ਸਰਕਾਰ ਲਈ ਵੱਡੀ ਰਾਹਤ, ਕੋਰੋਨਾ ਤੋਂ ਬਾਅਦ ਪਹਿਲੀ ਵਾਰ ਸਕਾਰਾਤਮਕ ਆਈ ਦੇਸ਼ ਦੀ GDP
02/26/2021 6:32:05 PM
ਨਵੀਂ ਦਿੱਲੀ - ਕੋਰੋਨਾ ਆਫ਼ਤ ਦਰਮਿਆਨ ਸਰਕਾਰ ਲਈ ਵੱਡੀ ਰਾਹਤ ਦੀ ਖ਼ਬਰ ਆਈ ਹੈ। ਪਿਛਲੀਆਂ ਦੋ ਤਿਮਾਹੀਆਂ ਵਿਚ ਨਕਾਰਾਤਮਕ ਵਾਧਾ ਦੇ ਬਾਅਦ ਤੀਜੀ ਤਿਮਾਹੀ ਵਿਚ ਪਹਿਲੀ ਵਾਰ ਦੇਸ਼ ਦੀ ਜੀਡੀਪੀ ਸਕਾਰਾਤਮਕ ਰੂਪ ਵਿਚ ਆਈ ਹੈ। ਚਾਲੂ ਵਿੱਤੀ ਸਾਲ ਦੀ ਤੀਜੀ ਤਿਮਾਹੀ ਭਾਵ ਦਸੰਬਰ ਤਿਮਾਹੀ ਵਿਚ ਜੀ.ਡੀ.ਪੀ. ਵਿਕਾਸ ਦਰ 0.4 ਫ਼ੀਸਦੀ ਰਹੀ। ਰਾਸ਼ਟਰੀ ਅੰਕੜਾ ਦਫਤਰ (ਐਨ.ਐਸ.ਓ.) ਨੇ ਚਾਲੂ ਵਿੱਤੀ ਸਾਲ ਦੀ ਅਕਤੂਬਰ-ਦਸੰਬਰ ਤਿਮਾਹੀ ਲਈ ਕੁੱਲ ਘਰੇਲੂ ਉਤਪਾਦ (ਜੀ.ਡੀ.ਪੀ.) ਵਾਧੇ ਦਾ ਅਨੁਮਾਨ ਜਾਰੀ ਕੀਤਾ ਹੈ। ਸਾਲ-ਦਰ-ਸਾਲ ਦੇ ਅਧਾਰ 'ਤੇ ਤੀਜੀ ਤਿਮਾਹੀ ਵਿਚ ਜੀ.ਡੀ.ਪੀ. ਵਾਧਾ ਦਰ 4.1 ਤੋਂ ਘੱਟ ਕੇ 0.4%' ਤੇ ਆ ਗਈ। ਵਿੱਤੀ ਸਾਲ 2020-21 ਵਿਚ ਤਿਮਾਹੀ ਆਧਾਰ ਉੱਤੇ ਜੀ.ਵੀ.ਏ. -7.3 ਪ੍ਰਤੀਸ਼ਤ ਤੋਂ ਵਧ ਕੇ 1 ਫ਼ੀਸਦੀ ਜਦੋਂਕਿ ਸਾਲ ਦਰ ਸਾਲ ਆਧਾਰ ਉੱਤੇ ਜੀ.ਵੀ.ਏ. 3.4 ਤੋਂ ਘਟ ਕੇ 1 ਪ੍ਰਤੀਸ਼ਤ ਰਹੀ।
ਇਹ ਵੀ ਪੜ੍ਹੋ : ਰੇਲਵੇ ਨੇ ਯਾਤਰੀਆਂ ਲਈ ਦੁਬਾਰਾ ਸ਼ੁਰੂ ਕੀਤੀ ਸਹੂਲਤ, ਹੁਣ ਟਿਕਟ ਬੁੱਕ ਕਰਵਾਉਣ ਲਈ ਨਹੀਂ ਖੜਣਾ ਪਵੇਗਾ
ਜ਼ਿਕਰਯੋਗ ਹੈ ਕਿ ਚਾਲੂ ਵਿੱਤੀ ਸਾਲ ਯਾਨੀ ਅਪ੍ਰੈਲ-ਜੂਨ ਤਿਮਾਹੀ ਦੀ ਪਹਿਲੀ ਤਿਮਾਹੀ ਵਿਚ ਜੀ.ਡੀ.ਪੀ. ਵਿਚ 23.9 ਪ੍ਰਤੀਸ਼ਤ ਦੀ ਇਤਿਹਾਸਕ ਗਿਰਾਵਟ ਦਰਜ ਕੀਤੀ ਗਈ ਸੀ। ਦੂਜੀ ਤਿਮਾਹੀ ਵਿਚ ਉਮੀਦ ਨਾਲੋਂ ਬਿਹਤਰ ਸੁਧਾਰ ਹੋਇਆ ਸੀ ਅਤੇ ਜੁਲਾਈ-ਸਤੰਬਰ ਤਿਮਾਹੀ ਵਿਚ ਜੀ.ਡੀ.ਪੀ. ਦੀ ਗਿਰਾਵਟ ਘਟ ਕੇ 7.5 ਪ੍ਰਤੀਸ਼ਤ ਸੀ। ਕੋਵਿਡ -19 ਦੀ ਸਥਿਤੀ ਵਿਚ ਤੇਜ਼ੀ ਨਾਲ ਸੁਧਾਰ ਅਤੇ ਜਨਤਕ ਖਰਚਿਆਂ ਵਿਚ ਤੇਜ਼ੀ ਨਾਲ ਵਾਧੇ ਦੇ ਦੋ ਕਾਰਨ ਹਨ ਜੋ ਦਸੰਬਰ ਤਿਮਾਹੀ ਲਈ ਬਿਹਤਰ ਸਨ। ਤੀਜੀ ਤਿਮਾਹੀ ਦਾ ਜੀ.ਡੀ.ਪੀ. ਡਾਟਾ ਹੁਣ ਸੰਕੇਤ ਦਿੰਦਾ ਹੈ ਕਿ ਆਰਥਿਕਤਾ ਵਿਚ ਵਾਧਾ ਹੋ ਰਿਹਾ ਹੈ।
ਅਕੜਿਆਂ ਵਿਚ ਸੁਧਾਰ ਦੀ ਉਮੀਦ
ਬਹੁਤ ਸਾਰੇ ਅਰਥਸ਼ਾਸਤਰੀਆਂ ਅਤੇ ਸੰਗਠਨਾਂ ਨੇ ਪਹਿਲਾਂ ਹੀ ਉਮੀਦ ਕੀਤੀ ਸੀ ਕਿ ਅਕਤੂਬਰ-ਦਸੰਬਰ ਤਿਮਾਹੀ ਵਿਚ ਆਰਥਿਕਤਾ ਸਕਾਰਾਤਮਕ ਹੋ ਸਕਦੀ ਹੈ। ਤੀਜੀ ਤਿਮਾਹੀ ਵਿਚ ਜਨਤਕ ਖਰਚਿਆਂ ਵਿਚ ਤੇਜ਼ੀ ਅਤੇ ਕੋਰਨ ਦੇ ਪ੍ਰਭਾਵਾਂ ਵਿਚ ਤੇਜ਼ੀ ਨਾਲ ਕਮੀ ਕਾਰਨ ਆਰਥਿਕ ਗਤੀਵਿਧੀਆਂ ਵਿਚ ਸੁਧਾਰ ਹੋਇਆ ਹੈ।
ਇਹ ਵੀ ਪੜ੍ਹੋ : ਮੁਕੇਸ਼ ਅੰਬਾਨੀ ਦੇ ਘਰ ਦੇ ਬਾਹਰ ਸ਼ੱਕੀ ਕਾਰ ’ਚ ਮਿਲੀ ਧਮਾਕਾਖੇਜ਼ ਸਮੱਗਰੀ
ਅਗਲੇ ਵਿੱਤੀ ਸਾਲ ਲਈ ਏਜੰਸੀਆਂ ਦਾ ਅਨੁਮਾਨ
ਅਮਰੀਕਾ ਦੀ ਰੇਟਿੰਗ ਏਜੰਸੀ ਨੇ ਇਸ ਦੇ ਨਾਲ ਹੀ ਚਾਲੂ ਵਿੱਤੀ ਸਾਲ ਦੌਰਾਨ ਭਾਰਤੀ ਆਰਥਿਕਤਾ ਵਿਚ ਗਿਰਾਵਟ ਦੇ ਅਨੁਮਾਨ ਵਿਚ ਸੁਧਾਰ ਕਰਨ ਦੇ ਨਾਲ, ਆਪਣੇ ਪਹਿਲੇ ਦੇ ਅਨੁਮਾਨ ਨੂੰ 10.6 ਪ੍ਰਤੀਸ਼ਤ ਤੋਂ ਸੋਧ ਕੇ ਇਸ ਨੂੰ 7 ਪ੍ਰਤੀਸ਼ਤ ਕਰ ਦਿੱਤਾ ਹੈ। ਆਰਥਿਕ ਸਰਵੇਖਣ 2020-21 ਅਨੁਸਾਰ ਅਗਲੇ ਵਿੱਤੀ ਸਾਲ ਵਿਚ ਦੇਸ਼ ਦੀ ਆਰਥਿਕਤਾ ਵਿਚ 11 ਪ੍ਰਤੀਸ਼ਤ ਦਾ ਵਾਧਾ ਦਰਜ ਹੋਣ ਦੀ ਉਮੀਦ ਹੈ। ਆਈ.ਐਮ.ਐਫ. ਦਾ ਅਨੁਮਾਨ ਹੈ ਕਿ ਵਿਕਾਸ ਦਰ 2021 ਵਿਚ 11.5 ਪ੍ਰਤੀਸ਼ਤ ਰਹੇਗੀ ਜਦਕਿ ਆਰ.ਬੀ.ਆਈ. ਦਾ ਅਨੁਮਾਨ ਹੈ ਕਿ ਵਿੱਤੀ ਸਾਲ 2021-22 ਵਿਚ ਵਿਕਾਸ ਦਰ 10.50 ਪ੍ਰਤੀਸ਼ਤ ਰਹੇਗੀ।
ਮੂਡੀਜ਼ ਨੇ ਵੀਰਵਾਰ ਨੂੰ ਅਗਲੇ ਵਿੱਤੀ ਸਾਲ ਲਈ ਭਾਰਤ ਦੀ ਆਰਥਿਕ ਵਿਕਾਸ ਦੀ ਭਵਿੱਖਬਾਣੀ ਪਹਿਲਾਂ ਵਾਲੀ 10.8 ਫੀਸਦ ਤੋਂ 13.7 ਫੀਸਦ ਕਰ ਦਿੱਤੀ ਹੈ। ਇਹ ਨਵਾਂ ਅਨੁਮਾਨ ਆਰਥਿਕ ਗਤੀਵਿਧੀਆਂ ਆਮ ਹੋਣ ਅਤੇ ਕੋਵਿਡ -19 ਟੀਕਾ ਮਾਰਕੀਟ ਵਿਚ ਆਉਣ ਤੋਂ ਬਾਅਦ ਬਾਜ਼ਾਰ ਵਿਚ ਵੱਧ ਰਹੇ ਵਿਸ਼ਵਾਸ ਦੇ ਮੱਦੇਨਜ਼ਰ ਕੀਤਾ ਗਿਆ ਹੈ।
ਇਹ ਵੀ ਪੜ੍ਹੋ : PNB ਦੇ ਖ਼ਾਤਾਧਾਰਕਾਂ ਲਈ ਜ਼ਰੂਰੀ ਖ਼ਬਰ, 1 ਅਪ੍ਰੈਲ ਤੋਂ ਲਾਗੂ ਹੋਣਗੇ ਪੈਸਿਆਂ ਨਾਲ ਜੁੜੇ ਇਹ ਨਿਯਮ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
