1 ਜੁਲਾਈ ਤੋਂ ਮੁੜ ਵਧ ਸਕਦੇ ਹਨ ਇਸਪਾਤ ਦੇ ਰੇਟ : JSPL

ਨਵੀਂ ਦਿੱਲੀ (ਭਾਸ਼ਾ)–ਕੱਚੇ ਮਾਲ ਦੀਆਂ ਕੀਮਤਾਂ ’ਚ ਵਾਧੇ ਕਾਰਨ ਇਸਪਾਤ ਦੇ ਰੇਟ ਇਕ ਜੁਲਾਈ ਤੋਂ ਮੁੜ ਵਧ ਸਕਦੇ ਹਨ। ਹਾਲਾਂਕਿ ਇਸ ਤੋਂ ਪਹਿਲਾਂ ਇਸਪਾਤ ਕੀਮਤਾਂ ਕੁਝ ਹੇਠਾਂ ਆਈਆਂ ਹਨ। ਜਿੰਦਲ ਸਟੀਲ ਐਂਡ ਪਾਵਰ ਲਿਮਟਿਡ (ਜੇ. ਐੱਸ. ਪੀ. ਐੱਲ.) ਦੇ ਮੈਨੇਜਿੰਗ ਡਾਇਰੈਕਟਰ ਵੀ. ਆਰ. ਸ਼ਰਮਾ ਨੇ ਇੱਥੇ ਇੰਡੀਅਨ ਚੈਂਬਰ ਆਫ ਕਾਮਰਸ ਵਲੋਂ ਆਯੋਜਿਤ ਇਕ ਪ੍ਰੋਗਰਾਮ ਦੌਰਾਨ ਗੱਲਬਾਤ ’ਚ ਇਹ ਗੱਲ ਕਹੀ।

ਇਹ ਵੀ ਪੜ੍ਹੋ : 'Airbnb' ਨੇ ਉਸ ਨਾਲ ਜੁੜੇ ਘਰਾਂ 'ਚ 'ਪਾਰਟੀ' ਕਰਨ 'ਤੇ ਲਾਈ ਰੋਕ ਨੂੰ ਕੀਤਾ ਸਥਾਈ

ਉਨ੍ਹਾਂ ਨੇ ਕਿਹਾ ਕਿ ਜਿੱਥੇ ਕੋਲੇ ਦੀ ਕੀਮਤ 17,000 ਰੁਪਏ ਪ੍ਰਤੀ ਟਨ ਹੈ, ਉੱਥੇ ਹੀ ਓਡਿਸ਼ਾ ਖਣਿਜ ਨਿਗਮ ਦੇ ਕੱਚੇ ਲੋਹੇ ਦੀਆਂ ਕੀਮਤਾਂ ਅੱਜ ਵੀ ਕਾਫੀ ਉੱਚੀਆਂ ਹਨ। ਇਹ ਓਡਿਸ਼ਾ ’ਚ ਕੱਚੇ ਲੋਹੇ ਦਾ ਮੁੱਖ ਸਪਲਾਈਕਰਤਾ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸਪਾਤ ਦੀਆਂ ਕੀਮਤਾਂ ਪਹਿਲਾਂ ਹੀ ਹੇਠਾਂ ਆ ਚੁੱਕੀਆਂ ਹਨ। ਉਨ੍ਹਾਂ ਨੂੰ ਹੋਰ ਕੰਮ ਕਰਨ ਦੀ ਕੋਈ ਸੰਭਾਵਨਾ ਨਹੀਂ ਹੈ। ਮੁੱਖ ਤੌਰ ’ਤੇ ਉੱਚ ਲਾਗਤ ਕਾਰਨ ਸ਼ੁੱਕਰਵਾਰ ਯਾਨੀ ਇਕ ਜੁਲਾਈ ਤੋਂ ਇਸਪਾਤ ਦੀਆਂ ਕੀਮਤਾਂ ’ਚ ਵਾਧਾ ਕੀਤਾ ਜਾਵੇਗਾ।

ਇਹ ਵੀ ਪੜ੍ਹੋ : ਕੋਲੰਬੀਆ ਦੀ ਜੇਲ੍ਹ 'ਚ ਦੰਗਿਆਂ ਦੀ ਕੋਸ਼ਿਸ਼ ਦੌਰਾਨ ਅੱਗ ਲੱਗਣ ਕਾਰਨ 49 ਲੋਕਾਂ ਦੀ ਹੋਈ ਮੌਤ

ਸ਼ਰਮਾ ਨੇ ਕਿਹਾ ਕਿ ਸੈਕੰਡਰੀ ਸ਼੍ਰੇਣੀ ਦੇ ਇਸਪਾਤ ਨਿਰਮਾਤਾਵਾਂ ਨੇ ਪਿਛਲੇ ਚਾਰ ਦਿਨਾਂ ’ਚ ਪਹਿਲਾਂ ਹੀ ਸਰੀਏ ਦੀ ਕੀਮਤ 2,000 ਰੁਪਏ ਵਧਾ ਕੇ 55,000 ਰੁਪਏ ਪ੍ਰਤੀ ਟਨ ਕਰ ਦਿੱਤੀ ਹੈ। ਉਨ੍ਹਾਂ ਨੇ ਕਿਹਾ ਕਿ ਇਸਪਾਤ ਨਿਰਮਾਤਾਵਾਂ ’ਤੇ ਦਬਾਅ ਦੇ ਕਈ ਹੋਰ ਕਾਰਨ ਹਨ ਅਤੇ ਇਸ ’ਚ ਕੋਲੇ ਦੀ ਉਪਲੱਬਧਤਾ ਦਾ ਵੀ ਮੁੱਦਾ ਹੈ। ਕੋਲੇ ਦੀ ਸਪਲਾਈ ਲਈ ਰੈਕ ਵੀ ਮੁਹੱਈਆ ਨਹੀਂ ਹਨ ਕਿਉਂਕਿ ਉਨ੍ਹਾਂ ’ਚੋਂ ਜ਼ਿਆਦਾਤਰ ਦਾ ਬਿਜਲੀ ਖੇਤਰ ਲਈ ਇਸਤੇਮਾਲ ਕੀਤਾ ਜਾ ਰਿਹਾ ਹੈ।

ਇਹ ਵੀ ਪੜ੍ਹੋ : EU ਰੈਗੂਲੇਟਰ ਮੰਕੀਪੌਕਸ ਤੋਂ ਬਚਾਅ ਲਈ ਚੇਚਕ ਦਾ ਟੀਕਾ ਦੇਣ 'ਤੇ ਕਰ ਰਿਹਾ ਵਿਚਾਰ

ਨੋਟ - ਇਸ ਖ਼ਬਰ ਸਬੰਧੀ ਕੀ ਹੈ ਤੁਹਾਡੀ ਰਾਏ, ਕੁਮੈਂਟ ਕਰਕੇ ਦੱਸੋ