ਸਰਕਾਰ ਨੇ ਫਸਲ ਸਾਲ 2021-22 ਲਈ ਰੱਖਿਆ 30 ਕਰੋੜ 73.3 ਲੱਖ ਟਨ ਅਨਾਜ ਉਤਪਾਦਨ ਦਾ ਟੀਚਾ
09/22/2021 5:40:43 PM
ਨਵੀਂ ਦਿੱਲੀ- ਕੇਂਦਰ ਨੇ ਜੂਨ 'ਚ ਖਤਮ ਹੋਣ ਵਾਲੇ ਚਾਲੂ ਫਸਲ ਸਾਲ 2021-22 ਲਈ 30 ਕਰੋੜ 73.3 ਲੱਖ ਟਨ ਅਨਾਜ ਉਤਪਾਦਨ ਦਾ ਟੀਚਾ ਰੱਖਿਆ ਹੈ। ਇਹ ਟੀਚਾ ਫਸਲ ਸਾਲ 2020-21 ਦੇ ਰਿਕਾਰਡ 30 ਕਰੋੜ 86.5 ਲੱਖ ਟਨ ਦੇ ਅਨੁਮਾਨਿਤ ਉਤਪਾਦਨ ਤੋਂ ਥੋੜ੍ਹਾ ਘੱਟ ਹੈ। ਇਹ ਪਿਛਲੇ ਸਾਲ ਦੇ ਉਤਪਾਦਨ ਤੋਂ 3.74 ਫੀਸਦੀ ਜ਼ਿਆਦਾ ਹੈ। ਵੀਡੀਓ ਕਾਨਫ੍ਰੈਂਸਿੰਗ ਦੇ ਮਾਧਿਅਮ ਨਾਲ ਆਯੋਜਿਤ ਹਾੜੀ ਅਭਿਐਨ 2021-22 ਲਈ ਖੇਤੀਬਾੜੀ 'ਤੇ ਰਾਸ਼ਟਰੀ ਸੰਮੇਲਨ ਦੇ ਦੌਰਾਨ ਚਾਲੂ ਫਸਲ ਸਾਲ ਦਾ ਟੀਚਾ ਨਿਰਧਾਰਿਤ ਕੀਤਾ ਗਿਆ।
ਪ੍ਰੋਗਰਾਮ ਦਾ ਉਦਘਾਟਨ ਕਰਦੇ ਹੋਏ ਕੇਂਦਰੀ ਖੇਤੀਬਾੜੀ ਮੰਤਰੀ ਨਰਿੰਦਰ ਸਿੰਘ ਤੋਮਰ ਨੇ ਕਿਹਾ ਕਿ ਕੇਂਦਰ ਉਤਪਾਦਨ ਅਤੇ ਉਤਪਾਦਕਤਾ ਵਧਾਉਣ ਲਈ ਸੂਬਿਆਂ ਦਾ ਪੂਰਾ ਸਮਰਥਨ ਕਰੇਗਾ। ਉਨ੍ਹਾਂ ਨੇ ਕਿਹਾ ਕਿ ਇਹ ਜਲਵਾਯੂ ਪਰਿਵਰਤਨ ਅਤੇ ਮੀਂਹ ਸਿੰਚਾਈ ਖੇਤੀ ਨਾਲ ਉਤਪੰਨ ਚੁਣੌਤੀਆਂ ਨਾਲ ਨਿਪਟਣ ਲਈ ਸੂਬਿਆਂ ਦੀ ਮਦਦ ਕਰਨ ਲਈ ਵੀ ਪੂਰੀ ਤਰ੍ਹਾਂ ਨਾਲ ਪ੍ਰਤੀਬੰਧ ਹੈ।
ਤੋਮਰ ਨੇ ਸੂਬਿਆਂ ਤੋਂ ਪਾਣੀ, ਬਿਜਲੀ ਅਤੇ ਖਾਧ ਦਾ ਵਿਵੇਕਪੂਰਨ ਵਰਤੋਂ ਕਰਨ ਅਤੇ ਨੈਨੋ-ਯੂਰੀਆ ਦੀ ਵਰਤੋਂ ਕਰਨ ਦੀ ਅਪੀਲ ਕੀਤੀ ਜੋ ਭੂਮੀ ਦੀ ਖਾਧ ਲਈ ਘੱਟ ਖਰਚੀਲਾ ਅਤੇ ਫਾਇਦੇਮੰਦ ਹੈ। ਮੰਤਰੀ ਨੇ ਕਿਹਾ ਕਿ ਕੇਵੀਕੇ (ਖੇਤੀਬਾੜੀ ਵਿਗਿਆਨ ਕੇਂਦਰ) ਨੂੰ ਛੋਟੇ ਕਿਸਾਨਾਂ ਤੱਕ ਪਹੁੰਚਣਾ ਚਾਹੀਦਾ ਤਾਂ ਜੋ ਉਹ ਸਰਕਾਰ ਦੀਆਂ ਵੱਖ-ਵੱਖ ਯੋਜਨਾਵਾਂ ਦਾ ਲਾਭ ਉਠਾ ਸਕਣ। ਸੂਬਿਆਂ ਨੂੰ ਇਹ ਵੀ ਸੁਨਿਸ਼ਚਿਤ ਕਰਨਾ ਚਾਹੀਦਾ ਕਿ ਪੀਐੱਮ ਕਿਸਾਨ ਅਤੇ ਕੇਸੀਸੀ (ਕਿਸਾਨ ਕ੍ਰੇਡਿਟ ਕਾਰਡ) ਹਰ ਕਿਸਾਨ ਤੱਕ ਪਹੁੰਚੇ।
