Akasa Air ਦੇ ਡਾਟਾ ''ਚ ਲੱਗੀ ਸੇਂਧ, ਕੁਝ ਜਾਣਕਾਰੀ ਹੋਈ ਲੀਕ

ਨਵੀਂ ਦਿੱਲੀ — ਹਾਲ ਹੀ 'ਚ ਲਾਂਚ ਹੋਈ ਏਅਰਲਾਈਨ ਅਕਾਸਾ ਏਅਰ ਦੇ ਡਾਟਾ ਬ੍ਰੀਚ ਕਾਰਨ ਯੂਜ਼ਰਸ ਦੀ ਜਾਣਕਾਰੀ ਤੱਕ ਅਣਅਧਿਕਾਰਤ ਪਹੁੰਚ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਅਕਾਸਾ ਏਅਰ, ਜਿਸ ਨੇ 7 ਅਗਸਤ ਨੂੰ ਸੰਚਾਲਨ ਸ਼ੁਰੂ ਕੀਤਾ ਸੀ, ਨੇ ਗਲਤੀ ਲਈ ਆਪਣੇ ਗਾਹਕਾਂ ਤੋਂ ਮੁਆਫੀ ਮੰਗੀ ਹੈ ਅਤੇ ਖੁਦ ਇਸ ਮਾਮਲੇ ਬਾਰੇ ਸੀਈਆਰਟੀ-ਇਨ ਨੂੰ ਸੂਚਿਤ ਕੀਤਾ ਹੈ। ਕੰਪਨੀ ਦੀ ਵੈੱਬਸਾਈਟ 'ਤੇ ਪੋਸਟ ਕੀਤੀ ਗਈ ਜਾਣਕਾਰੀ ਦੇ ਅਨੁਸਾਰ, 25 ਅਗਸਤ ਨੂੰ, ਲੌਗਇਨ ਅਤੇ ਸਾਈਨ-ਅੱਪ ਸੇਵਾਵਾਂ ਦੇ ਸਬੰਧ ਵਿੱਚ ਕੁਝ ਅਸਥਾਈ ਤਕਨੀਕੀ ਖਾਮੀਆਂ ਦੇਖੀਆਂ ਗਈਆਂ ਸਨ।

ਏਅਰਲਾਈਨ ਨੇ ਕਿਹਾ, "ਨਤੀਜੇ ਵਜੋਂ, ਅਕਾਸਾ ਏਅਰ ਦੇ ਰਜਿਸਟਰਡ ਉਪਭੋਗਤਾਵਾਂ ਦਾ ਨਾਮ, ਲਿੰਗ, ਈ-ਮੇਲ ਪਤਾ ਅਤੇ ਫ਼ੋਨ ਨੰਬਰ ਵਰਗੀ ਜਾਣਕਾਰੀ ਕੁਝ ਅਣਅਧਿਕਾਰਤ ਵਿਅਕਤੀਆਂ ਨੂੰ ਉਪਲਬਧ ਹੋ ਗਈ ਹੈ। ਏਅਰਲਾਈਨ ਨੇ ਸਪੱਸ਼ਟ ਕੀਤਾ ਕਿ ਇਸ ਜਾਣਕਾਰੀ ਤੋਂ ਇਲਾਵਾ ਯਾਤਰਾ ਨਾਲ ਸਬੰਧਤ ਕਿਸੇ ਹੋਰ ਜਾਣਕਾਰੀ ਜਾਂ ਯਾਤਰਾ ਦੇ ਰਿਕਾਰਡ ਅਤੇ ਭੁਗਤਾਨਾਂ ਬਾਰੇ ਜਾਣਕਾਰੀ ਦਾ ਖੁਲਾਸਾ ਨਹੀਂ ਕੀਤਾ ਗਿਆ ਹੈ।