ਗਲਤ ਖਾਤੇ ''ਚ ਹੋ ਗਿਆ UPI ਪੇਮੈਂਟ ! ਇਸ trick ਨਾਲ ਪੈਸੇ ਮਿਲ ਜਾਣਗੇ ਵਾਪਸ, ਪੜ੍ਹੋ ਪੂਰੀ ਖ਼ਬਰ

ਬਿਜਨਸ ਡੈਸਕ - ਹਾਲ ਹੀ ਦੇ ਸਮੇਂ 'ਚ ਭਾਰਤ 'ਚ UPI ਲੈਣ-ਦੇਣ ਦਾ ਰੁਝਾਨ ਬਹੁਤ ਵਧਿਆ ਹੈ। ਯੂਪੀਆਈ ਸੇਵਾ ਦੇ ਆਉਣ ਤੋਂ ਬਾਅਦ ਨਕਦੀ ਦੀ ਵਰਤੋਂ ਘੱਟ ਗਈ ਹੈ। ਹਾਲਾਂਕਿ ਡਿਜੀਟਲ ਭੁਗਤਾਨ ਕਰਨ ਦਾ ਇੱਕ ਨੁਕਸਾਨ ਇਹ ਹੈ ਕਿ ਜੇਕਰ ਗਲਤੀ ਨਾਲ ਭੁਗਤਾਨ ਗਲਤ ਖਾਤੇ 'ਚ ਹੋ ਜਾਂਦਾ ਹੈ, ਤਾਂ ਇਸਨੂੰ ਵਾਪਸ ਪ੍ਰਾਪਤ ਕਰਨ ਲਈ ਬਹੁਤ ਮੁਸ਼ਕਲ ਵਿੱਚੋਂ ਲੰਘਣਾ ਪੈਂਦਾ ਹੈ। ਅੱਜ ਅਸੀਂ ਤੁਹਾਨੂੰ ਦੱਸਾਂਗੇ ਕਿ ਅਜਿਹੀ ਮੁਸ਼ਕਲ ਸਥਿਤੀ 'ਚ ਕੀ ਕਰਨਾ ਚਾਹੀਦਾ ਹੈ। ਤੁਸੀਂ ਜੇਕਰ ਗਲਤ ਖਾਤੇ 'ਚ  UPI ਭੁਗਤਾਨ ਕਰਦੇ ਹੋ ਤਾਂ ਤੁਹਾਨੂੰ ਚਿੰਤਾ ਕਰਨ ਦੀ ਜ਼ਰੂਰਤ ਨਹੀਂ ਹੈ, ਜੇਕਰ ਅਜਿਹਾ ਹੁੰਦਾ ਹੈ, ਤਾਂ ਪੈਸੇ ਵਾਪਸ ਪ੍ਰਾਪਤ ਕਰਨ ਲਈ ਇੱਕ ਆਸਾਨ ਪ੍ਰਕਿਰਿਆ ਹੈ, ਜਿਸਦੀ ਪਾਲਣਾ ਕਰ ਕੇ ਤੁਸੀਂ ਜਲਦੀ ਤੋਂ ਜਲਦੀ ਆਪਣੇ ਪੈਸੇ ਆਸਾਨੀ ਨਾਲ ਵਾਪਸ ਪ੍ਰਾਪਤ ਕਰ ਸਕਦੇ ਹੋ। ਆਓ ਅੱਜ ਇਸ ਪੂਰੀ ਪ੍ਰਕਿਰਿਆ ਬਾਰੇ ਜਾਣਦੇ ਹਾਂ।

ਇਹ ਵੀ ਪੜ੍ਹੋ...Swiggy-Zomato ਤੋਂ ਆਨਲਾਈਨ ਮਿਲੇਗਾ ਮਹਿੰਗਾ ਖਾਣਾ! ਹੁਣ ਦੇਣਾ ਪਵੇਗਾ ਰੇਨ ਸਰਚਾਰਜ

ਅਜਿਹੀ ਸਥਿਤੀ 'ਚ ਕੀ ਕਰਨਾ

ਜੇਕਰ ਪੈਸੇ ਗਲਤ ਖਾਤੇ 'ਚ ਟ੍ਰਾਂਸਫਰ ਹੋਣ ਤੋਂ ਬਾਅਦ ਵੀ ਉਹ ਵਿਅਕਤੀ ਤੁਹਾਡੇ ਪੈਸੇ ਵਾਪਸ ਨਹੀਂ ਕਰ ਰਿਹਾ ਹੈ। ਫਿਰ ਤੁਸੀਂ ਆਪਣੇ ਬੈਂਕ 'ਚ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ ਕਿ ਤੁਹਾਡੇ ਪੈਸੇ ਗਲਤ ਖਾਤੇ 'ਚ ਟ੍ਰਾਂਸਫਰ ਹੋ ਗਏ ਹਨ। ਇਸ ਤੋਂ ਇਲਾਵਾ ਤੁਸੀਂ ਟੋਲ ਫ੍ਰੀ ਨੰਬਰ 18001201740 'ਤੇ ਕਾਲ ਕਰ ਕੇ ਇਸ ਸੰਬੰਧੀ ਸ਼ਿਕਾਇਤ ਦਰਜ ਕਰਵਾ ਸਕਦੇ ਹੋ। ਤੁਸੀਂ ਇਸ ਸਬੰਧੀ ਸ਼ਿਕਾਇਤ NPCI ਪੋਰਟਲ 'ਤੇ ਵੀ ਦਰਜ ਕਰਵਾ ਸਕਦੇ ਹੋ।

NPCI ਦਾ ਨਵਾਂ ਨਿਯਮ
ਨੈਸ਼ਨਲ ਪੇਮੈਂਟਸ ਕਾਰਪੋਰੇਸ਼ਨ ਆਫ ਇੰਡੀਆ ਯਾਨੀ NPCI ਨੇ ਇੱਕ ਨਵਾਂ ਨਿਯਮ ਲਿਆਂਦਾ ਹੈ। ਜਿਸਦੇ ਤਹਿਤ ਤੁਹਾਡਾ ਪੈਸਾ ਗਲਤ ਹੱਥਾਂ 'ਚ ਨਹੀਂ ਜਾਵੇਗਾ। ਤੁਹਾਨੂੰ ਦੱਸ ਦੇਈਏ ਕਿ UPI ਰਾਹੀਂ P2P ਦਾ ਅਰਥ ਹੈ ਪੀਅਰ ਟੂ ਪੀਅਰ ਅਤੇ P2PM ਦਾ ਅਰਥ ਹੈ ਪੀਅਰ ਟੂ ਪੀਅਰ ਮਰਚੈਂਟ। ਹੁਣ ਕਿਸੇ ਵੀ ਤਰ੍ਹਾਂ ਦਾ ਲੈਣ-ਦੇਣ ਕਰਨ 'ਤੇ ਖਾਤਾ ਧਾਰਕ ਦਾ ਸਿਰਫ਼ ਉਹੀ ਨਾਮ ਦਿਖਾਈ ਦੇਵੇਗਾ ਜੋ ਸੀਬੀਐਸ ਯਾਨੀ ਕੋਰ ਬੈਂਕਿੰਗ ਸਿਸਟਮ 'ਚ ਰਜਿਸਟਰਡ ਹੋਵੇਗਾ।

ਇਹ ਵੀ ਪੜ੍ਹੋ...Monsoon Alert: ਅਗਲੇ ਚਾਰ ਦਿਨ ਪਵੇਗਾ ਭਾਰੀ ਮੀਂਹ, ਮੌਸਮ ਵਿਭਾਗ ਵੱਲੋਂ ਅਲਰਟ ਜਾਰੀ

ਇਹ ਧਿਆਨ ਦੇਣ ਯੋਗ ਹੈ ਕਿ ਭੁਗਤਾਨ ਕਰਦੇ ਸਮੇਂ ਤੁਹਾਨੂੰ ਜੋ ਨਾਮ ਦਿਖਾਈ ਦੇਵੇਗਾ ਉਹੀ ਨਾਮ ਬੈਂਕ ਖਾਤੇ 'ਚ ਰਜਿਸਟਰਡ ਹੋਵੇਗਾ। ਉਸ ਵਿਅਕਤੀ ਦਾ ਨੰਬਰ ਤੁਹਾਡੇ ਫ਼ੋਨ 'ਚ ਕਿਸੇ ਵੀ ਨਾਮ ਨਾਲ ਸੇਵ ਕੀਤਾ ਗਿਆ ਹੈ, ਇਸ ਨਾਲ ਕੋਈ ਫ਼ਰਕ ਨਹੀਂ ਪੈਂਦਾ। ਕਈ ਵਾਰ ਲੋਕਾਂ ਦੇ ਵੱਖ-ਵੱਖ ਨਾਮ ਹੋਣ ਕਾਰਨ ਉਲਝਣ ਪੈਦਾ ਹੁੰਦੀ ਹੈ ਅਤੇ ਇਸ ਕਾਰਨ ਪੈਸੇ ਗਲਤ ਖਾਤਿਆਂ 'ਚ ਟ੍ਰਾਂਸਫਰ ਹੋ ਜਾਂਦੇ ਹਨ ਪਰ ਹੁਣ ਅਜਿਹਾ ਨਹੀਂ ਹੋਵੇਗਾ। ਇਹ ਨਵਾਂ ਨਿਯਮ 30 ਜੂਨ, 2025 ਤੋਂ ਸਾਰੇ UPI ਐਪਸ ਲਈ ਲਾਗੂ ਕੀਤਾ ਜਾਵੇਗਾ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8