SBI ਨੇ ਨੀਰਵ ਮੋਦੀ ਗਰੁੱਪ ਦੀਆਂ ਤਿੰਨ ਕੰਪਨੀਆਂ ਦੇ ਖਾਤਿਆਂ ''ਤੇ ਲਗਾਈ ਰੋਕ

ਨਵੀਂ ਦਿੱਲੀ—ਭਾਰਤੀ ਸਟੇਟ ਬੈਂਕ ਨੇ ਪੰਜਾਬ ਨੈਸ਼ਨਲ ਬੈਂਕ (ਪੀ.ਐੱਨ.ਬੀ.) ਘੋਟਾਲੇ ਦੇ ਸੂਤਰਧਾਰ ਨੀਰਵ ਮੋਦੀ ਗਰੁੱਪ ਦੀਆਂ ਤਿੰਨ ਕੰਪਨੀਆਂ ਦੇ ਖਾਤਿਆਂ ਦੇ ਰੋਕ ਲਗਾ ਦਿੱਤੀ ਹੈ। ਬੈਂਕ ਦੇ ਅਧਿਕਾਰੀਆਂ ਨੇ ਕਿਹਾ ਕਿ ਇਨ੍ਹਾਂ ਖਾਤਿਆਂ ਨਾਲ ਸੰਬੰਧਤ ਸੂਚਨਾ ਜਾਂਚ ਏਜੰਸੀਆਂ ਨਾਲ ਸਾਂਝੀ ਕੀਤੀ ਗਈ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਅਸੀਂ ਅੰਦਰੂਨੀ ਤੌਰ 'ਤੇ ਜਾਂਚ ਕੀਤੀ। ਇਸ 'ਚ ਸਾਨੂੰ ਨੀਰਵ ਮੋਦੀ ਗਰੁੱਪ ਦੀਆਂ ਤਿੰਨ ਕੰਪਨੀਆਂ ਨੇ ਸਾਡੀਆਂ ਵਿਦੇਸ਼ੀ ਬ੍ਰਾਂਚਾਂ 'ਚ ਖਾਤਿਆਂ ਦਾ ਪਤਾ ਲੱਗਿਆ। ਇਹ ਖਾਤੇ ਐੱਸ.ਬੀ.ਆਈ. ਦੀ ਦੁਬਈ, ਬਰਿਹੀਨ ਅਤੇ ਐਂਟਵਰਪ ਬ੍ਰਾਂਚਾਂ 'ਚ ਹੈ। ਬੈਂਕ ਨੂੰ ਇਨ੍ਹਾਂ ਖਾਤਿਆਂ ਦੀ ਅੰਦਰੂਨੀ ਜਾਂਚ ਦੇ ਬਾਅਦ ਪਤਾ ਚੱਲਿਆ ਹੈ। ਅਧਿਕਾਰੀਆਂ ਨੇ ਕਿਹਾ ਕਿ ਇਹ ਖਾਤੇ ਪੀ.ਐੱਨ.ਬੀ. ਦੇ ਕਰੀਬ 12,600 ਕਰੋੜ ਰੁਪਏ ਦੇ ਘੋਟਾਲੇ ਨਾਲ ਸਿੱਧੇ ਨਹੀਂ ਜੁੜੇ ਹਨ। ਅਧਿਕਾਰੀਆਂ ਨੇ ਕਿਹਾ ਕਿ ਇਸ ਦੌਰਾਨ ਜਾਂਚ 'ਚ ਮਦਦ ਮਿਲ ਸਕਦੀ ਹੈ। ਇਸ ਕਾਰਨ ਨਾਲ ਬੈਂਕ ਨੇ ਇਨ੍ਹਾਂ ਦਾ ਬਿਓਰਾ ਸੀ.ਬੀ.ਆਈ., ਈ.ਡੀ., ਆਮਦਨ ਟੈਕਸ ਵਿਭਾਗ ਅਤੇ ਹੋਰ ਸੰਬੰਧਤ ਏਜੰਸੀਆਂ ਨਾਲ ਸਾਂਝਾ ਕੀਤਾ ਹੈ। ਐੱਸ.ਬੀ.ਆਈ. ਦੀ ਨੀਰਵ ਮੋਦੀ ਘੋਟਾਲੇ 'ਚ ਕਰੀਬ 21.2 ਕਰੋੜ ਡਾਲਰ ਦੀ ਰਾਸ਼ੀ ਫਸੀ ਹੈ। ਬੈਂਕ ਨੂੰ ਉਮੀਦ ਹੈ ਕਿ ਪੀ.ਐੱਨ.ਬੀ. ਉਸ ਦੇ ਬਕਾਏ ਦੀ ਅਦਾਇਗੀ ਕਰੇਗਾ।