ਬਦਲਣ ਵਾਲੀ ਹੈ ਦੇਸ਼ ਦੇ ਕਈ ਸ਼ਹਿਰਾਂ ਦੀ ਨੁਹਾਰ ! Dubai ਦੀ ਕੰਪਨੀ ਕਰੇਗੀ 15500 ਕਰੋੜ ਰੁਪਏ ਦਾ ਨਿਵੇਸ਼

ਨਵੀਂ ਦਿੱਲੀ - ਮੁੰਬਈ ਦਾ ਦੱਖਣੀ ਹਿੱਸਾ ਛੇਤੀ ਹੀ ਨਵੀਂ ਮੁੰਬਈ ਨਾਲ ਜੁੜਨ ਜਾ ਰਿਹਾ ਹੈ। ਜੀ ਹਾਂ, UAE ਦੀ ਮਸ਼ਹੂਰ ਕੰਪਨੀ Emaar ਨੇ ਅਗਲੇ 6-7 ਸਾਲਾਂ 'ਚ ਮੁੰਬਈ 'ਚ 2000 ਕਰੋੜ ਰੁਪਏ ਨਿਵੇਸ਼ ਕਰਨ ਦੀ ਯੋਜਨਾ ਬਣਾਈ ਹੈ। ਐਮਾਰ ਗਰੁੱਪ ਨੇ 1.85 ਬਿਲੀਅਨ ਡਾਲਰ ਯਾਨੀ 15,500 ਕਰੋੜ ਰੁਪਏ ਦਾ ਨਿਵੇਸ਼ ਨਾ ਸਿਰਫ਼ ਮੁੰਬਈ ਵਿੱਚ ਸਗੋਂ ਦੇਸ਼ ਦੇ ਕਈ ਸ਼ਹਿਰਾਂ ਵਿੱਚ ਕਰਨ ਦੀ ਯੋਜਨਾ ਬਣਾਈ ਹੈ। ਅਗਲੇ 6-7 ਸਾਲਾਂ 'ਚ ਦੇਸ਼ ਦੇ ਵੱਖ-ਵੱਖ ਕੋਨਿਆਂ 'ਚ ਐਮਆਰ ਦੀਆਂ ਕਈ ਇਮਾਰਤਾਂ ਬਣਦੀਆਂ ਨਜ਼ਰ ਆਉਣਗੀਆਂ। ਹਾਲਾਂਕਿ ਇਹ ਨਿਵੇਸ਼ ਕਦੋਂ ਅਤੇ ਕਿਵੇਂ ਕੀਤਾ ਜਾਵੇਗਾ, ਇਸ ਬਾਰੇ ਕੰਪਨੀ ਨੇ ਜਾਣਕਾਰੀ ਅਜੇ ਸਾਂਝੀ ਨਹੀਂ ਕੀਤੀ ਹੈ।

ਇਹ ਵੀ ਪੜ੍ਹੋ :     ਭਾਰਤੀ ਮੂਲ ਦੇ ਪ੍ਰਭਾਕਰ ਰਾਘਵਨ ਬਣੇ Google ਦੇ ਨਵੇਂ CTO, ਸਾਲਾਨਾ ਪੈਕੇਜ 300 ਕਰੋੜ ਰੁਪਏ

ਮੁੰਬਈ 'ਚ ਕਿਉਂ ਵਧੀ ਦਿਲਚਸਪੀ?

ਤੁਹਾਨੂੰ ਦੱਸ ਦੇਈਏ ਕਿ ਏਮਾਰ ਦਾ ਨਾਂ ਸੰਯੁਕਤ ਅਰਬ ਅਮੀਰਾਤ (ਯੂਏਈ) ਦੀਆਂ ਟਾਪ ਰਿਐਲਿਟੀ ਕੰਪਨੀਆਂ ਵਿੱਚ ਸ਼ਾਮਲ ਹੈ। ਦੁਨੀਆ ਦੀ ਸਭ ਤੋਂ ਉੱਚੀ ਇਮਾਰਤ ਬੁਰਜ ਖਲੀਫਾ ਦਾ ਨਿਰਮਾਣ ਵੀ ਏਮਾਰ ਗਰੁੱਪ ਨੇ ਕੀਤਾ ਹੈ। ਹੁਣ ਐਮਾਰ ਮੁੰਬਈ ਵਿੱਚ ਨਿਵੇਸ਼ ਕਰਨ ਦੀ ਯੋਜਨਾ ਬਣਾ ਰਿਹਾ ਹੈ। ਭਾਰਤ 'ਚ Emaar ਦੇ CEO ਕਲਿਆਣ ਚੱਕਰਵਰਤੀ ਦਾ ਕਹਿਣਾ ਹੈ ਕਿ ਅਸੀਂ ਲੰਬੇ ਸਮੇਂ ਤੋਂ ਮੁੰਬਈ ਤੋਂ ਦੂਰ ਹਾਂ, ਇਸ ਦਾ ਕੋਈ ਖਾਸ ਕਾਰਨ ਨਹੀਂ ਹੈ। ਪਰ ਹੁਣ ਐਮਾਰ ਨੇ ਮੁੰਬਈ ਵਿੱਚ ਦਿਲਚਸਪੀ ਲੈਣੀ ਸ਼ੁਰੂ ਕਰ ਦਿੱਤੀ ਹੈ। ਆਉਣ ਵਾਲੇ ਦਹਾਕਿਆਂ 'ਚ ਮੁੰਬਈ ਦੁਨੀਆ ਦਾ ਬਹੁਤ ਵੱਡਾ ਬਾਜ਼ਾਰ ਬਣਨ ਜਾ ਰਿਹਾ ਹੈ। ਮੂੰਬਈ ਵਿਚ ਤਰੱਕੀ ਦਾ ਵੱਡਾ ਸਕੋਪ ਹੈ। ਮੁੰਬਈ ਦੀ ਸੁਸਾਇਟੀ ਅਤੇ ਸਲੰਮ ਇਲਾਕਿਆ ਵਿਚ ਵਿਕਾਸ ਦੇ ਮੱਦੇਨਜ਼ਰ ਅਸੀਂ ਇਸ ਸ਼ਹਿਰ ਵਿਚ ਨਿਵੇਸ਼ ਦਾ ਫੈਸਲਾ ਕੀਤਾ ਹੈ।

ਇਹ ਵੀ ਪੜ੍ਹੋ :     Gold Price in Jalandhar: 80 ਹਜ਼ਾਰੀ ਹੋਇਆ ਸੋਨਾ, ਜਾਣੋ 22 ਤੇ 23 ਕੈਰੇਟ ਦਾ ਭਾਅ

ਮੁੰਬਈ ਵਿੱਚ ਵਿਕਾਸ ਨੂੰ ਮਿਲੇਗਾ ਵਾਧਾ

ਕਲਿਆਣ ਚੱਕਰਵਰਤੀ ਨੇ ਮੁੰਬਈ ਵਿੱਚ ਮੌਕਿਆਂ ਬਾਰੇ ਗੱਲ ਕਰਦਿਆਂ ਕਿਹਾ ਕਿ ਮੁੰਬਈ ਦੇਸ਼ ਦੇ ਬਹੁਤ ਸਾਰੇ ਹੁਨਰਮੰਦ ਲੋਕਾਂ ਦੀ ਪਹਿਲੀ ਪਸੰਦ ਹੈ। ਮੁੰਬਈ ਵਿਸ਼ਵ ਵਪਾਰ ਨਾਲ ਜੁੜਿਆ ਹੋਇਆ ਹੈ। ਇਸ ਲਈ ਇੱਥੇ ਵਧੇਰੇ ਮੌਕੇ ਹਨ। ਮੁੰਬਈ ਤੇਜ਼ੀ ਨਾਲ ਵਿਕਾਸ ਵੱਲ ਵਧ ਰਿਹਾ ਹੈ। ਜ਼ਾਹਿਰ ਹੈ ਕਿ ਆਉਣ ਵਾਲੇ ਕੁਝ ਸਾਲਾਂ 'ਚ ਮੁੰਬਈ 'ਚ ਕਈ ਇਮਾਰਤਾਂ ਬਣਨਗੀਆਂ, ਜਿਸ 'ਚ ਐਮਾਰ ਗਰੁੱਪ ਵੀ ਯੋਗਦਾਨ ਪਾ ਸਕਦਾ ਹੈ।

ਇਹ ਵੀ ਪੜ੍ਹੋ :     ਛੁੱਟੀਆਂ ਹੀ ਛੁੱਟੀਆਂ, ਜਾਣੋ ਦੀਵਾਲੀ ਅਤੇ ਛੱਠ ਪੂਜਾ ਮੌਕੇ ਕਦੋਂ ਅਤੇ ਕਿੱਥੇ ਬੰਦ ਰਹਿਣ ਵਾਲੇ ਹਨ ਬੈਂਕ

 4 ਕਰੋੜ ਰੁਪਏ ਤੋਂ ਸ਼ੁਰੂ ਹੁੰਦਾ ਹੈ ਅਪਾਰਟਮੈਂਟ

ਕਲਿਆਣ ਚੱਕਰਵਰਤੀ ਦੇ ਅਨੁਸਾਰ, ਐਮਾਰ ਗਰੁੱਪ ਦੁਆਰਾ ਬਣਾਈਆਂ ਗਈਆਂ ਇਮਾਰਤਾਂ ਵਿੱਚ ਅਪਾਰਟਮੈਂਟਾਂ ਦੀ ਕੀਮਤ 4 ਕਰੋੜ ਰੁਪਏ ਤੋਂ ਸ਼ੁਰੂ ਹੋਵੇਗੀ। ਐਮਾਰ ਗਰੁੱਪ ਮੱਧ ਵਰਗ ਅਤੇ ਆਲੀਸ਼ਾਨ ਇਮਾਰਤਾਂ ਦੇ ਪ੍ਰੋਜੈਕਟ ਲਿਆ ਸਕਦਾ ਹੈ। ਤੁਹਾਨੂੰ ਦੱਸ ਦੇਈਏ ਕਿ ਭਾਰਤ ਵਿੱਚ Emaar ਗਰੁੱਪ ਦਾ ਮੁੱਖ ਦਫਤਰ ਦਿੱਲੀ ਦੇ ਨਾਲ ਲੱਗਦੇ ਗੁਰੂਗ੍ਰਾਮ ਵਿੱਚ ਸਥਿਤ ਹੈ। ਕੰਪਨੀ ਦਿੱਲੀ ਤੋਂ ਇਲਾਵਾ ਹੈਦਰਾਬਾਦ, ਇੰਦੌਰ ਅਤੇ ਮੋਹਾਲੀ 'ਚ ਵੀ ਨਿਵੇਸ਼ ਕਰ ਚੁੱਕੀ ਹੈ। ਹੁਣ ਇਸ ਸੂਚੀ 'ਚ ਮੁੰਬਈ ਦਾ ਨਾਂ ਵੀ ਜੁੜਨ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ :      EPFO ਖਾਤੇ 'ਚੋਂ ਕਢਵਾਉਣ ਜਾ ਰਹੇ ਹੋ ਪੈਸੇ, ਤਾਂ ਜਾਣ ਲਓ ਇਨ੍ਹਾਂ ਨਵੇਂ ਨਿਯਮਾਂ ਬਾਰੇ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8