Bharatpe 'ਚ ਧੋਖਾਧੜੀ ਦੇ ਹੋਰ ਵੀ ਮਾਮਲੇ ਆਏ ਸਾਹਮਣੇ

ਨਵੀਂ ਦਿੱਲੀ : ਗੁਡਸ ਐਂਡ ਸਰਵਿਸਿਜ਼ ਟੈਕਸ ਇੰਟੈਲੀਜੈਂਸ ਦੇ ਡਾਇਰੈਕਟੋਰੇਟ ਜਨਰਲ (ਡੀਜੀਜੀਆਈ) ਨੇ ਭਾਰਤਪੇ ਵਿੱਚ ਧੋਖਾਧੜੀ ਦੇ ਕਈ ਮਾਮਲੇ ਫੜੇ ਹਨ ਅਤੇ ਜਾਂਚ ਮਸ਼ੀਨਰੀ ਨੇ ਹੁਣ ਤੱਕ ਫਿਨਟੇਕ ਦਿੱਗਜ ਤੋਂ 12.5 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਇਸ ਮਾਮਲੇ ਦੀ ਜਾਣਕਾਰੀ ਇੱਕ ਵਿਅਕਤੀ ਨੇ ਦਿੱਤੀ ਹੈ।
ਫਿਨਟੇਕ ਕੰਪਨੀ ਨੇ ਕਾਰਪੋਰੇਟ ਗਵਰਨੈਂਸ ਵਿਚ ਚੂਕ(ਲੈਪਸ) ਦੇ ਕੇਂਦਰ ਵਿੱਚ ਇਸ ਗੱਲ ਲਈ ਸਹਿਮਤ ਹੋ ਗਈ ਹੈ ਕਿ ਉਸਨੇ ਅਜਿਹੇ ਵਿਕਰੇਤਾਵਾਂ ਨੂੰ ਜ਼ਿਆਦਾ ਚਲਾਨ(ਇਨਵੁਆਇਸ) ਜਾਰੀ ਕੀਤੇ ਜਿਨ੍ਹਾਂ ਦਾ ਵਜੂਦ ਹੀ ਨਹੀਂ ਸੀ ਅਤੇ ਉਸਨੇ ਟੈਕਸ ਅਥਾਰਟੀਆਂ ਕੋਲ ਵਾਧੂ 1.5 ਕਰੋੜ ਰੁਪਏ ਜਮ੍ਹਾ ਕਰਵਾਏ ਹਨ। ਪਹਿਲਾਂ BharatPe ਨੇ ਸਹਿਮਤੀ ਦਿੱਤੀ ਸੀ ਕਿ ਕੰਪਨੀ ਨੇ ਗੈਰ-ਮੌਜੂਦ ਵਿਕਰੇਤਾਵਾਂ ਨੂੰ ਚਲਾਨ ਜਾਰੀ ਕੀਤੇ ਸਨ ਅਤੇ ਟੈਕਸ ਵਿਭਾਗ ਕੋਲ ਲਗਭਗ 11 ਕਰੋੜ ਰੁਪਏ ਜਮ੍ਹਾ ਕੀਤੇ ਸਨ।

ਇਹ ਵੀ ਪੜ੍ਹੋ : ਮਾਰਚ ਵਿੱਚ 13 ਦਿਨਾਂ ਬੰਦ ਰਹਿਣ ਵਾਲੇ ਹਨ ਬੈਂਕ, ਜਾਣੋ ਇਸ ਮਹੀਨੇ ਦੀਆਂ ਛੁੱਟੀਆਂ ਦੀ ਪੂਰੀ ਸੂਚੀ ਬਾਰੇ

ਉਕਤ ਵਿਅਕਤੀ ਨੇ ਕਿਹਾ, ''ਕੰਪਨੀ ਵੱਲੋਂ ਫਰਜ਼ੀ ਵਿਕਰੇਤਾਵਾਂ ਨੂੰ ਜਾਅਲੀ ਚਲਾਨ ਜਾਰੀ ਕਰਨ ਦੇ ਹੋਰ ਮਾਮਲੇ ਸਾਹਮਣੇ ਆਏ ਹਨ। ਡੀਜੀਜੀਆਈ ਦੀ ਜਾਂਚ ਜਾਰੀ ਹੈ। ਵਿਅਕਤੀ ਨੇ ਕਿਹਾ ਕਿ ਜਾਂਚ ਪ੍ਰਣਾਲੀ ਕੰਪਨੀ ਤੋਂ ਹੋਰ ਡੇਟਾ ਦੀ ਮੰਗ ਕਰ ਰਹੀ ਹੈ ਅਤੇ ਧੋਖਾਧੜੀ ਦੇ ਮਾਮਲਿਆਂ ਦੀ ਜਾਂਚ ਕਰ ਰਹੀ ਹੈ ਕਿਉਂਕਿ ਕੰਪਨੀ ਦੇ ਬੋਰਡ ਦੁਆਰਾ ਕਰਵਾਏ ਗਏ ਇੱਕ ਬਾਹਰੀ ਆਡਿਟ ਵਿੱਚ ਫਰਜ਼ੀ ਵਿਕਰੇਤਾਵਾਂ ਨਾਲ ਕੰਪਨੀ ਦੇ ਸੌਦੇ ਦੀ ਡੂੰਘਾਈ ਨਾਲ ਜਾਂਚ ਦੀ ਲੋੜ ਹੈ। ਭਾਰਤਪੇ ਨੇ ਟਿੱਪਣੀ ਲਈ ਭੇਜੀ ਗਈ ਈਮੇਲ ਦਾ ਜਵਾਬ ਨਹੀਂ ਦਿੱਤਾ ਹੈ।

ਕੰਪਨੀ ਨੇ ਅਕਤੂਬਰ 2021 ਵਿੱਚ ਮੰਨਿਆ ਸੀ ਕਿ ਉਸਨੇ ਗੈਰ-ਮੌਜੂਦ ਵਿਕਰੇਤਾਵਾਂ ਨੂੰ ਚਲਾਨ ਜਾਰੀ ਕੀਤੇ ਸਨ ਅਤੇ ਟੈਕਸ ਵਿਭਾਗ ਕੋਲ ਬਕਾਏ ਅਤੇ ਜੁਰਮਾਨੇ ਵਜੋਂ ਲਗਭਗ 11 ਕਰੋੜ ਰੁਪਏ ਜਮ੍ਹਾਂ ਕਰਵਾਏ ਸਨ। ਕੰਪਨੀ ਦੇ ਬੋਰਡ ਨੇ ਅਲਵਾਰੇਜ਼ ਐਂਡ ਮਾਰਸਲ ਦੁਆਰਾ ਕੰਪਨੀ ਦਾ ਆਡਿਟ ਕਰਵਾਇਆ ਸੀ ਜਿਸ ਵਿੱਚ ਜਾਅਲੀ ਜਾਂ ਗੈਰ-ਮੌਜੂਦ ਵਿਕਰੇਤਾਵਾਂ ਨਾਲ ਭਾਰਤਪੇ ਦੇ ਸੌਦਿਆਂ ਦਾ ਖੁਲਾਸਾ ਹੋਇਆ ਸੀ।

ਇਹ ਵੀ ਪੜ੍ਹੋ : ਚੀਨ ਨੇ ਆਪਣਾ ਰੱਖਿਆ ਬਜਟ ਵਧਾ ਕੇ 230 ਅਰਬ ਡਾਲਰ ਕੀਤਾ

ਸ਼ੁਰੂਆਤੀ ਆਡਿਟ ਨਤੀਜੇ DGGI ਦੀ ਜਾਂਚ 'ਤੇ ਅਧਾਰਤ ਹਨ ਕਿ ਕੰਪਨੀ ਨੇ ਗੈਰ-ਮੌਜੂਦ ਵਿਕਰੇਤਾਵਾਂ ਜਾਂ ਵਿਕਰੇਤਾਵਾਂ ਤੋਂ ਖਰੀਦਦਾਰੀ ਕੀਤੀ ਹੈ ਜੋ ਕਾਰੋਬਾਰ ਦੇ ਆਪਣੇ ਮੁੱਖ ਪਤੇ 'ਤੇ ਕੰਮ ਨਹੀਂ ਕਰਦੇ ਹਨ। ਫਿਨਟੇਕ ਕੰਪਨੀ ਨੇ ਆਪਣੇ ਨੁਮਾਇੰਦੇ ਦੀਪਕ ਗੁਪਤਾ ਰਾਹੀਂ ਮੰਨਿਆ ਸੀ ਕਿ ਉਸ ਦੇ ਕੁਝ ਵਿਕਰੇਤਾ ਮੌਜੂਦ ਨਹੀਂ ਹਨ। ਗੁਪਤਾ ਮਾਧੁਰੀ ਜੈਨ ਗਰੋਵਰ ਦੇ ਰਿਸ਼ਤੇਦਾਰ ਹਨ। ਮਾਧੁਰੀ BharatPe ਦੇ ਸਹਿ-ਸੰਸਥਾਪਕ ਅਸ਼ਨੀਰ ਗਰੋਵਰ ਦੀ ਪਤਨੀ ਹੈ ਅਤੇ ਉਹ ਕੰਪਨੀ ਦੀ ਕੰਟਰੋਲ ਹੈੱਡ ਸੀ।

ਆਡਿਟ ਵਿੱਚ ਸਾਹਮਣੇ ਆਇਆ ਕਿ ਗਰੋਵਰ ਦਾ ਪਰਿਵਾਰ ਅਤੇ ਰਿਸ਼ਤੇਦਾਰ ਕੰਪਨੀ ਦੇ ਫੰਡਾਂ ਦੀ ਵਿਆਪਕ ਦੁਰਵਰਤੋਂ ਵਿੱਚ ਸ਼ਾਮਲ ਸਨ, ਜਿਸ ਵਿੱਚ ਫਰਜ਼ੀ ਵਿਕਰੇਤਾ ਬਣਾਉਣਾ ਸ਼ਾਮਲ ਸੀ। ਉਹ ਇੱਥੇ ਤੱਕ ਹੀ ਸੀਮਤ ਨਹੀਂ ਰਹੇ, ਸਗੋਂ ਇਨ੍ਹਾਂ ਰਾਹੀਂ ਉਨ੍ਹਾਂ ਨੇ ਕੰਪਨੀ ਦੇ ਖਰਚੇ ਦੇ ਖਾਤੇ ਵਿੱਚੋਂ ਪੈਸੇ ਕੱਢਵਾਏ ਅਤੇ ਆਪਣੇ ਆਪ ਨੂੰ ਅਮੀਰ ਬਣਾਉਣ ਅਤੇ ਆਪਣੇ ਫਜ਼ੂਲ ਖਰਚਿਆਂ ਲਈ ਪੈਸੇ ਦਾ ਪ੍ਰਬੰਧ ਕਰਨ ਲਈ ਕੰਪਨੀ ਦੇ ਖਰਚ ਖਾਤਿਆਂ ਦੀ ਦੁਰਵਰਤੋਂ ਕੀਤੀ। BharatPe ਨੇ ਅਸ਼ਨੀਰ ਅਤੇ ਮਾਧੁਰੀ ਜੈਨ ਦੋਵਾਂ ਨੂੰ ਕੰਪਨੀ ਤੋਂ ਬਾਹਰ ਕਰ ਦਿੱਤਾ ਹੈ।

ਇਹ ਵੀ ਪੜ੍ਹੋ : ਰੂਸ-ਯੂਕਰੇਨ ਯੁੱਧ ਦਾ ਅਸਰ : Puma, PayPal ਸਮੇਤ ਇਨ੍ਹਾਂ ਵੱਡੀਆਂ ਕੰਪਨੀਆਂ ਨੇ ਰੂਸ 'ਚ ਕੰਮਕਾਜ ਕੀਤਾ ਬੰਦ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।