ਅਪ੍ਰੈਲ-ਜੁਲਾਈ ''ਚ 28 ਕੰਪਨੀਆਂ ਨੂੰ 45,000 ਕਰੋੜ ਰੁਪਏ ਦੇ IPO ਲਈ ਸੇਬੀ ਦਿੱਤੀ ਮਨਜ਼ੂਰੀ
08/07/2022 1:11:10 PM
ਨਵੀਂ ਦਿੱਲੀ : ਸੇਬੀ ਨੇ ਵਿੱਤੀ ਸਾਲ 2022-23 ਵਿੱਚ ਅਪ੍ਰੈਲ-ਜੁਲਾਈ ਦੌਰਾਨ ਸ਼ੁਰੂਆਤੀ ਜਨਤਕ ਪੇਸ਼ਕਸ਼ਾਂ (ਆਈਪੀਓ) ਸ਼ੁਰੂ ਕਰਨ ਲਈ 28 ਕੰਪਨੀਆਂ ਨੂੰ ਮਨਜ਼ੂਰੀ ਦਿੱਤੀ ਹੈ। ਇਨ੍ਹਾਂ ਇਸ਼ੂਆਂ ਰਾਹੀਂ ਕੁੱਲ 45,000 ਕਰੋੜ ਰੁਪਏ ਜੁਟਾਉਣ ਦੀ ਯੋਜਨਾ ਹੈ। IPO ਲਈ ਰੈਗੂਲੇਟਰੀ ਮਨਜ਼ੂਰੀ ਪ੍ਰਾਪਤ ਕਰਨ ਵਾਲੀਆਂ ਫਰਮਾਂ ਵਿੱਚ ਜੀਵਨਸ਼ੈਲੀ ਪ੍ਰਚੂਨ ਬ੍ਰਾਂਡ Fabindia, FIH Mobiles ਅਤੇ Foxconn Technology Group ਦੀ ਸਹਾਇਕ ਕੰਪਨੀ Bharat FIH, TVS ਸਪਲਾਈ ਚੇਨ ਸਲਿਊਸ਼ਨ, ਬਲੈਕਸਟੋਨ-ਬੈਕਡ ਆਧਾਰ ਹਾਊਸਿੰਗ ਫਾਈਨਾਂਸ ਅਤੇ ਮੈਕਲਿਓਡਜ਼ ਫਾਰਮਾਸਿਊਟੀਕਲਜ਼ ਐਂਡ ਕਿਡਜ਼ ਕਲੀਨਿਕ ਇੰਡੀਆ ਸ਼ਾਮਲ ਹਨ।
ਵਪਾਰੀ ਬੈਂਕਰਾਂ ਨੇ ਕਿਹਾ ਕਿ ਇਨ੍ਹਾਂ ਫਰਮਾਂ ਨੇ ਅਜੇ ਆਪਣੇ ਆਈਪੀਓ ਦੀਆਂ ਤਾਰੀਖ਼ਾਂ ਦਾ ਐਲਾਨ ਨਹੀਂ ਕੀਤਾ ਹੈ ਅਤੇ ਜਾਰੀ ਕਰਨ ਲਈ ਸਹੀ ਸਮੇਂ ਦੀ ਉਡੀਕ ਕਰ ਰਹੇ ਹਨ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਬਾਜ਼ਾਰ ਦੇ ਹਾਲਾਤ ਚੁਣੌਤੀਪੂਰਨ ਹਨ। ਪ੍ਰਸ਼ਾਂਤ ਰਾਓ, ਡਾਇਰੈਕਟਰ ਅਤੇ ਹੈੱਡ ਇਕੁਇਟੀ ਕੈਪੀਟਲ ਮਾਰਕਿਟ, ਆਨੰਦ ਰਾਠੀ ਇਨਵੈਸਟਮੈਂਟ ਬੈਂਕਿੰਗ ਨੇ ਕਿਹਾ, “ਮੌਜੂਦਾ ਮਾਹੌਲ ਚੁਣੌਤੀਪੂਰਨ ਹੈ ਅਤੇ ਜਿਨ੍ਹਾਂ ਕੰਪਨੀਆਂ ਕੋਲ ਮਨਜ਼ੂਰੀ ਹੈ, ਉਹ ਆਈਪੀਓ ਲਾਂਚ ਕਰਨ ਲਈ ਸਹੀ ਸਮੇਂ ਦੀ ਉਡੀਕ ਕਰ ਰਹੀਆਂ ਹਨ।
ਸਕਿਓਰਿਟੀਜ਼ ਐਂਡ ਐਕਸਚੇਂਜ ਬੋਰਡ ਆਫ਼ ਇੰਡੀਆ (ਸੇਬੀ) ਦੇ ਅੰਕੜਿਆਂ ਅਨੁਸਾਰ, ਅਪ੍ਰੈਲ-ਜੁਲਾਈ 2022-23 ਦੌਰਾਨ ਕੁੱਲ 28 ਕੰਪਨੀਆਂ ਨੇ ਆਈਪੀਓ ਰਾਹੀਂ ਪੂੰਜੀ ਜੁਟਾਉਣ ਲਈ ਰੈਗੂਲੇਟਰੀ ਪ੍ਰਵਾਨਗੀ ਪ੍ਰਾਪਤ ਕੀਤੀ। ਇਨ੍ਹਾਂ ਫਰਮਾਂ ਨੂੰ ਮਿਲ ਕੇ 45,000 ਕਰੋੜ ਰੁਪਏ ਜੁਟਾਉਣ ਦੀ ਉਮੀਦ ਹੈ। ਚਾਲੂ ਵਿੱਤੀ ਸਾਲ 'ਚ ਹੁਣ ਤੱਕ 11 ਕੰਪਨੀਆਂ ਨੇ IPO ਰਾਹੀਂ 33,254 ਕਰੋੜ ਰੁਪਏ ਇਕੱਠੇ ਕੀਤੇ ਹਨ। ਇਸ ਦਾ ਵੱਡਾ ਹਿੱਸਾ (20,557 ਕਰੋੜ ਰੁਪਏ) ਐਲਆਈਸੀ ਦੇ ਆਈਪੀਓ ਦਾ ਸੀ।
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
