ਬਾਜ਼ਾਰ 'ਚ ਸ਼ਾਨਦਾਰ ਬੁਲਸ ਰਨ ਦੀ ਵਾਪਸੀ, US-Iran 'ਚ ਡੀਲ ਦੀ ਉਮੀਦ ਨਾਲ ਸ਼ੇਅਰ ਬਾਜ਼ਾਰ ਨੇ ਭਰੀ ਉਡਾਣ

ਬਿਜ਼ਨੈੱਸ ਡੈਸਕ : ਗਲੋਬਲ ਬਾਜ਼ਾਰਾਂ ਵਿੱਚ ਆਈ ਰਿਕਵਰੀ ਅਤੇ ਪੱਛਮੀ ਏਸ਼ੀਆ ਵਿੱਚ ਸ਼ਾਂਤੀ ਦੀਆਂ ਉਮੀਦਾਂ ਕਾਰਨ ਅੱਜ ਭਾਰਤੀ ਸ਼ੇਅਰ ਬਾਜ਼ਾਰ ਵਿੱਚ ਜ਼ਬਰਦਸਤ ਤੇਜ਼ੀ ਦੇਖਣ ਨੂੰ ਮਿਲੀ। ਬੁੱਧਵਾਰ ਨੂੰ ਕਾਰੋਬਾਰ ਦੌਰਾਨ ਸੈਂਸੈਕਸ 950 ਅੰਕਾਂ ਦੇ ਉਛਾਲ ਨਾਲ ਹਰੇ ਨਿਸ਼ਾਨ 'ਤੇ ਰਿਹਾ, ਜਦਕਿ ਨਿਫਟੀ ਨੇ 24,300 ਦੇ ਪੱਧਰ ਨੂੰ ਪਾਰ ਕਰ ਲਿਆ।

ਮੌਜੂਦਾ ਸਮੇਂ ਸੈਂਸੈਕਸ 940.73 ਅੰਕ ਭਾਵ 1.22% ਦੇ ਵਾਧੇ ਨਾਲ 77,958.52 ਦੇ ਪੱਧਰ ਤੇ ਬੰਦ ਹੋਇਆ ਹੈ। ਦੂਜੇ ਪਾਸੇ ਸੈਂਸੈਕਸ ਦੇ 21 ਸਟਾਕ ਵਾਧੇ ਨਾਲ ਅਤੇ 9 ਸਟਾਕ ਗਿਰਾਵਟ ਨਾਲ ਕਾਰੋਬਰ ਕਰਦੇ ਦੇਖੇ ਗਏ। ਭਾਰਤੀ ਇਕੁਇਟੀ ਸੂਚਕਾਂਕ 'ਚ ਬਿਜਲੀ ਅਤੇ ਐਫਐਮਸੀਜੀ ਕੰਪਨੀਆਂ ਨੂੰ ਛੱਡ ਕੇ ਸਾਰੇ ਖੇਤਰਾਂ ਵਿੱਚ ਖਰੀਦਦਾਰੀ ਦੇਖਣ ਨੂੰ ਮਿਲੀ।

ਦੂਜੇ ਪਾਸੇ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 298.15 ਅੰਕ ਭਾਵ 1.24% ਦੇ ਵਾਧੇ ਨਾਲ 24,330.95 ਦੇ ਪੱਧਰ ਤੇ ਬੰਦ ਹੋਇਆ ਹੈ। ਨਿਫਟੀ 'ਤੇ ਸਭ ਤੋਂ ਵੱਧ ਲਾਭ ਇੰਟਰਗਲੋਬ ਐਵੀਏਸ਼ਨ, ਟ੍ਰੈਂਟ, ਟਾਟਾ ਮੋਟਰਜ਼ ਪੈਸੇਂਜਰ ਵਹੀਕਲਜ਼, ਸ਼੍ਰੀਰਾਮ ਫਾਈਨੈਂਸ ਅਤੇ ਏਸ਼ੀਅਨ ਪੇਂਟਸ ਸਨ, ਜਦੋਂ ਕਿ ਨੁਕਸਾਨ ਓਐਨਜੀਸੀ, ਐਲ ਐਂਡ ਟੀ, ਰਿਲਾਇੰਸ ਇੰਡਸਟਰੀਜ਼, ਪਾਵਰ ਗਰਿੱਡ ਕਾਰਪੋਰੇਸ਼ਨ ਅਤੇ ਐਨਟੀਪੀਸੀ ਸਨ।

ਬਾਜ਼ਾਰ ਵਿੱਚ ਤੇਜ਼ੀ ਦੇ ਮੁੱਖ ਕਾਰਨ 

ਅਮਰੀਕਾ-ਈਰਾਨ ਸ਼ਾਂਤੀ ਸਮਝੌਤਾ

ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਵੱਲੋਂ ਈਰਾਨ ਨਾਲ ਸੰਭਾਵੀ ਸ਼ਾਂਤੀ ਸਮਝੌਤੇ ਦੇ ਸੰਕੇਤਾਂ ਨੇ ਗਲੋਬਲ ਨਿਵੇਸ਼ਕਾਂ ਦਾ ਉਤਸ਼ਾਹ ਵਧਾਇਆ ਹੈ।

ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਗਿਰਾਵਟ

ਕੱਚੇ ਤੇਲ ਦੀਆਂ ਕੀਮਤਾਂ ਵਿੱਚ ਨਰਮੀ ਆਈ ਹੈ, ਜਿਸ ਨਾਲ ਮਹਿੰਗਾਈ ਦਾ ਡਰ ਘੱਟ ਹੋਇਆ ਹੈ। ਬ੍ਰੈਂਟ ਕਰੂਡ ਫਿਊਚਰਜ਼ ਡਿੱਗ ਕੇ 108.35 ਡਾਲਰ ਪ੍ਰਤੀ ਬੈਰਲ 'ਤੇ ਆ ਗਿਆ।

ਅਮਰੀਕੀ ਬਾਜ਼ਾਰਾਂ ਵਿੱਚ ਰਿਕਾਰਡ ਤੇਜ਼ੀ

ਬੀਤੇ ਦਿਨ ਅਮਰੀਕਾ ਦੇ S&P 500 ਅਤੇ Nasdaq ਨੇ ਰਿਕਾਰਡ ਉਚਾਈਆਂ ਨੂੰ ਛੂਹਿਆ, ਜਿਸ ਦਾ ਅਸਰ ਭਾਰਤੀ ਬਾਜ਼ਾਰਾਂ 'ਤੇ ਵੀ ਦੇਖਣ ਨੂੰ ਮਿਲਿਆ।

ਰੁਪਏ ਵਿੱਚ ਮਜ਼ਬੂਤੀ

ਭਾਰਤੀ ਰੁਪਿਆ 69 ਪੈਸੇ ਦੀ ਮਜ਼ਬੂਤੀ ਨਾਲ 94.60 ਪ੍ਰਤੀ ਡਾਲਰ 'ਤੇ ਕਾਰੋਬਾਰ ਕਰ ਰਿਹਾ ਹੈ।

ਟਾਪ ਗੇਨਰਸ 

ਹਵਾਬਾਜ਼ੀ ਖੇਤਰ ਵਿੱਚ ਸਰਕਾਰ ਵੱਲੋਂ ਦਿੱਤੀ ਗਈ ਰਾਹਤ (ECLGS ਸਕੀਮ) ਕਾਰਨ ਸਪਾਈਸਜੈੱਟ ਅਤੇ ਇੰਡੀਗੋ ਦੇ ਸ਼ੇਅਰਾਂ ਵਿੱਚ ਵੀ ਤੇਜ਼ੀ ਦੇਖੀ ਗਈ। ਰੇਮੰਡ ਰਿਐਲਟੀ (Raymond Realty) ਦੇ ਸ਼ੇਅਰ 18% ਤੱਕ ਉਛਲੇ, ਕਿਉਂਕਿ ਕੰਪਨੀ ਦੀ ਪ੍ਰੀ-ਸੇਲਜ਼ ਵਿੱਚ ਦੁੱਗਣਾ ਵਾਧਾ ਹੋਇਆ ਹੈ। ਇਸ ਤੋਂ ਇਲਾਵਾ, ਸ਼ਾਪਰਜ਼ ਸਟਾਪ (Shoppers Stop) ਦੇ ਸ਼ੇਅਰ 12% ਅਤੇ ਕੋਫੋਰਜ (Coforge) ਦੇ ਸ਼ੇਅਰ 10% ਤੱਕ ਚੜ੍ਹੇ। 

ਟਾਪ ਲੂਜ਼ਰਸ

ਰਿਲਾਇੰਸ, ਪਾਵਰ ਗ੍ਰਿਡ, ਲਾਰਸਨ ਐਂਡ ਟਰਬੋ, ਹੀਰੋ ਮੋਟੋਕਾਰਪ ਦੇ ਸ਼ੇਅਰਾਂ ਵਿੱਚ 5% ਤੋਂ ਵੱਧ ਦੀ ਗਿਰਾਵਟ ਦਰਜ ਕੀਤੀ ਗਈ। L&T ਅਤੇ KPIT ਟੈਕ ਦੇ ਸ਼ੇਅਰਾਂ ਵਿੱਚ ਵੀ ਕਮਜ਼ੋਰੀ ਦੇਖਣ ਨੂੰ ਮਿਲੀ।

ਕਾਰਪੋਰੇਟ ਜਗਤ ਦੀਆਂ ਹੋਰ ਵੱਡੀਆਂ ਖ਼ਬਰਾਂ

ਕੁਮਾਰ ਮੰਗਲਮ ਬਿੜਲਾ ਨੇ ਵੋਡਾਫੋਨ ਆਈਡੀਆ ਦੇ ਨਾਨ-ਐਗਜ਼ੀਕਿਊਟਿਵ ਚੇਅਰਮੈਨ ਵਜੋਂ ਅਹੁਦਾ ਸੰਭਾਲ ਲਿਆ ਹੈ।
ਭਾਰਤ ਇਲੈਕਟ੍ਰਾਨਿਕਸ (BEL) ਨੂੰ ਭਾਰਤੀ ਸੈਨਾ ਵੱਲੋਂ 1,251 ਕਰੋੜ ਰੁਪਏ ਦਾ ਵੱਡਾ ਆਰਡਰ ਮਿਲਿਆ ਹੈ।
ਨਿਵੇਸ਼ਕਾਂ ਲਈ ਅੱਜ ਦਾ ਦਿਨ ਕਾਫੀ ਰਾਹਤ ਭਰਿਆ ਰਿਹਾ, ਕਿਉਂਕਿ ਘਰੇਲੂ ਸੰਸਥਾਗਤ ਨਿਵੇਸ਼ਕਾਂ (DIIs) ਦੀ ਬਾਜ਼ਾਰ ਵਿੱਚ ਹਿੱਸੇਦਾਰੀ ਵਧ ਕੇ 20.9% ਦੇ ਰਿਕਾਰਡ ਪੱਧਰ 'ਤੇ ਪਹੁੰਚ ਗਈ ਹੈ।