ਬਜ਼ੁਰਗ ਨਾਗਰਿਕਾਂ ਲਈ ਕਿਹੜੀ ਬਚਤ ਯੋਜਨਾ ਹੈ ਵਧੇਰੇ ਫਾਇਦੇਮੰਦ, ਜਾਣੋ ਕੁਝ ਖ਼ਾਸ ਸਕੀਮਾਂ ਬਾਰੇ

ਨਵੀਂ ਦਿੱਲੀ - ਆਮਤੌਰ 'ਤੇ ਬਜ਼ੁਰਗ ਨਾਗਰਿਕਾਂ ਨੂੰ ਅਜਿਹੀਆਂ ਯੋਜਨਵਾਂ ਵਿਚ ਨਿਵੇਸ਼ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਜਿਸ ਵਿਚ ਕੋਈ ਜੋਖਮ ਨਹੀਂ ਹੁੰਦਾ। ਇਹੀ ਕਾਰਨ ਹੈ ਕਿ ਬਜ਼ੁਰਗ ਨਾਗਰਿਕਾਂ ਲਈ ਨਿਵੇਸ਼ ਦਾ ਸਭ ਤੋਂ ਵਧਿਆ ਵਿਕਲਪ ਬੈਂਕ ਐਫ.ਡੀ. ਹੈ। ਹਾਲਾਂਕਿ ਜਿਸ ਤਰ੍ਹਾਂ ਬੈਂਕਾਂ ਆਪਣੀਆਂ ਵਿਆਜ ਦਰਾਂ ਘਟਾ ਰਹੇ ਹਨ ਉਸ ਨੂੰ ਦੇਖ ਕੇ ਸੀਨੀਅਰ ਸਿਟੀਜ਼ਨ ਹੁਣ ਨਿਵੇਸ਼ ਦੇ ਹੋਰ ਵਿਕਲਪਾਂ ਦੀ ਭਾਲ ਕਰ ਰਹੇ ਹਨ। ਇਨ੍ਹਾਂ ਵਿਚ ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ (ਐਸ.ਸੀ.ਐੱਸ.ਐੱਸ.) ਸ਼ਾਮਲ ਹੈ। ਜੇ ਬਜ਼ੁਰਗ ਨਾਗਰਿਕ ਨਿਯਮਤ ਮਹੀਨਾਵਾਰ ਆਮਦਨੀ ਚਾਹੁੰਦੇ ਹਨ ਤਾਂ ਉਨ੍ਹਾਂ ਲਈ ਪ੍ਰਧਾਨ ਮੰਤਰੀ ਵਾਇਆ ਵੰਦਨਾ ਯੋਜਨਾ (ਪੀ.ਐੱਮ.ਵੀ.ਵੀ.ਵਾਈ.) ਵੀ ਇੱਕ ਚੰਗਾ ਵਿਕਲਪ ਹੈ। ਆਓ ਜਾਣਦੇ ਹਾਂ ਨਿਵੇਸ਼ ਦੇ ਮਾਮਲੇ ਵਿੱਚ ਇਹਨਾਂ ਵਿੱਚੋਂ ਕਿਹੜੀ ਯੋਜਨਾ ਜ਼ਿਆਦਾ ਬਿਹਤਰ ਸਾਬਤ ਹੋ ਸਕਦੀ ਹੈ।

ਇਹ ਵੀ ਪੜ੍ਹੋ : ਬੰਦ ਹੋਣ ਜਾ ਰਹੀ ਹੈ ਅਨਿਲ ਅੰਬਾਨੀ ਦੀ ਇਹ ਕੰਪਨੀ, ਭਾਰਤ ਸਮੇਤ ਚੀਨੀ ਬੈਂਕ ਨੂੰ ਹੋਵੇਗਾ ਭਾਰੀ ਨੁਕਸਾਨ

ਇਨ੍ਹਾਂ ਯੋਜਨਾਵਾਂ ਵਿਚ ਨਿਵੇਸ਼ ਨਾਲ ਤੁਸੀਂ ਇੱਕ ਨਿਸ਼ਚਤ ਮਹੀਨਾਵਾਰ ਰਕਮ(ਆਮਦਨ) ਪ੍ਰਾਪਤ ਕਰ ਸਕਦੇ ਹੋ। ਪੀ.ਐਮ. ਵੀ.ਵੀ.ਵਾਈ. ਭਾਰਤੀ ਜੀਵਨ ਬੀਮਾ ਦੀ ਯੋਜਨਾ ਹੈ। ਦੂਜੇ ਪਾਸੇ ਐਸ.ਸੀ.ਐਸ.ਐਸ. ਇੱਕ ਪ੍ਰਸਿੱਧ ਡਾਕਘਰ ਯੋਜਨਾ ਹੈ। ਦੋਵਾਂ ਯੋਜਨਾਵਾਂ ਵਿਚ ਮਿਆਦ ਪੁੱਗਣ ਤੋਂ ਬਾਅਦ ਤੁਹਾਨੂੰ ਵਿੱਤੀ ਸਮੱਸਿਆਵਾਂ ਦਾ ਸਾਹਮਣਾ ਨਹੀਂ ਕਰਨਾ ਪਏਗਾ। ਮਾਹਰਾਂ ਅਨੁਸਾਰ ਐਸ.ਸੀ.ਐਸ.ਐਸ. ਵਿਚ ਵਧੇਰੇ ਤਰਲਤਾ ਹੈ ਜਦੋਂ ਕਿ ਪੀ.ਐਮ.ਵੀ.ਵੀ.ਵਾਈ. ਵਿੱਚ ਨਿਵੇਸ਼ਕ ਲਈ ਹਰ ਮਹੀਨੇ ਇੱਕ ਨਿਸ਼ਚਤ ਰਕਮ ਦੀ ਵਾਪਸੀ ਯਕੀਨੀ ਬਣਾ ਸਕਦੇ ਹਨ। ਮਾਹਰਾਂ ਦਾ ਮੰਨਣਾ ਹੈ ਕਿ ਬਜ਼ੁਰਗਾਂ ਨੂੰ ਇਨ੍ਹਾਂ ਦੋਵਾਂ ਯੋਜਨਾਵਾਂ ਵਿੱਚ ਨਿਵੇਸ਼ ਕਰਨਾ ਚਾਹੀਦਾ ਹੈ ਤਾਂ ਜੋ ਉਨ੍ਹਾਂ ਨੂੰ ਬੀਮੇ ਅਤੇ ਪੱਕਾ ਮਾਸਿਕ ਆਮਦਨੀ ਦੀ ਸਹੂਲਤ ਮਿਲੇ ਅਤੇ ਨਾਲ ਹੀ ਵਿੱਤੀ ਸੰਕਟ ਵਿੱਚ ਪੈਸਾ ਦੀ ਸਹੂਲਤ ਕਾਇਮ ਰਹੇ।

ਪ੍ਰਧਾਨ ਮੰਤਰੀ ਵੈ ਵੰਦਨਾ ਯੋਜਨਾ

ਪ੍ਰਧਾਨ ਮੰਤਰੀ ਵੈ ਵੰਦਨਾ ਯੋਜਨਾ ਸਕੀਮ ਦਾ ਸੰਚਾਲਨ ਐਲ.ਆਈ.ਸੀ. ਵਲੋਂ ਕੀਤਾ ਜਾ ਰਿਹਾ ਹੈ। ਇਸ ਯੋਜਨਾ ਵਿਚ ਨਿਵੇਸ਼ ਕਰਨ ਨਾਲ ਤੁਸੀਂ ਹਰ ਮਹੀਨੇ 10 ਹਜ਼ਾਰ ਰੁਪਏ ਤੱਕ ਦੀ ਪੈਨਸ਼ਨ ਪ੍ਰਾਪਤ ਕਰ ਸਕਦੇ ਹੋ। ਸਿਰਫ ਇੰਨਾ ਹੀ ਨਹੀਂ ਜੇ ਪਾਲਿਸੀ ਧਾਰਕ 10 ਸਾਲਾਂ ਤੱਕ ਵੀ ਜੀਵਤ ਰਹਿੰਦਾ ਹੈ, ਤਾਂ ਉਸਨੂੰ ਪੈਨਸ਼ਨ ਦੇ ਖਰੀਦ ਮੁੱਲ ਵੀ ਵਾਪਸ ਮਿਲ ਜਾਂਦਾ ਹੈ। ਐਲ.ਆਈ.ਸੀ. ਦੀ ਵੈਬਸਾਈਟ ਦੇ ਅਨੁਸਾਰ 31 ਮਾਰਚ 2022 ਲਈ ਪੀ.ਐਮ.ਵੀ.ਵੀ.ਵਾਈ. ਦੀ ਵਿਆਜ ਦਰ 7.4 ਪ੍ਰਤੀਸ਼ਤ ਹੈ।

ਇਹ ਵੀ ਪੜ੍ਹੋ : ਇਸ ਵਾਰ ਤਾਲਾਬੰਦੀ ’ਚ ਨਹੀਂ ਹੋਵੇਗੀ ਜ਼ਰੂਰੀ ਚੀਜ਼ਾਂ ਦੀ ਘਾਟ, ਚੁਣੋਤੀਆਂ ਨਾਲ ਨਜਿੱਠਣ ਲਈ ਤਿਆਰ ਕੰਪਨੀਆਂ

ਸੀਨੀਅਰ ਸਿਟੀਜ਼ਨ ਸੇਵਿੰਗ ਸਕੀਮ

ਪੋਸਟ ਆਫਿਸ ਦੀ ਐਸ.ਸੀ.ਐੱਸ.ਐੱਸ.(Senior Citizen Savings Scheme) ਸੀਨੀਅਰ ਸਿਟੀਜ਼ਨਜ਼ ਲਈ ਇਕ ਬਿਹਤਰ ਵਿਕਲਪ ਹੈ। ਇਹ ਸਕੀਮ 5 ਸਾਲਾਂ ਲਈ ਹੈ। ਤੁਸੀਂ ਇਸ ਵਿੱਚ ਵੱਧ ਤੋਂ ਵੱਧ 15 ਲੱਖ ਰੁਪਏ ਦਾ ਨਿਵੇਸ਼ ਕਰ ਸਕਦੇ ਹੋ। ਮਿਆਦ ਪੁੱਗਣ ਤੋਂ ਬਾਅਦ ਇਸ ਯੋਜਨਾ ਨੂੰ 3 ਸਾਲਾਂ ਲਈ ਵਧਾਇਆ ਜਾ ਸਕਦਾ ਹੈ। ਖਾਤਾ ਖੋਲ੍ਹਣ ਲਈ ਘੱਟੋ ਘੱਟ ਜਮ੍ਹਾਂ ਰਕਮ 1000 ਰੁਪਏ ਹੋਣੀ ਚਾਹੀਦੀ ਹੈ। 

ਕਿਹੜੀ ਯੋਜਨਾ ਹੈ ਜ਼ਿਆਦਾ ਬਿਹਤਰ

ਪੀ.ਐਮ.ਵੀ.ਵੀ.ਵਾਈ. ਵਿਚ ਨਿਵੇਸ਼ਕ 10 ਸਾਲਾਂ ਦੀ ਮਿਆਦ ਪੂਰੀ ਹੋਣ ਤੋਂ ਪਹਿਲਾਂ ਪੈਸੇ ਵਾਪਸ ਨਹੀਂ ਲੈ ਸਕਦੇ ਜਦੋਂ ਕਿ ਐਸ.ਸੀ.ਐਸ.ਐਸ. ਵਿਚ ਨਿਵੇਸ਼ਕ ਸਮੇਂ ਤੋਂ ਪਹਿਲਾਂ ਭੁਗਤਾਨ ਵਾਪਸ ਲੈ ਸਕਦੇ ਹਨ। ਇਹਨਾਂ ਦੋਵਾਂ ਯੋਜਨਾਵਾਂ ਵਿਚ ਭਵਿੱਖ ਵਿਚ ਵਿੱਤੀ ਐਮਰਜੈਂਸੀ ਪੈਦਾ ਹੋਣ ਦੀ ਸਥਿਤੀ ਵਿਚ ਨਿਵੇਸ਼ਕਾਂ ਨੂੰ ਚੰਗੀ ਮਹੀਨਾਵਾਰ ਵਾਪਸੀ ਦੇ ਨਾਲ ਇੱਕ ਐਵੇਨਿਊ ਵੀ ਵਧੀਆ ਮਿਲਦਾ ਹੈ। ਕੋਈ 55 ਸਾਲ ਦੀ ਉਮਰ ਹੋਣ ਤੋਂ ਬਾਅਦ ਐਸ.ਸੀ.ਐਸ. ਵਿਚ ਨਿਵੇਸ਼ ਕਰਨਾ ਆਰੰਭ ਕਰ ਸਕਦਾ ਹੈ ਜਦੋਂ ਕਿ ਪੀ.ਐਮ.ਵੀ.ਵੀ.ਵਾਈ. ਵਿਚ ਨਿਵੇਸ਼ ਕਰਨ ਦੇ ਯੋਗ ਬਣਨ ਲਈ ਇੱਕ ਵਿਅਕਤੀ ਦੀ ਉਮਰ 60 ਸਾਲਾਂ ਦੀ ਹੋਣੀ ਚਾਹੀਦੀ ਹੈ। ਐਸ.ਸੀ.ਐਸ.ਐਸ. ਵਿਚ ਵਿਆਜ ਦਰ ਤਿਮਾਹੀ ਅਧਾਰ 'ਤੇ ਵੱਖ-ਵੱਖ ਹੋ ਸਕਦੀ ਹੈ, ਪਰ ਪੀ.ਐਮ.ਵੀ.ਵੀ.ਵਾਈ. ਵਿਚ ਵਿਆਜ ਦਰ ਫਿਕਸ ਹੈ।

ਇਹ ਵੀ ਪੜ੍ਹੋ : ਜੇਫ ਬੇਜੋਸ ਨੂੰ ਪਛਾੜ ਐਲਨ ਮਸਕ ਨੇ NASA ਨਾਲ ਇਸ ਸਮਝੌਤੇ 'ਤੇ ਕੀਤੇ ਹਸਤਾਖ਼ਰ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।