ਟਾਟਾ ਮੋਟਰਜ਼ ਨੂੰ ਸਮੂਹ ਕੰਪਨੀਆਂ ਦੇ ਨਾਲ ਮਜ਼ਬੂਤੀ ਨਾਲ ਅੱਗੇ ਵਧਣ ਦਾ ਭਰੋਸਾ

ਨਵੀਂ ਦਿੱਲੀ—ਵਾਹਨ ਉਦਯੋਗ 'ਚ ਨਵੀਂ ਤਕਨਾਲੋਜੀ ਅਪਣਾਉਣ ਅਤੇ ਬਦਲਾਅ ਦਾ ਦੌਰ ਜਾਰੀ ਰੱਖਣ ਦੇ ਵਿਚਕਾਰ ਟਾਟਾ ਮੋਟਰਜ਼ ਨੂੰ ਵਾਹਨ ਉਦਯੋਗ 'ਚ ਆਪਣੀ ਮਜ਼ਬੂਤ ਸਥਿਤੀ ਬਣਾਏ ਰੱਖਣ ਲਈ ਟਾਟਾ ਗਰੁੱਪ ਅਤੇ ਵਿਸ਼ੇਸ਼ਕਰ ਗਰੁੱਪ ਦੀ ਸਾਫਟਵੇਅਰ ਕੰਪਨੀ ਟੀਸੀਐੱਸ ਦਾ ਹੀ ਭਰੋਸਾ ਹੈ। ਕੰਪਨੀ ਦੇ ਪ੍ਰਬੰਧ ਨਿਰਦੇਸ਼ਕ ਅਤੇ ਮੁੱਖ ਕਾਰਜਕਾਰੀ ਅਧਿਕਾਰੀ ਗੁੰਟਰ ਬੁਤਸ਼ਚੇਕ ਨੇ ਕਿਹਾ ਕਿ ਜਦ ਵਾਹਨ ਉਦਯੋਗ 'ਚ ਆਟੋਨਾਮਸ, ਕਨੈਕਟੇਡ, ਇਲੈਕਟ੍ਰਿਕ ਐਂਡ ਸ਼ੇਅਰਿੰਗ ਦੇ ਇਰਧ-ਗਿਰਧ ਚਰਚਾ ਹੋ ਰਹੀ ਹੈ ਤਾਂ ਟਾਟਾ ਮੋਟਰਜ਼ ਨੂੰ ਵੀ ਖੁਦ ਨੂੰ ਬਦਲਣ ਅਤੇ ਨਵੀਂ ਤਕਨਾਲੋਜੀ ਅਤੇ ਕਾਰੋਬਾਰੀ ਮਾਡਲ ਅਪਣਾਉਣ ਦੀ ਲੋੜ ਹੈ। 
ਉਨ੍ਹਾਂ ਕਿਹਾ ਕਿ ਫੇਮ ਯੋਜਨਾ ਦੇ ਤਹਿਤ ਕੰਪਨੀ ਨੂੰ 11 ਸ਼ਹਿਰਾਂ ਲਈ 350 ਇਲੈਕਟ੍ਰਿਕ ਬੱਸਾਂ ਦੀ ਸਪਲਾਈ ਕਰਨ ਦਾ ਠੇਕਾ ਮਿਲਣ ਨਾਲ ਉਸ ਨੂੰ ਸਮੂਹ ਕੰਪਨੀਆਂ ਦੀ ਮਜ਼ਬੂਤੀ ਦੇ ਬਲ 'ਤੇ ਨਵੇਂ ਖੇਤਰ ਦੇ ਪ੍ਰਭਾਵੀ ਹਿੱਸੇਦਾਰ ਬਣਨ ਦਾ ਮੌਕਾ ਮਿਲਦਾ ਹੈ। ਉਨ੍ਹਾਂ ਕਿਹਾ ਕਿ ਸਾਰੇ ਮੁੱਖ ਸੰਕੇਤ ਇਹ ਦੱਸਦੇ ਹਨ ਕਿ ਟਾਟਾ ਮੋਟਰਜ਼ ਨੂੰ ਖੁਦ ਨੂੰ ਬਦਲਣ ਦੀ ਲੋੜ ਹੈ। ਉਨ੍ਹਾਂ ਕਿਹਾ ਕਿ ਇਕ ਕੰਪਨੀ ਦੇ ਤੌਰ 'ਤੇ ਅਸੀਂ ਨਵੀਂ ਤਕਨੀਕੀ ਅਪਣਾਉਣ ਜਾ ਰਹੇ ਹਾਂ ਪਰ ਇਸ ਦੇ ਨਾਲ ਹੀ ਸਾਨੂੰ ਨਵੇਂ ਕਾਰੋਬਾਰੀ ਮਾਡਲ ਵੀ ਅਪਣਾਉਣੇ ਹੋਣਗੇ। ਉਦਯੋਗ ਜਗਤ ਦੀ ਚਰਚਾ ਦੇ ਕੇਂਦਰ 'ਚ ਏਸੀਈਐੱਸ ਭਾਵ ਆਟੋਨੋਮਸ, ਕਨੈਕਟੇਡ, ਇਲੈਕਟ੍ਰਿਕ ਐਂਡ ਸ਼ੇਅਰਿੰਗ ਹੋਣ ਦਾ ਹਵਾਲਾ ਦਿੰਦੇ ਹੋਏ ਕਿਹਾ ਕਿ ਜੇਕਰ ਤੁਸੀਂ ਚਾਰਾਂ ਸ਼ਬਦਾਂ ਨੂੰ ਦੇਖਦੋ ਇਹ ਸਾਰੇ ਸਾਫਟਵੇਅਰ ਨਾਲ ਜੁੜੇ ਹਨ। 
ਉਨ੍ਹਾਂ ਨੇ ਟਾਟਾ ਗਰੁੱਪ ਦੇ ਚੇਅਰਮੈਨ ਐੱਨ ਚੰਦਰਸ਼ੇਖਰਨ ਦੇ 'ਟਾਟਾ ਇਕ' ਦ੍ਰਿਸ਼ਟੀਕੋਣ 'ਤੇ ਜ਼ੋਰ ਦਿੰਦੇ ਹੋਏ ਕਿਹਾ ਕਿ ਇਹ ਉਹ ਖੇਤਰ ਹੈ ਜਿਥੇ ਗਰੁੱਪ ਦੀ ਪ੍ਰਤੀਕਰਮਾ ਸ਼ੁਰੂ ਹੁੰਦੀ ਹੈ। ਬੁਤਸ਼ਚੇਕ ਨੇ ਕਿਹਾ ਕਿ ਮਜ਼ਬੂਤ ਗਰੁੱਪ ਸੰਬੰਧ ਅਤੇ ਜੁੜਾਵ ਵਾਲੀ ਪ੍ਰਤੀਕਰਮਾ ਨਾਲ ਤਕਨਾਲੋਜੀ ਸਾਡੇ ਹੱਕ 'ਚ ਹੋ ਸਕਦੀ ਹੈ। ਉਨ੍ਹਾਂ ਕਿਹਾ ਕਿ ਅਸੀਂ ਇੰਨੇ ਤਾਕਤਵਰ ਹੋ ਸਕਦੇ ਹਾਂ ਕਿ ਇਸ 'ਚ ਮੁੱਖ ਭੂਮਿਕਾ ਆ ਸਕਦੀ ਹੈ। ਇਸ ਬਾਰੇ ਟੀਸੀਐੱਸ ਨਾਲ ਗੱਲਬਾਤ ਸ਼ੁਰੂ ਹੋਣ ਦੇ ਬਾਰੇ 'ਚ ਪੁੱਛੇ ਜਾਣ 'ਤੇ ਉਨ੍ਹਾਂ ਕਿਹਾ ਕਿ ਟਾਟਾ ਮੋਟਰਜ਼ ਦਾ ਟੀਸੀਐੱਸ ਦੇ ਨਾਲ ਕਾਫੀ ਪੁਰਾਣਾ ਰਣਨੀਤਿਕ ਸੰਬੰਧ ਰਿਹਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਹ ਗੱਲਬਾਤ ਕਾਫੀ ਨਸਰਸੀਕ ਹੁੰਦੀ ਹੈ ਕਿਉਂਕਿ ਅਸੀਂ ਆਪਸ 'ਚ ਅਪਰਿਚਿਤ ਨਹੀਂ ਹਾਂ। ਅਸੀਂ ਹਰ ਤਰ੍ਹਾਂ ਦੇ ਵੱਖਰੇ ਮੰਚਾਂ 'ਤੇ ਇਕੱਠੇ ਕੰਮ ਕਰਦੇ ਹਾਂ। ਹੁਣ ਜਦ ਅਸੀਂ ਮੌਜੂਦਾ ਸਮੇਂ 'ਚ ਇਕੱਠੇ ਕੰਮ ਕਰਦੇ ਹਾਂ ਤਾਂ ਸਹਿਜ ਹੀ ਭਵਿੱਖ ਦੇ ਬਾਰੇ 'ਚ ਗੱਲ ਹੁੰਦੀ ਹੈ।