ਸਕੌਡਾ ਆਟੋ ਦਾ ਅਗਲੇ ਸਾਲ ਭਾਰਤੀ ਬਾਜ਼ਾਰ ਵਿਚ 60,000 ਕਾਰਾਂ ਵੇਚਣ ਦਾ ਟੀਚਾ

ਨਵੀਂ ਦਿੱਲੀ (ਭਾਸ਼ਾ) - ਕਾਰ ਨਿਰਮਾਤਾ ਕੰਪਨੀ ਸਕੌਡਾ ਆਟੋ ਨੂੰ ਭਰੋਸਾ ਹੈ ਕਿ ਉਹ ਅਗਲੇ ਸਾਲ ਦੇ ਮੱਧ ਤੱਕ ਭਾਰਤੀ ਬਾਜ਼ਾਰ ਵਿਚ ਆਪਣੇ ਸਭ ਤੋਂ ਵੱਧ ਵਿਕਰੀ ਦੇ ਅੰਕੜਿਆਂ ’ਤੇ ਪਹੁੰਚ ਜਾਵੇਗੀ, ਜਿਸ ਨੂੰ ਉਸਨੇ ਤਕਰੀਬਨ ਇੱਕ ਦਹਾਕਾ ਪਹਿਲਾਂ ਹਾਸਲ ਕੀਤਾ ਸੀ। ਕੰਪਨੀ ਦੇ ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ ਕੋਵਿਡ -19 ਦੀ ਦੂਜੀ ਲਹਿਰ ਦੇ ਬਾਵਜੂਦ, ਕੰਪਨੀ ਨੇ ਨਵੇਂ ਉਤਪਾਦ ਪੇਸ਼ ਕਰਨਾ ਜਾਰੀ ਰੱਖਿਆ ਹੈ। ਸਕੋਡਾ ਆਟੋ ਇੰਡੀਆ ਨੇ 2012 ਵਿਚ 34,265 ਵਾਹਨਾਂ ਦੀ ਆਪਣੀ ਹੁਣ ਤੱਕ ਦੀ ਵਿਕਰੀ ਦੇ ਸਭ ਤੋਂ ਵੱਡੇ ਅੰਕੜੇ ਪ੍ਰਾਪਤ ਕੀਤੇ ਹਨ।

ਇਹ ਵੀ ਪੜ੍ਹੋ : ਹਵਾਈ ਯਾਤਰੀਆਂ ਲਈ ਖ਼ੁਸ਼ਖ਼ਬਰੀ, Air Asia ਦੇ ਰਹੀ 1,177 ਰੁ. 'ਚ ਫਲਾਈਟ ਬੁੱਕ ਕਰਨ ਦਾ ਮੌਕਾ

ਕੰਪਨੀ ਅਗਲੇ ਸਾਲ ਘੱਟੋ ਘੱਟ 60,000 ਯੂਨਿਟ ਵੇਚਣ ਦਾ ਇਰਾਦਾ ਰੱਖਦੀ ਹੈ। ਇਨ੍ਹਾਂ ਵਿਚ ਫਾਕਸਵੈਗਨ ਗਰੁੱਪ ਇੰਡੀਆ 2.0 ਪ੍ਰਾਜੈਕਟ ਅਧੀਨ ਵਿਕਰੀ ਸ਼ਾਮਲ ਹੈ। ਸਕੌਡਾ ਆਟੋ ਇੰਡੀਆ ਦੇ ਬ੍ਰਾਂਡ ਡਾਇਰੈਕਟਰ ਜੈਕ ਹੋਲਿਸ ਨੇ  ਦੱਸਿਆ, 'ਇਤਿਹਾਸਕ ਤੌਰ 'ਤੇ ਅਸੀਂ ਭਾਰਤ ਵਿਚ ਸਭ ਤੋਂ ਵੱਧ 35,000 ਕਾਰਾਂ ਵੇਚੀਆਂ ਹਨ। ਅਗਲੇ ਸਾਲ ਅਸੀਂ ਇਸ ਅੰਕੜੇ ਨੂੰ ਪਾਰ ਕਰ ਦੇਵਾਂਗੇ। ਸ਼ਾਇਦ ਅਗਲੇ ਸਾਲ ਦੇ ਅੱਧ ਤਕ ਸਾਡੀ 60,000 ਕਾਰਾਂ ਵੇਚਣ ਦੀ ਯੋਜਨਾ ਹੈ।

ਇਸ ਲਈ ਅਸੀਂ ਨਿਸ਼ਚਤ ਤੌਰ 'ਤੇ ਵੱਡੇ ਵਾਧੇ ਦੇ ਰਾਹ 'ਤੇ ਹਾਂ। ਅਸੀਂ ਲੰਬੇ ਸਮੇਂ ਵਿਚ ਭਾਰਤ ਵਿਚ ਸਾਲਾਨਾ ਇਕ ਲੱਖ ਕਾਰਾਂ ਵੇਚਣ ਦੀ ਯੋਜਨਾ ਬਣਾ ਰਹੇ ਹਾਂ। ਹੋਲਿਸ ਨੇ ਕਿਹਾ, 'ਪਿਛਲੇ ਸਾਲ ਅਸੀਂ ਸਿਰਫ 11,000 ਕਾਰਾਂ ਵੇਚ ਸਕੇ ਸੀ। ਮਹਾਮਾਰੀ ਕਾਰਨ ਹੀ ਅਜਿਹਾ ਹੋਇਆ ਹੈ। ਪਰ 2021 ਵਿਚ ਅਸੀਂ ਨਵੇਂ ਉਤਪਾਦਾਂ ਦੀ ਸ਼ੁਰੂਆਤ ਦੇ ਮੁਕਾਬਲੇ ਵਿਕਰੀ ਤਿੰਨ ਗੁਣਾ ਹੋਣ ਦੀ ਉਮੀਦ ਕਰ ਰਹੇ ਹਾਂ। ਅਗਲੇ ਸਾਲ ਤੋਂ ਬਾਅਦ ਅਸੀਂ ਇਸ ਵਿਕਰੀ ਨੂੰ ਦੁਗਣਾ ਕਰਾਂਗੇ।'

ਇਹ ਵੀ ਪੜ੍ਹੋ : ਖ਼ੁਸ਼ਖ਼ਬਰੀ! 815 ਰੁਪਏ ਵਾਲਾ ਗੈਸ ਸਿਲੰਡਰ ਖ਼ਰੀਦੋ ਸਿਰਫ਼ 15 ਰੁਪਏ ਵਿਚ, ਜਾਣੋ ਕਿਵੇਂ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।