ਸ਼ੇਅਰ ਬਾਜ਼ਾਰ ਦੀ ਚੰਗੀ ਸ਼ੁਰੂਆਤ, 172 ਅੰਕ ਉੱਪਰ ਖੁੱਲ੍ਹਿਆ ਸੈਂਸੈਕਸ ਅਤੇ ਨਿਫਟੀ ''ਚ ਵੀ ਤੇਜ਼ੀ

ਨਵੀਂ ਦਿੱਲੀ—ਪਿਛਲੇ ਕੁਝ ਦਿਨਾਂ ਤੋਂ ਜਾਰੀ ਗਿਰਾਵਟ ਦੌਰਾਨ ਸ਼ੇਅਰ ਬਾਜ਼ਾਰ 'ਚ ਥੋੜ੍ਹੀ ਰਾਹਤ ਦੇਖਣ ਨੂੰ ਮਿਲੀ ਹੈ। ਸੈਂਸੈਕਸ ਅਤੇ ਨਿਫਟੀ ਸ਼ੁੱਕਰਵਾਰ ਨੂੰ ਹਰੇ ਨਿਸ਼ਾਨ 'ਤੇ ਖੁੱਲ੍ਹੇ। ਬੰਬਈ ਸ਼ੇਅਰ ਬਾਜ਼ਾਰ ਦਾ ਸੈਂਸੈਕਸ 172.59 ਅੰਕ ਭਾਵ 0.61 ਫੀਸਦੀ 'ਤੇ 28460.82 ਅੰਕ 'ਤੇ ਖੁੱੱਲ੍ਹਿਆ ਹੈ। ਇਸ ਤਰ੍ਹਾਂ ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 100.60 ਅੰਕ ਚੜ੍ਹ ਕੇ 8333.55 'ਤੇ ਕਾਰੋਬਾਰ ਕਰ ਰਿਹਾ ਹੈ।
ਨੁਕਸਾਨ ਨਾਲ ਬੰਦ ਹੋਇਆ ਸੀ ਬਾਜ਼ਾਰ
ਦੱਸ ਦੇਈਏ ਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਕਾਰਨ ਸੰਸਾਰਕ ਆਰਥਿਕ ਮੰਦੀ ਦੇ ਖਦਸ਼ੇ 'ਚ ਨਿਵੇਸ਼ਕ ਸੁਰੱਖਿਅਤ ਵਿਕਲਪਾਂ ਨੂੰ ਤਰਜ਼ੀਹ ਦੇ ਰਹੇ ਹਨ। ਵੀਰਵਾਰ ਨੂੰ ਸੈਂਸੈਕਸ 581 ਅੰਕ ਤੋਂ ਜ਼ਿਆਦਾ ਟੁੱਟ ਕੇ 28,288.23 ਅੰਕ 'ਤੇ ਬੰਦ ਹੋਇਆ ਸੀ। ਪ੍ਰਮੁੱਖ ਤਿੰਨ ਕੰਪਨੀਆਂ ਦੇ ਸ਼ੇਅਰਾਂ 'ਤੇ ਆਧਾਰਿਤ ਸੈਂਸੈਕਸ 'ਚ ਏਸ਼ੀਆ ਦੇ ਹੋਰ ਬਾਜ਼ਾਰਾਂ ਦੀ ਤਰ੍ਹਾਂ ਗਿਰਾਵਟ ਰਹੀ। ਇਸ ਤਰ੍ਹਾਂ ਨਿਫਟੀ 205.35 ਅੰਕ ਭਾਵ 2.42 ਫੀਸਦੀ ਦੀ ਗਿਰਾਵਟ ਦੇ ਨਾਲ 8,263.45 ਅੰਕ 'ਤੇ ਬੰਦ ਹੋਇਆ। ਕਾਰੋਬਾਰ ਦੇ ਦੌਰਾਨ ਇਕ ਸਮੇਂ ਇਹ 7,900 ਦੇ ਪੱਧਰ 'ਤੇ ਹੇਠਾਂ ਚੱਲਿਆ ਗਿਆ ਸੀ। ਕਾਰੋਬਾਰੀਆਂ ਦੇ ਅਨੁਸਾਰ ਕਾਰੋਬਾਰ ਦੇ ਦੌਰਾਨ ਰੁਪਏ ਦੀ ਵਿਨਿਯਮ ਦਰ ਡਾਲਰ ਦੇ ਮੁਕਾਬਲੇ 75 ਨੂੰ ਪਾਰ ਕਰ ਗਿਆ। ਇਸ ਨਾਲ ਬਾਜ਼ਾਰ ਧਾਰਨਾ ਹੋਰ ਪ੍ਰਭਾਵਿਤ ਹੋਈ।
ਇਹ ਸ਼ੇਅਰ ਰਹੇ ਨੁਕਸਾਨ 'ਚ
ਸੈਂਸੈਕਸ ਦੇ ਸ਼ੇਅਰਾਂ 'ਚ ਬਜਾਜ ਫਾਈਨੈਂਸ ਨੂੰ ਸਭ ਤੋਂ ਜ਼ਿਆਦਾ ਨੁਕਸਾਨ ਹੋਇਆ ਹੈ। ਇਸ 'ਚ 10.24 ਫੀਸਦੀ ਤੋਂ ਜ਼ਿਆਦਾ ਦੀ ਗਿਰਾਵਟ ਆਈ। ਇਸ ਦੇ ਬਾਅਦ ਲੜੀਵਾਰ ਮਾਰੂਤੀ (9.85 ਫੀਸਦੀ), ਐਕਸਿਸ ਬੈਂਕ (9.50 ਫੀਸਦੀ), ਮਹਿੰਦਰਾ ਐਂਡ ਮਹਿੰਦਰਾ (9.28 ਫੀਸਦੀ), ਟੈੱਕ ਮਹਿੰਦਰਾ(8.43 ਫੀਸਦੀ) ਅਤੇ ੈਐੱਨ.ਓ.ਜੀ.ਸੀ. (7.35 ਫੀਸਦੀ) ਦਾ ਸਥਾਨ ਰਿਹਾ। ਉੱਧਰ ਲਾਭ 'ਚ ਰਹੇ ਪ੍ਰਮੁੱਖ ਸ਼ੇਅਰਾਂ 'ਚ ਆਈ.ਟੀ.ਸੀ., ਭਾਰਤੀ ਏਅਰਟੈੱਲ , ਕੋਟਕ ਬੈਂਕ ਅਤੇ ਹੀਰੋ ਮੋਟੋ ਕਾਰਪ 'ਚ 7.50 ਫੀਸਦੀ ਤੱਕ ਦੀ ਤੇਜ਼ੀ ਆਈ। ਆਨੰਦ ਰਾਠੀ ਸ਼ੇਅਰਸ ਐਂਡ ਸਟਾਕ ਬ੍ਰੋਕਰਸ ਦੇ ਇਕਵਿਟੀ ਸੋਧ ਪ੍ਰਮੁੱਖ ਨਰਿੰਦਰ ਸੋਲੰਕੀ ਨੇ ਕਿਹਾ ਕਿ ਕੋਰੋਨਾ ਵਾਇਰਸ ਮਹਾਮਾਰੀ ਦੇ ਆਰਥਿਕ ਪ੍ਰਭਾਵ ਦੀ ਚਿੰਤਾ ਦੇ ਦੌਰਾਨ ਸੰਸਾਰਕ ਬਾਜ਼ਾਰਾਂ 'ਚ ਗਿਰਾਵਟ ਆਈ ਅਤੇ ਉਤਾਰ-ਚੜ੍ਹਾਅ ਦੇਖਿਆ ਗਿਆ।