ਜਲਦ ਹੀ ਫੋਨ ''ਤੇ ਦਰਜ ਕਰਵਾ ਸਕੋਗੇ ਬੀਮਾ ਸੰਬੰਧੀ ਸ਼ਿਕਾਇਤਾਂ

ਨਵੀਂ ਦਿੱਲੀ — ਇੰਸ਼ੋਰੇਂਸ ਪਾਲਿਸੀ ਹੋਲਡਰਾਂ ਨੂੰ ਜਲਦ ਹੀ ਇੰਟਰਗ੍ਰੇਟੇਡ ਗ੍ਰੀਵੰਸ ਕਾਲ ਸੈਂਟਰ (ਆਈ.ਸੀ.ਜੀ.ਸੀ) ਜ਼ਰੀਏ ਫੋਨ 'ਤੇ ਆਪਣੀਆਂ ਸਾਰੀਆਂ ਸ਼ਿਕਾਇਤਾਂ ਦਰਜ ਕਰਾਉਣ ਦੀ ਨਵੀਂ ਸੇਵਾ ਮਿਲ ਸਕਦੀ ਹੈ। ਕਾਰਵੀ ਡੇਟਾ ਮੈਨੇਜਮੇਂਟ ਸਰਵਿਸਜ਼ ਪੰਜ ਸਾਲਾਂ ਲਈ ਆਈ.ਆਰ.ਡੀ.ਏ ਆਈ.ਸੀ.ਜੀ.ਸੀ ਨੂੰ ਹੈਂਡਲ ਕਰੇਗੀ। ਆਈ.ਸੀ.ਜੀ.ਸੀ ਦਾ ਮਕਸਦ ਸ਼ਿਕਾਇਤਾਂ ਨਿਪਟਾਉਣ ਦੀ ਵਿਵਸਥਾ 'ਚ ਸੁਧਾਰ ਲਈ ਬੀਮਿਤ ਵਿਅਕਤੀ, ਇੰਸ਼ੋਰੇਂਸ ਕੰਪਨੀਆਂ ਅਤੇ ਆਈ.ਆਰ.ਡੀ.ਏ ਵਿਚਾਲੇ ਸੰਵਾਦ ਦੀ ਸੁਵਿਧਾ ਮੁਹੱਈਆ ਕਰਾਉਣਾ ਹੈ। ਕਿਸੇ ਵੀ ਦੂਸਰੀ ਵਿੱਤੀ ਸੇਵਾ ਇੰਡਸਟਰੀ 'ਚ ਸਾਰੇ ਤਰ੍ਹਾਂ ਦੀਆਂ ਸ਼ਿਕਾਇਤਾਂ ਦੇ ਨਿਪਟਾਰੇ ਲਈ ਸਿੰਗਲ ਕਾਲ ਸੈਂਟਰ ਨਹੀਂ ਹਨ। 
ਆਈ.ਆਰ.ਡੀ.ਏ ਨੇ ਬੀਮਾਧਾਰਕਾਂ ਦੇ ਹਿੱਤਾਂ ਦੀ ਰੱਖਿਆ ਲਈ ਕੰਜ਼ਿਊਮਰ ਅਫੇਅਰਸ ਵਿਭਾਗ ਵੀ ਬਣਾਇਆ ਹੈ। ਨਾਲ ਹੀ, ਇਹ ਕੰਜ਼ਿਊਮਰਸ ਨੂੰ ਸ਼ਿਕਾਇਤਾਂ ਨਿਪਟਾਉਣ ਨਾਲ ਜੁੜੀ ਵਿਵਸਥਾ ਬਾਰੇ ਵੀ ਉਪਭੋਗਤਾਵਾਂ ਦੀ ਸਿੱਖਿਅਤ ਕਰਦਾ ਹੈ।