣੇ ਮੁੱਖ ਮੰਤਰੀ ਦੀ ਸਭ ਤੋਂ ਵੱਧ ਲੋੜ ਹੈ, ਉਸ ਸਮੇਂ ਉਹ ਸੂਬੇ ਵਿੱਚੋਂ ਗੈਰ-ਹਾਜ਼ਰ ਹਨ ਤੇ ਪੰਜਾਬ ਨੂੰ ਇਸ ਦੀ ਕੀਮਤ ਚੁਕਾਉਣੀ ਪੈ ਰਹੀ ਹੈ।

ਆਰਪੀ ਸਿੰਘ ਨੇ ਸੋਸ਼ਲ ਮੀਡੀਆ 'ਤੇ ਪੋਸਟ ਪਾ ਕੇ ਦੱਸਿਆ ਕਿ ਮੁੱਖ ਮੰਤਰੀ ਮਾਨ ਦਾ ਇਹ ਪਹਿਲਾ 'ਡਿਟੌਕਸ' ਦੌਰਾ ਨਹੀਂ ਹੈ, ਕਿਉਂਕਿ 2022 ਵਿੱਚ ਵੀ ਉਹ ਅਜਿਹੇ ਹੀ ਇੱਕ ਪ੍ਰੋਗਰਾਮ ਲਈ ਗਏ ਸਨ। ਭਾਜਪਾ ਆਗੂ ਨੇ ਕਿਹਾ ਕਿ ਜਦੋਂ ਮੁੱਖ ਮੰਤਰੀ ਨੂੰ ਅਕਾਲ ਤਖ਼ਤ ਸਾਹਿਬ ਵੱਲੋਂ "ਗੁਰੂ ਦੋਖੀ" ਤੇ "ਖਾਲਸਾ ਪੰਥ ਵਿਰੋਧੀ" ਐਲਾਨਿਆ ਜਾ ਚੁੱਕਾ ਹੈ, ਤਾਂ ਅਜਿਹੇ ਸਮੇਂ ਲੋਕਾਂ ਦਾ ਸਾਹਮਣਾ ਕਰਨ, ਸਵਾਲਾਂ ਦੇ ਜਵਾਬ ਦੇਣ ਅਤੇ ਨਿਮਰਤਾ ਦਿਖਾਉਣ ਦੀ ਬਜਾਏ ਉਹ ਮੁੜ ਬੈਂਗਲੁਰੂ ਚਲੇ ਗਏ ਹਨ।

Punjab is paying the price for a Chief Minister who is absent when the state needs him the most.
This is not @BhagwantMann 's first "detox" trip to Bengaluru. In 2022 too, he went for a similar programme. Later, he himself publicly admitted that he had been consuming alcohol and… pic.twitter.com/Q0F1Dy5VVB

— RP Singh National Spokesperson BJP (@rpsinghkhalsa) July 2, 2026

ਆਰਪੀ ਸਿੰਘ ਨੇ ਅੱਗੇ ਕਿਹਾ ਕਿ ਪੰਜਾਬ ਨੂੰ ਸਮੇਂ-ਸਮੇਂ 'ਤੇ ਨਿੱਜੀ ਡਿਟੌਕਸ ਰੀਟਰੀਟਸ 'ਤੇ ਜਾਣ ਵਾਲੇ ਮੁੱਖ ਮੰਤਰੀ ਦੀ ਲੋੜ ਨਹੀਂ ਹੈ। ਉਨ੍ਹਾਂ ਅਨੁਸਾਰ ਸੂਬੇ ਨੂੰ ਅਜਿਹੇ ਮੁੱਖ ਮੰਤਰੀ ਦੀ ਲੋੜ ਹੈ ਜੋ ਆਪਣੀ ਸਰਕਾਰ ਨੂੰ ਹੰਕਾਰ, ਭ੍ਰਿਸ਼ਟਾਚਾਰ, ਕਾਨੂੰਨਹੀਣਤਾ, ਟੁੱਟੇ ਹੋਏ ਵਾਅਦਿਆਂ ਅਤੇ ਸਿੱਖ ਸੰਸਥਾਵਾਂ ਪ੍ਰਤੀ ਨਿਰਾਦਰ ਤੋਂ ਮੁਕਤ (ਡਿਟੌਕਸ) ਕਰ ਸਕੇ। ਉਨ੍ਹਾਂ ਜ਼ੋਰ ਦੇ ਕੇ ਕਿਹਾ ਕਿ ਪੰਜਾਬ ਦੀ ਜਨਤਾ ਸਿਰਫ਼ ਬਹਾਨਿਆਂ, ਦਿਖਾਵਿਆਂ ਜਾਂ ਵਾਰ-ਵਾਰ ਕੀਤੇ ਜਾਣ ਵਾਲੇ ਡਿਟੌਕਸ ਦੌਰਿਆਂ ਦੀ ਨਹੀਂ, ਸਗੋਂ ਅਸਲ ਲੀਡਰਸ਼ਿਪ ਦੀ ਹੱਕਦਾਰ ਹੈ।
 

ਤਾਜ਼ਾ ਤੇ ਵੱਡੀਆਂ ਖ਼ਬਰਾਂ ਸਭ ਤੋਂ ਪਹਿਲਾਂ ਪੜ੍ਹਨ ਲਈ ਜੁਆਇਨ ਕਰੋ ‘ਜਗ ਬਾਣੀ’ ਦਾ ਵਟਸਐਪ ਚੈਨਲ
👇Join us on Whatsapp channel👇
https://whatsapp.com/channel/0029Va94hsaHAdNVur4L170e