ਸ਼ੇਅਰ ਬਾਜ਼ਾਰ ''ਚ ਸੁਸਤੀ : ਨਿਫਟੀ 2 ਅੰਕ ਡਿੱਗ ਕੇ 74,612.43 ਦੇ ਪੱਧਰ ''ਤੇ ਹੋਇਆ ਬੰਦ

ਮੁੰਬਈ - 27 ਫਰਵਰੀ ਨੂੰ ਨਿਫਟੀ ਦੀ ਮੰਥਲੀ ਐਕਸਪਾਇਰੀ ਹੋਣ 'ਤੇ ਦਿਨ ਭਰ ਭਾਰਤੀ ਸ਼ੇਅਰ ਬਾਜ਼ਾਰ ਬਾਜ਼ਾਰ ਰੇਂਜ 'ਚ ਕਾਰੋਬਾਰ ਕਰਦੇ ਦੇਖੇ ਗਏ। ਸੈਂਸੈਕਸ 10.31 ਅੰਕ ਭਾਵ 0.01% ਦੇ ਵਾਧੇ ਨਾਲ 74,612.43 ਦੇ ਪੱਧਰ 'ਤੇ ਬੰਦ ਹੋਇਆ ਹੈ। ਇਸ ਦੇ ਨਾਲ ਹੀ ਸੈਂਸੈਕਸ 30 ਦੇ 13 ਸਟਾਕ ਵਾਧੇ ਨਾਲ ਅਤੇ 17 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ ਹਨ। 

ਦੂਜੇ ਪਾਸੇ ਨਿਫਟੀ 2.50 ਅੰਕ ਭਾਵ 0.01 ਫ਼ੀਸਦੀ ਦੀ ਗਿਰਾਵਟ ਨਾਲ 22,545.05 ਦੇ ਪੱਧਰ 'ਤੇ ਬੰਦ ਹੋਇਆ ਹੈ।  ਇਸ ਦੇ ਨਾਲ ਹੀ ਨਿਫਟੀ ਦੇ 19 ਸਟਾਕ ਵਾਧੇ ਨਾਲ ਅਤੇ 31 ਸਟਾਕ ਗਿਰਾਵਟ ਨਾਲ ਕਾਰੋਬਾਰ ਕਰਦੇ ਦੇਖੇ ਗਏ। ਐਨਐਸਈ ਸੈਕਟਰਲ ਇੰਡੈਕਸ ਵਿੱਚ, ਸਭ ਤੋਂ ਵੱਡੀ ਗਿਰਾਵਟ ਮੀਡੀਆ ਸੈਕਟਰ ਵਿੱਚ 3.58% ਅਤੇ ਆਟੋ ਸੈਕਟਰ ਵਿੱਚ 1.51% ਰਹੀ। ਜਦੋਂ ਕਿ ਨਿਫਟੀ ਬੈਂਕ, ਮੈਟਲ ਅਤੇ ਵਿੱਤੀ ਸੇਵਾਵਾਂ ਦੇ ਸੂਚਕਾਂਕ 'ਚ 1% ਦਾ ਵਾਧਾ ਦਰਜ ਕੀਤਾ ਗਿਆ ਹੈ। 25 ਫਰਵਰੀ ਨੂੰ ਵਿਦੇਸ਼ੀ ਨਿਵੇਸ਼ਕਾਂ (ਐੱਫ.ਆਈ.ਆਈ.) ਨੇ 3,529.10 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ। ਇਸ ਦੌਰਾਨ ਘਰੇਲੂ ਨਿਵੇਸ਼ਕਾਂ (DIIs) ਨੇ 3,030.78 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ।

ਗਲੋਬਲ ਮਾਰਕੀਟ ਵਿੱਚ ਮਿਸ਼ਰਤ ਕਾਰੋਬਾਰ

ਅਲਟਰਾਟੈਕ ਸੀਮੈਂਟਸ, ਮਹਿੰਦਰਾ ਐਂਡ ਮਹਿੰਦਰਾ, ਕੋਟਕ ਮਹਿੰਦਰਾ ਬੈਂਕ, ਐਸਬੀਆਈ ਅਤੇ ਆਈਟੀਸੀ ਨੇ ਬਾਜ਼ਾਰ ਨੂੰ ਹੇਠਾਂ ਖਿੱਚਿਆ। ਜਦੋਂ ਕਿ ਐਚਡੀਐਫਸੀ ਬੈਂਕ, ਬਜਾਜ ਫਾਈਨਾਂਸ, ਰਿਲਾਇੰਸ, ਸਨ ਫਾਰਮਾ ਅਤੇ ਏਅਰਟੈੱਲ ਨੇ ਬਾਜ਼ਾਰ ਦੀ ਅਗਵਾਈ ਕੀਤੀ।
ਏਸ਼ੀਆਈ ਬਾਜ਼ਾਰਾਂ 'ਚ ਕੋਰੀਆ ਦਾ ਕੋਸਪੀ 0.73 ਫੀਸਦੀ ਡਿੱਗ ਕੇ ਬੰਦ ਹੋਇਆ ਹੈ। ਹਾਂਗਕਾਂਗ ਦਾ ਹੈਂਗ ਸੇਂਗ 0.29% ਡਿੱਗਿਆ ਜਦੋਂ ਕਿ ਚੀਨ ਦਾ ਸ਼ੰਘਾਈ ਕੰਪੋਜ਼ਿਟ ਇੰਡੈਕਸ 0.23% ਵਧਿਆ।

26 ਫਰਵਰੀ ਨੂੰ ਅਮਰੀਕਾ ਦਾ ਡਾਓ ਜੋਂਸ 0.43 ਫੀਸਦੀ ਦੀ ਗਿਰਾਵਟ ਨਾਲ 43,433 'ਤੇ ਬੰਦ ਹੋਇਆ। ਜਦੋਂ ਕਿ S&P 500 ਇੰਡੈਕਸ 0.014% ਵਧ ਕੇ 5,956 'ਤੇ ਅਤੇ Nasdaq 0.26% ਵਧ ਕੇ 19,075 'ਤੇ ਬੰਦ ਹੋਇਆ।

ਮੰਗਲਵਾਰ ਨੂੰ ਸੈਂਸੈਕਸ ਵਧਿਆ, ਨਿਫਟੀ ਡਿੱਗਿਆ

ਕੱਲ੍ਹ ਯਾਨੀ 26 ਫਰਵਰੀ ਨੂੰ ਮਹਾਸ਼ਿਵਰਾਤਰੀ ਦੇ ਮੌਕੇ 'ਤੇ ਸ਼ੇਅਰ ਬਾਜ਼ਾਰ ਬੰਦ ਸੀ। ਇਸ ਤੋਂ ਪਹਿਲਾਂ ਦੂਜੇ ਕਾਰੋਬਾਰੀ ਦਿਨ ਭਾਵ ਮੰਗਲਵਾਰ (25 ਫਰਵਰੀ) ਨੂੰ ਸੈਂਸੈਕਸ 147 ਅੰਕਾਂ ਦੇ ਵਾਧੇ ਨਾਲ 74,602 'ਤੇ ਬੰਦ ਹੋਇਆ ਸੀ। ਇਸ ਦੇ ਨਾਲ ਹੀ ਨਿਫਟੀ 5 ਅੰਕ ਡਿੱਗ ਕੇ 22,547 ਦੇ ਪੱਧਰ 'ਤੇ ਬੰਦ ਹੋਇਆ।

ਸੈਂਸੈਕਸ ਦੇ 30 ਸ਼ੇਅਰਾਂ 'ਚੋਂ 16 ਵਧੇ ਅਤੇ 14 'ਚ ਗਿਰਾਵਟ ਦਰਜ ਕੀਤੀ ਗਈ। ਨਿਫਟੀ ਦੇ 50 ਸ਼ੇਅਰਾਂ 'ਚੋਂ 19 ਵਧੇ ਅਤੇ 31 'ਚ ਗਿਰਾਵਟ ਰਹੀ। ਨਿਫਟੀ ਮੈਟਲ 1.54%, PSU ਯਾਨੀ ਜਨਤਕ ਖੇਤਰ ਦੇ ਬੈਂਕ ਸੂਚਕਾਂਕ 1.22% ਅਤੇ ਨਿਫਟੀ ਰਿਐਲਟੀ 1.31% ਡਿੱਗ ਗਏ। ਮੀਡੀਆ ਕੰਜ਼ਿਊਮਰ ਡਿਊਰੇਬਲਸ ਅਤੇ ਰਿਐਲਟੀ 'ਚ ਮਾਮੂਲੀ ਵਾਧਾ ਦਰਜ ਕੀਤਾ ਗਿਆ।