ਲੁਧਿਆਣਾ ''ਚ ਬਿਜਲੀ ਬੋਰਡ ਦੇ SDO ਤੇ JE ਨੂੰ ਕੀਤਾ ਅਗਵਾ, ਫਰਜ਼ੀ ਪੱਤਰਕਾਰ ਬਣ ਕੇ ਆਏ ਲੁਟੇਰੇ

ਮੁੱਲਾਂਪੁਰ ਦਾਖਾ (ਕਾਲੀਆ) : ਬਿਜਲੀ ਬੋਰਡ ਅੱਡਾ ਦਾਖਾ ਦੇ ਐੱਸ. ਡੀ. ਓ. ਜਸਕਿਰਨਪ੍ਰੀਤ ਸਿੰਘ ਅਤੇ ਜੇ. ਈ. ਪ੍ਰਮਿੰਦਰ ਸਿੰਘ  ਨੂੰ ਚਾਰ ਲੁਟੇਰਿਆਂ ਨੇ ਬੰਦੂਕ ਦੀ ਨੋਕ 'ਤੇ ਐਕਸੀਅਨ ਸਾਹਿਬ ਦੇ ਦਫਤਰ ਵਿਚੋਂ ਅਗਵਾ ਕਰ ਲਿਆ ਸੀ, ਜੋ ਕਿ ਵਿਜੀਲੈਂਸ ਦੇ ਆਪਣੇ ਆਪ ਨੂੰ ਅਧਿਕਾਰੀ ਦੱਸਦੇ ਸਨ। ਉਨ੍ਹਾਂ ਦੀ ਰਿਹਾਈ ਦੇ ਬਦਲੇ ਉਨ੍ਹਾਂ ਦੇ ਪਰਿਵਾਰਾਂ ਅਤੇ ਰਿਸ਼ਤੇਦਾਰਾਂ ਤੋਂ ਫਿਰੌਤੀ ਦੀ ਮੰਗ ਕੀਤੀ ਅਤੇ ਪੀੜਤ ਅਧਿਕਾਰੀਆਂ ਨੇ ਮਿੰਟਾਂ ਵਿੱਚ 7.20 ਲੱਖ ਰੁਪਏ ਦਾ ਪ੍ਰਬੰਧ ਕੀਤਾ ਅਤੇ ਲੁਟੇਰਿਆਂ ਨੂੰ ਦੇ ਕੇ ਬੰਦ ਖੁਲਾਸੀ ਕਰਵਾਈ ਅਤੇ ਲੁਟੇਰੇ ਉਨ੍ਹਾਂ ਨੂੰ ਲੁਧਿਆਣਾ-ਫਿਰੋਜ਼ਪੁਰ ਰੋਡ 'ਤੇ ਟੋਲ ਨੇੜੇ ਨੂੰ ਛੱਡ ਕੇ ਭੱਜ ਗਏ।
 ਇਸ ਸੰਬੰਧੀ ਥਾਣਾ ਦਾਖਾ ਨੂੰ ਸੂਚਿਤ ਕੀਤਾ ਤਾਂ ਪੁਲਸ ਨੇ ਮਸਤੈਦੀ ਵਿਖਾਉਂਦਿਆਂ ਪਟਿਆਲਾ ਦੇ ਦੋ ਫਰਜ਼ੀ ਪੱਤਰਕਾਰਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਹੈ, ਜਦਕਿ ਉਹਨਾਂ ਦੇ ਦੋ ਹੋਰ ਸਾਥੀਆਂ ਦੀ ਭਾਲ ਜਾਰੀ ਹੈ।