ਵਾਹਨ ਕਾਰਖਾਨਿਆਂ ਦੇ ਭਾਰੀ ਕੰਮਾਂ ''ਚ ਵਧ ਰਹੀ ਹੈ ਮਹਿਲਾ ਮਜ਼ਦੂਰਾਂ ਦੀ ਹਾਜ਼ਰੀ
08/20/2018 12:39:20 AM
ਨਵੀਂ ਦਿੱਲੀ— ਵਾਹਨ ਕਾਰਖਾਨਿਆਂ 'ਚ ਅਸੈਂਬਲਿੰਗ ਲਾਈਨ ਯਾਨੀ ਨਿਰਮਾਣ ਕੰਮਾਂ ਦੀਆਂ ਵੱਖ-ਵੱਖ ਸ਼੍ਰੇਣੀਆਂ ਦੇ ਕੰਮ ਨੂੰ ਭਾਰੀ ਮੰਨ ਕੇ ਔਰਤਾਂ ਨੂੰ ਉਨ੍ਹਾਂ ਲਈ ਕਾਬਲ ਨਹੀਂ ਸਮਝਿਆ ਜਾਂਦਾ ਸੀ ਪਰ ਪੁਰਸ਼ਾਂ ਦੀ ਜਗੀਰ ਸਮਝੇ ਜਾਣ ਵਾਲੇ ਇਸ ਖੇਤਰ 'ਚ ਬਦਲਦੇ ਸਮੇਂ ਦੇ ਨਾਲ ਔਰਤਾਂ ਆਪਣਾ ਦਖਲ ਵਧਾ ਰਹੀਆਂ ਹਨ। ਦੇਸ਼ ਦੀਆਂ ਜ਼ਿਆਦਾਤਰ ਵਾਹਨ ਕੰਪਨੀਆਂ ਦੇ ਕਾਰਖਾਨਿਆਂ 'ਚ ਸਰਾਪ ਫਲੋਰ 'ਤੇ ਔਰਤਾਂ ਦੀ ਹਾਜ਼ਰੀ ਵਧੀ ਹੈ ਅਤੇ ਕੰਪਨੀਆਂ ਇਸ ਕੰਮ ਲਈ ਉਨ੍ਹਾਂ ਦੀ ਨਿਯੁਕਤੀ ਨੂੰ ਉਤਸ਼ਾਹ ਦੇ ਰਹੀਆਂ ਹਨ।
ਅਜਿਹਾ ਵੀ ਨਹੀਂ ਹੈ ਕਿ ਸਿਰਫ ਕਾਰ-ਸਕੂਟਰ ਕੰਪਨੀਆਂ ਦੇ ਕਾਰਖਾਨਿਆਂ 'ਚ ਹੀ ਉਹ ਸਰਾਪ ਫਲੋਰ 'ਤੇ ਮੌਜੂਦ ਹੋਣ, ਸਗੋਂ ਟਰੱਕ-ਟਰੈਕਟਰ ਦਾ ਉਤਪਾਦਨ ਕਰਨ ਵਾਲੀ ਟਾਟਾ ਮੋਟਰਸ, ਮਹਿੰਦਰਾ ਐਂਡ ਮਹਿੰਦਰਾ ਅਤੇ ਆਇਸ਼ਰ ਮੋਟਰਸ ਵਰਗੀਆਂ ਕੰਪਨੀਆਂ ਦੇ ਕਾਰਖਾਨਿਆਂ 'ਚ ਵੀ ਸਰਾਪ ਫਲੋਰ 'ਤੇ ਔਰਤਾਂ ਦੀ ਹਾਜ਼ਰੀ ਵਧੀ ਹੈ। ਇਸ ਤੋਂ ਇਲਾਵਾ ਹੀਰੋ ਮੋਟੋਕਾਰਪ ਅਤੇ ਬਜਾਜ਼ ਆਟੋ ਵਰਗੀਆਂ ਕੰਪਨੀਆਂ ਵੀ ਆਪਣੇ ਇੱਥੇ ਲਿੰਗਿਕ ਵਿਭਿੰਨਤਾ ਨੂੰ ਉਤਸ਼ਾਹਿਤ ਕਰ ਰਹੀ ਹੈ। 4 ਸਾਲ ਪਹਿਲਾਂ ਟਾਟਾ ਮੋਟਰਸ ਨੇ ਵੂਮੈਨ ਇਸ 'ਬਲਿਊ' ਮੁਹਿੰਮ ਤਹਿਤ ਸਿਰਫ 5 ਔਰਤਾਂ ਦੇ ਬੈਚ ਨਾਲ ਲੜਕੀਆਂ ਨੂੰ ਕਾਰਖਾਨਿਆਂ ਦੇ ਕਾਰੋਬਾਰ 'ਚ ਪ੍ਰਵੇਸ਼ ਅਤੇ ਸਿਖਲਾਈ ਦੇਣਾ ਸ਼ੁਰੂ ਕੀਤਾ ਸੀ। ਇਸ 'ਚ ਆਰਥਕ ਤੌਰ 'ਤੇ ਕਮਜ਼ੋਰ ਤਬਕੇ ਦੀਆਂ ਲੜਕੀਆਂ ਨੂੰ ਪਹਿਲ ਦਿੱਤੀ ਗਈ।
