Tata Group ਦਾ ਵੱਡਾ ਨਿਵੇਸ਼, ਬ੍ਰਿਟੇਨ ''ਚ ਸਥਾਪਿਤ ਕਰੇਗਾ 4 ਅਰਬ ਪੌਂਡ ਦਾ EV ਬੈਟਰੀ ਪਲਾਂਟ

ਲੰਡਨ : ਟਾਟਾ ਸਮੂਹ ਨੇ ਬ੍ਰਿਟੇਨ ਵਿੱਚ ਆਪਣਾ ਨਵਾਂ ਇਲੈਕਟ੍ਰਿਕ ਵ੍ਹੀਕਲ (ਈਵੀ) ਬੈਟਰੀ ਪਲਾਂਟ ਜਾਂ ਗੀਗਾਫੈਕਟਰੀ ਸਥਾਪਤ ਕਰਨ ਬਾਰੇ ਇੱਕ ਵੱਡਾ ਐਲਾਨ ਕੀਤਾ ਹੈ। ਕੰਪਨੀ ਇਸ ਗੀਗਾਫੈਕਟਰੀ ਨੂੰ ਸਥਾਪਤ ਕਰਨ ਲਈ ਚਾਰ ਅਰਬ ਪੌਂਡ (5.2 ਬਿਲੀਅਨ ਡਾਲਰ) ਤੋਂ ਵੱਧ ਦਾ ਨਿਵੇਸ਼ ਕਰੇਗੀ। ਟਾਟਾ ਸਮੂਹ ਦੇ ਇਸ ਨਿਵੇਸ਼ ਨਾਲ, ਇਹ ਸਪਲਾਈ ਲੜੀ ਵਿੱਚ ਹਜ਼ਾਰਾਂ ਲੋਕਾਂ ਨੂੰ ਨੌਕਰੀ ਦੇ ਮੌਕੇ ਪ੍ਰਦਾਨ ਕਰੇਗਾ। ਯੂਕੇ ਸਰਕਾਰ ਨੇ ਇਸ ਐਲਾਨ ਦਾ ਸੁਆਗਤ ਕੀਤਾ ਹੈ।

ਇਹ ਵੀ ਪੜ੍ਹੋ : Infosys ਦੇ ਚੇਅਰਮੈਨ ਤੇ ਪਤਨੀ ਨੇ ਤਿਰੂਪਤੀ ਬਾਲਾ ਮੰਦਿਰ 'ਚ ਦਾਨ ਕੀਤਾ ਸੋਨੇ ਦਾ ਸ਼ੰਖ ਤੇ ਕੱਛੂਆ

ਬ੍ਰਿਟੇਨ ਦੇ ਪ੍ਰਧਾਨ ਮੰਤਰੀ ਰਿਸ਼ੀ ਸੁਨਕ ਨੇ ਇਸ ਨੂੰ ਦੇਸ਼ ਦੇ ਆਟੋਮੋਟਿਵ ਉਦਯੋਗ ਲਈ "ਅਵਿਸ਼ਵਾਸ਼ਯੋਗ ਤੌਰ 'ਤੇ ਮਾਣ ਵਾਲਾ" ਪਲ ਦੱਸਿਆ। ਉਨ੍ਹਾਂ ਕਿਹਾ ਕਿ ਇਹ ਯੂਕੇ ਦੇ ਕਾਰ ਨਿਰਮਾਣ ਉਦਯੋਗ ਅਤੇ ਇਸ ਦੇ ਕਰਮਚਾਰੀਆਂ ਦੀ ਤਾਕਤ ਨੂੰ ਦਰਸਾਉਂਦਾ ਹੈ। ਬ੍ਰਿਟਿਸ਼ ਲਗਜ਼ਰੀ ਕਾਰ ਨਿਰਮਾਤਾ ਜੈਗੁਆਰ ਲੈਂਡ ਰੋਵਰ (JLR) ਟਾਟਾ ਮੋਟਰਜ਼ ਦੀ ਮਲਕੀਅਤ ਹੈ। ਇਹ 40 GWh ਦੀ ਸ਼ੁਰੂਆਤੀ ਆਉਟਪੁੱਟ ਦੇ ਨਾਲ ਪਲਾਂਟ ਦਾ ਇੱਕ ਪ੍ਰਮੁੱਖ ਗਾਹਕ ਹੋਵੇਗਾ।

ਬ੍ਰਿਟੇਨ ਦੀ ਆਰਥਿਕਤਾ ਵਿੱਚ ਹੋਵੇਗਾ ਸੁਧਾਰ 

ਟਾਟਾ ਗਰੁੱਪ ਦੀ ਇਸ ਨਵੀਂ ਗੀਗਾਫੈਕਟਰੀ ਦਾ ਕੰਮ 2026 ਵਿੱਚ ਸ਼ੁਰੂ ਹੋਵੇਗਾ। ਇਸ ਦੀ ਮਦਦ ਨਾਲ ਬ੍ਰਿਟੇਨ ਦੀ ਅਰਥਵਿਵਸਥਾ 'ਚ ਸੁਧਾਰ ਦੇਖਣ ਨੂੰ ਮਿਲੇਗਾ। ਸੁਨਕ ਨੇ ਕਿਹਾ, "ਯੂਕੇ ਵਿੱਚ ਇੱਕ ਨਵੇਂ ਬੈਟਰੀ ਪਲਾਂਟ ਵਿੱਚ ਟਾਟਾ ਗਰੁੱਪ ਦਾ ਬਿਲੀਅਨ-ਪਾਊਂਡ ਨਿਵੇਸ਼ ਸਾਡੇ ਕਾਰ ਨਿਰਮਾਣ ਉਦਯੋਗ ਅਤੇ ਇਸਦੇ ਕਰਮਚਾਰੀਆਂ ਦੀ ਤਾਕਤ ਨੂੰ ਦਰਸਾਉਂਦਾ ਹੈ," ਸੁਨਕ ਨੇ ਕਿਹਾ ਕਿ ਬੈਟਰੀ ਤਕਨਾਲੋਜੀ ਵਿੱਚ ਵਿਕਾਸ ਨੂੰ ਅੱਗੇ ਵਧਾਉਂਦੇ ਹੋਏ 4,000 ਤੋਂ ਵੱਧ ਨੌਕਰੀਆਂ ਅਤੇ ਸਪਲਾਈ ਚੇਨ ਵਿਚ ਹਜ਼ਾਰਾਂ ਨੌਕਰੀਆਂ ਦਾ ਨਿਰਮਾਣ ਹੋਵੇਗਾ ਜਿਸ ਨਾਲ ਸਾਡੀ  ਅਰਥਵਿਵਸਥਾ ਨੂੰ ਅੱਗੇ ਵਧਾਉਣ ਵਿਚ ਮਦਦ ਕਰੇਗਾ। 

ਇਹ ਵੀ ਪੜ੍ਹੋ : Sahara ਦੇ 10 ਕਰੋੜ ਨਿਵੇਸ਼ਕਾਂ ਲਈ ਵੱਡੀ ਰਾਹਤ, ਅਮਿਤ ਸ਼ਾਹ ਨੇ ਲਾਂਚ ਕੀਤਾ ਰਿਫੰਡ ਪੋਰਟਲ

ਟਾਟਾ ਸਮੂਹ ਨੇ ਸਪੇਨ ਵਿੱਚ ਆਪਣੀ ਬੈਟਰੀ ਸਾਈਟ ਬਣਾਉਣ ਬਾਰੇ ਕੀਤਾ ਸੀ ਵਿਚਾਰ

ਟਾਟਾ ਮੋਟਰਜ਼ ਨੇ ਪਹਿਲਾਂ ਸਪੇਨ ਵਿੱਚ ਆਪਣੀ ਬੈਟਰੀ ਸਾਈਟ ਬਣਾਉਣ ਬਾਰੇ ਵਿਚਾਰ ਕੀਤਾ ਸੀ ਪਰ ਯੂਕੇ ਦੇ ਹੱਕ ਵਿੱਚ ਫੈਸਲਾ ਕੰਪਨੀ ਦੇ ਜੇਐਲਆਰ ਪਲਾਂਟ ਦਾ ਭਵਿੱਖ ਵੀ ਸੁਰੱਖਿਅਤ ਕਰੇਗਾ। ਦੱਸ ਦੇਈਏ ਕਿ ਸੈੱਲ ਫੈਕਟਰੀ ਦੀ ਕੁੱਲ ਸਮਰੱਥਾ 40 ਗੀਗਾਵਾਟ ਘੰਟੇ ਹੋਵੇਗੀ, ਜੋ ਬੈਟਰੀ ਦੇ ਆਕਾਰ ਦੇ ਆਧਾਰ 'ਤੇ ਪ੍ਰਤੀ ਸਾਲ ਲਗਭਗ ਪੰਜ ਲੱਖ ਵਾਹਨਾਂ ਦੀ ਸਪਲਾਈ ਕਰਨ ਲਈ ਕਾਫੀ ਹੋਵੇਗੀ। ਇਹ ਫੈਸਲਾ ਸਰਕਾਰ ਅਤੇ ਆਟੋ ਉਦਯੋਗ ਲਈ ਇੱਕ ਮਹੱਤਵਪੂਰਨ ਜਿੱਤ ਹੈ, ਜੋ ਅਮਰੀਕਾ ਅਤੇ ਯੂਰਪੀਅਨ ਯੂਨੀਅਨ ਵਿੱਚ ਹਰੀ ਤਕਨਾਲੋਜੀ ਪ੍ਰੋਤਸਾਹਨ ਦੇ ਨਾਲ ਮੁਕਾਬਲਾ ਕਰਨ ਲਈ ਸੰਘਰਸ਼ ਕਰ ਰਿਹਾ ਹੈ

ਇਹ ਵੀ ਪੜ੍ਹੋ : ਅੰਮ੍ਰਿਤਸਰ ਤੋਂ ਸ਼ੁਰੂਆਤ ਕਰ ਵਿਸ਼ਵ 'ਚ ਕਮਾਇਆ ਨਾਂ, ਜਾਣੋ 'ਰੰਗਾਂ ਦੀ ਦੁਨੀਆ' 'ਚ ਢੀਂਗਰਾ ਭਰਾਵਾਂ ਦਾ ਸਫ਼ਰ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਦਿਓ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8