ਦਸੰਬਰ 'ਚ ਸਸਤੀ ਹੋਈ ਮਾਸਾਹਾਰੀ-ਸ਼ਾਕਾਹਾਰੀ ਥਾਲੀ! ਪਿਆਜ਼-ਟਮਾਟਰ ਸਸਤੇ ਹੋਣ ਕਾਰਨ ਡਿੱਗੀਆਂ ਕੀਮਤਾਂ

ਬਿਜ਼ਨੈੱਸ ਡੈਸਕ : ਪਿਆਜ ਅਤੇ ਟਮਾਟਰ ਦੀਆਂ ਕੀਮਤਾਂ ਵਿਚ ਗਿਰਾਵਟ ਆਉਣ ਤੋਂ ਬਾਅਦ ਦਸੰਬਰ ਵਿਚ ਸ਼ਾਕਾਹਾਰੀ ਅਤੇ ਮਾਸਾਹਾਰੀ ਭੋਜਨ ਵਾਲੀ ਥਾਲੀ ਦੀ ਕੀਮਤ ਵਿਚ ਕਮੀ ਆਈ ਹੈ। ਸੋਮਵਾਰ ਵਾਲੇ ਦਿਨ ਕ੍ਰਿਸਿਲ ਮਾਰਕਿਟ ਇੰਟੈਲੀਜੈਂਸ ਐਂਡ ਐਨਾਲਿਟਿਕਸ ਰਿਸਰਚ 'ਰਾਇਸ ਰੋਟੀ ਰੋਟ' ਦੀ ਜਾਰੀ ਕੀਤੀ ਗਈ ਰਿਪੋਰਟ ਵਿਚ ਇਸ ਦਾ ਜ਼ਿਕਰ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ - ਸੋਨਾ-ਚਾਂਦੀ ਖਰੀਦਣ ਵਾਲੇ ਲੋਕਾਂ ਲਈ ਵੱਡੀ ਖ਼ਬਰ, ਡਿੱਗੀਆਂ ਕੀਮਤਾਂ, ਜਾਣੋ ਅੱਜ ਦੇ ਤਾਜ਼ਾ ਭਾਅ

ਘਰੇਲੂ ਬਣੀਆਂ ਸਬਜ਼ੀਆਂ-ਮਾਸਾਹਾਰੀ ਥਾਲੀ ਦੇ ਰੇਟਾਂ 'ਚ ਬਦਲਾਅ
ਦੋਵਾਂ ਕਿਸਮਾਂ ਦੇ ਭੋਜਨ ਵਿਚ ਕ੍ਰਮਵਾਰ 3 ਫ਼ੀਸਦੀ ਅਤੇ 5 ਫ਼ੀਸਦੀ ਦੀ ਕਮੀ ਆਈ ਹੈ। MI&A ਦੇ ਅਨੁਮਾਨਾਂ ਅਨੁਸਾਰ ਘਰੇਲੂ ਸਬਜ਼ੀਆਂ ਅਤੇ ਮਾਸਾਹਾਰੀ ਥਾਲੀ ਦੀਆਂ ਦਰਾਂ ਦਸੰਬਰ ਵਿੱਚ ਕ੍ਰਮਵਾਰ 3 ਫ਼ੀਸਦੀ ਅਤੇ 5 ਫ਼ੀਸਦੀ ਡਿੱਗ ਗਈਆਂ ਹਨ। ਰਿਪੋਰਟ 'ਚ ਕਿਹਾ ਗਿਆ ਹੈ ਕਿ ਤਿਉਹਾਰੀ ਸੀਜ਼ਨ ਦੇ ਖ਼ਤਮ ਹੋਣ ਨਾਲ ਸ਼ਾਕਾਹਾਰੀ ਅਤੇ ਮਾਸਾਹਾਰੀ ਥਾਲੀਆਂ ਦੀਆਂ ਕੀਮਤਾਂ 'ਚ ਕ੍ਰਮਵਾਰ 14 ਫ਼ੀਸਦੀ ਅਤੇ 3 ਫ਼ੀਸਦੀ ਦੀ ਮਹੀਨਾ ਦਰ ਮਹੀਨੇ ਦੀ ਗਿਰਾਵਟ ਕਾਰਨ ਪਿਆਜ਼ ਅਤੇ ਟਮਾਟਰ ਦੀਆਂ ਕੀਮਤਾਂ 'ਚ ਕਮੀ ਆਈ ਹੈ।

ਇਹ ਵੀ ਪੜ੍ਹੋ - ਮਾਲਦੀਵ ਨੂੰ ਭਾਰਤ ਨਾਲ ਪੰਗਾ ਪਿਆ ਮਹਿੰਗਾ, EaseMyTrip ਨੇ ਸਾਰੀਆਂ ਉਡਾਣਾਂ ਦੀ ਬੁਕਿੰਗ ਕੀਤੀ ਰੱਦ

ਮਾਸਾਹਾਰੀ ਥਾਲੀ ਦੀ ਕੀਮਤ ਵਿੱਚ ਤੇਜ਼ੀ ਨਾਲ ਗਿਰਾਵਟ
ਰਿਪੋਰਟ ਅਨੁਸਾਰ ਬਰਾਇਲਰ ਦੀਆਂ ਕੀਮਤਾਂ ਵਿੱਚ ਮਹੀਨਾ-ਦਰ-ਮਹੀਨਾ 5-7 ਫ਼ੀਸਦੀ ਦੀ ਗਿਰਾਵਟ ਕਾਰਨ ਮਾਸਾਹਾਰੀ ਥਾਲੀ ਦੀ ਕੀਮਤ ਵਿੱਚ ਤੇਜ਼ੀ ਨਾਲ ਗਿਰਾਵਟ ਆਈ ਹੈ, ਜੋ ਲਾਗਤ ਦਾ 50 ਫ਼ੀਸਦੀ ਬਣਦਾ ਹੈ। ਦੱਸ ਦੇਈਏ ਕਿ ਘਰ ਵਿੱਚ ਥਾਲੀ ਤਿਆਰ ਕਰਨ ਦੀ ਔਸਤ ਲਾਗਤ ਉੱਤਰ, ਦੱਖਣ, ਪੂਰਬੀ ਅਤੇ ਪੱਛਮੀ ਭਾਰਤ ਵਿੱਚ ਪ੍ਰਚਲਿਤ ਇਨਪੁਟ ਕੀਮਤਾਂ ਦੇ ਆਧਾਰ 'ਤੇ ਗਣਨਾ ਕੀਤੀ ਜਾਂਦੀ ਹੈ। ਅੰਕੜੇ ਇਹ ਵੀ ਦਰਸਾਉਂਦੇ ਹਨ ਕਿ ਥਾਲੀ ਦੀ ਕੀਮਤ ਨੂੰ ਬਦਲਣ ਵਾਲੇ ਕਾਰਕਾਂ ਵਿੱਚ ਅਨਾਜ, ਦਾਲਾਂ, ਬਰਾਇਲਰ, ਸਬਜ਼ੀਆਂ, ਮਸਾਲੇ, ਖਾਣ ਵਾਲਾ ਤੇਲ ਅਤੇ ਰਸੋਈ ਗੈਸ ਆਦਿ ਸ਼ਾਮਲ ਹਨ।

ਇਹ ਵੀ ਪੜ੍ਹੋ - OMG! ਉਡਾਣ ਦੌਰਾਨ ਹਵਾ 'ਚ ਖੁੱਲ੍ਹਿਆ ਜਹਾਜ਼ ਦਾ ਦਰਵਾਜ਼ਾ, 177 ਲੋਕ ਵਾਲ-ਵਾਲ ਬਚੇ, ਹੋਈ ਐਮਰਜੈਂਸੀ ਲੈਂਡਿੰਗ

ਸ਼ਾਕਾਹਾਰੀ ਥਾਲੀ ਦੀ ਕੀਮਤ 'ਚ 12 ਫ਼ੀਸਦੀ ਵਾਧਾ
ਇਸੇ ਤਰ੍ਹਾਂ ਸਾਲ ਦਰ ਸਾਲ ਆਧਾਰ 'ਤੇ ਸ਼ਾਕਾਹਾਰੀ ਥਾਲੀ ਦੀ ਕੀਮਤ 'ਚ 12 ਫ਼ੀਸਦੀ ਦਾ ਵਾਧਾ ਹੋਇਆ ਹੈ, ਜਦਕਿ ਮਾਸਾਹਾਰੀ ਭੋਜਨ ਦੀ ਕੀਮਤ 'ਚ 4 ਫ਼ੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ। ਰਿਪੋਰਟ ਵਿਚ ਕਿਹਾ ਗਿਆ ਹੈ ਕਿ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਵਿਚ ਵਾਧਾ ਪਿਆਜ਼ ਅਤੇ ਟਮਾਟਰ ਦੀਆਂ ਕੀਮਤਾਂ ਵਿਚ ਕ੍ਰਮਵਾਰ 82 ਫ਼ੀਸਦੀ ਅਤੇ 42 ਫ਼ੀਸਦੀ ਦੇ ਭਾਰੀ ਵਾਧੇ ਕਾਰਨ ਹੋਇਆ ਹੈ। ਦਾਲਾਂ ਦੀਆਂ ਕੀਮਤਾਂ, ਜੋ ਸ਼ਾਕਾਹਾਰੀ ਥਾਲੀ ਦੀ ਕੀਮਤ ਦਾ 9 ਫ਼ੀਸਦੀ ਬਣਦੀਆਂ ਹਨ, ਵੀ ਸਾਲ ਦਰ ਸਾਲ 24 ਫ਼ੀਸਦੀ ਵਧੀਆਂ ਹਨ। ਨਾਨ-ਵੈਜ ਥਾਲੀ ਦੀ ਕੀਮਤ 'ਚ ਗਿਰਾਵਟ ਉੱਚ ਉਤਪਾਦਨ ਦੇ ਦੌਰਾਨ ਬਰਾਇਲਰ ਦੀਆਂ ਕੀਮਤਾਂ 'ਚ ਸਾਲ-ਦਰ-ਸਾਲ 15 ਫ਼ੀਸਦੀ ਦੀ ਗਿਰਾਵਟ ਕਾਰਨ ਹੈ।

ਇਹ ਵੀ ਪੜ੍ਹੋ - ਅਸਮਾਨੀ ਪੁੱਜੇ Dry Fruits ਦੇ ਭਾਅ, ਬਦਾਮ 680 ਤੇ ਪਿਸਤਾ 3800 ਰੁਪਏ ਪ੍ਰਤੀ ਕਿਲੋ ਹੋਇਆ, ਜਾਣੋ ਕਿਉਂ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8