ਘਰ ਬੈਠੇ ਖੁੱਲਵਾਓ ਇਹ ਖਾਤਾ, ਲੱਖਾਂ ਰੁਪਇਆਂ ਦੇ ਨਾਲ-ਨਾਲ ਹਾਸਲ ਕਰੋ ਪੈਨਸ਼ਨ

ਨਵੀਂ ਦਿੱਲੀ — ਜੇ ਤੁਸੀਂ ਰਿਟਾਇਰਮੈਂਟ ਤੋਂ ਬਾਅਦ ਇਕਮੁਸ਼ਤ ਰਾਸ਼ੀ ਦੇ ਨਾਲ ਪੈਨਸ਼ਨ ਦਾ ਵੀ ਲਾਭ ਪ੍ਰਾਪਤ ਕਰਨਾ ਚਾਹੁੰਦੇ ਹੋ, ਤਾਂ ਤੁਸੀਂ ਨੈਸ਼ਨਲ ਪੈਨਸ਼ਨ ਸਿਸਟਮ (ਐਨਪੀਐਸ) ਵਿਚ ਨਿਵੇਸ਼ ਕਰ ਸਕਦੇ ਹੋ। ਐਨ ਪੀ ਐਸ ਵਿਚ ਖਾਤਾ ਖੋਲ੍ਹਣਾ ਹੁਣ ਹੋਰ ਸੌਖਾ ਹੋ ਗਿਆ ਹੈ। ਤੁਸੀਂ ਸਿਰਫ ਇੱਕ ਓਟੀਪੀ ਦੁਆਰਾ ਘਰ ਬੈਠੇ ਐਨਪੀਐਸ ਖਾਤਾ ਖੋਲ੍ਹ ਸਕਦੇ ਹੋ। ਹਾਲ ਹੀ ਵਿਚ PFRDA ਨੇ ਗਾਹਕਾਂ ਨੂੰ ਵਨ ਟਾਈਮ ਪਾਸਵਰਡ (ਓਟੀਪੀ) ਦੁਆਰਾ ਏਪੀਐਸ ਖਾਤੇ ਖੋਲ੍ਹਣ ਦੀ ਆਗਿਆ ਦਿੱਤੀ ਹੈ। ਇਸ ਦੇ ਤਹਿਤ ਬੈਂਕਾਂ ਦੇ ਗਾਹਕ ਜੋ ਆਪਣੇ ਬੈਂਕ ਦੀ ਇੰਟਰਨੈਟ ਬੈਂਕਿੰਗ ਸਹੂਲਤ ਦੁਆਰਾ ਐਨਪੀਐਸ ਖਾਤਾ ਖੋਲ੍ਹਣਾ ਚਾਹੁੰਦੇ ਹਨ, ਆਪਣੇ ਰਜਿਸਟਰਡ ਮੋਬਾਈਲ ਨੰਬਰ 'ਤੇ ਓਟੀਪੀ ਪ੍ਰਾਪਤ ਕਰਕੇ ਐਨਪੀਐਸ ਖਾਤਾ ਖੋਲ੍ਹ ਸਕਦੇ ਹਨ। ਆਓ ਜਾਣਦੇ ਹਾਂ ਕਿਵੇਂ ਤੁਸੀਂ ਐਨਪੀਐਸ ਜ਼ਰੀਏ 45 ਲੱਖ ਰੁਪਏ ਅਤੇ 22,500 ਰੁਪਏ ਪੈਨਸ਼ਨ ਪ੍ਰਾਪਤ ਕਰ ਸਕਦੇ ਹੋ।

ਇਹ ਵੀ ਪੜ੍ਹੋ- ਆਧਾਰ ਕਾਰਡ ਨਾਲ ਰਜਿਸਟਰਡ ਨਹੀਂ ਹੈ ਤੁਹਾਡਾ ਮੋਬਾਇਲ ਨੰਬਰ, ਤਾਂ ਇਸ ਤਰੀਕੇ ਨਾਲ ਕਰੋ ਦੁਬਾਰਾ 

ਖਾਤਿਆਂ ਦੀਆਂ ਕਿਸਮਾਂ

ਐਨਪੀਐਸ 2 ਕਿਸਮਾਂ ਦੇ ਖਾਤੇ ਖੋਲ੍ਹਣ ਦੀ ਸਹੂਲਤ ਦਿੰਦਾ ਹੈ। ਟੀਅਰ -1 ਖਾਤਾ ਇੱਕ ਪੈਨਸ਼ਨ ਖਾਤਾ ਹੁੰਦਾ ਹੈ। ਟੀਅਰ -2 ਖਾਤਾ ਸਵੈਇੱਛਤ ਬਚਤ ਖਾਤਾ ਹੈ। ਐਨਪੀਐਸ ਗਾਹਕ ਜਿਨ੍ਹਾਂ ਕੋਲ ਟੀਅਰ -1 ਖਾਤਾ ਹੈ ਉਹ ਟੀਅਰ -2 ਖਾਤਾ ਵੀ ਖੋਲ੍ਹ ਸਕਦੇ ਹਨ।

ਭਾਰਤ ਦਾ ਕੋਈ ਵੀ ਨਾਗਰਿਕ, ਜਿਸਦੀ ਉਮਰ 18 ਤੋਂ 65 ਸਾਲ ਵਿਚਕਾਰ ਹੈ, ਕੁਝ ਜ਼ਰੂਰੀ ਪ੍ਰਕਿਰਿਆਵਾਂ ਤੋਂ ਬਾਅਦ ਇਸ ਯੋਜਨਾ ਵਿਚ ਹਿੱਸਾ ਲੈ ਸਕਦਾ ਹੈ। ਐਨਪੀਐਸ ਵਿਚ ਜਮ੍ਹਾ ਕੀਤੀ ਗਈ ਰਕਮ ਦੇ ਨਿਵੇਸ਼ ਦੀ ਜ਼ਿੰਮੇਵਾਰੀ ਪੀਐਫਆਰਡੀਏ ਦੁਆਰਾ ਰਜਿਸਟਰਡ ਪੈਨਸ਼ਨ ਫੰਡ ਪ੍ਰਬੰਧਕਾਂ ਨੂੰ ਦਿੱਤੀ ਜਾਂਦੀ ਹੈ। ਉਹ ਤੁਹਾਡੇ ਨਿਵੇਸ਼ਾਂ ਨੂੰ ਇਕੁਇਟੀ, ਸਰਕਾਰੀ ਪ੍ਰਤੀਭੂਤੀਆਂ ਅਤੇ ਗੈਰ-ਸਰਕਾਰੀ ਪ੍ਰਤੀਭੂਤੀਆਂ ਦੇ ਨਾਲ-ਨਾਲ ਨਿਸ਼ਚਤ ਆਮਦਨੀ ਸਾਧਨਾਂ ਵਿਚ ਲਗਾਉਂਦੇ ਹਨ।

ਇਹ ਵੀ ਪੜ੍ਹੋ- Bajaj Auto ਦੇ ਇਸ ਪਲਾਂਟ 'ਚ ਸੈਂਕੜੇ ਕਾਮੇ ਕੋਰੋਨਾ ਪਾਜ਼ੇਟਿਵ, ਬੰਦ ਹੋ ਸਕਦਾ ਹੈ ਕਾਰਖਾਨਾ

ਇੱਕ ਐਨੂਅਟੀ ਤੁਹਾਡੇ ਅਤੇ ਬੀਮਾ ਕੰਪਨੀ ਵਿਚਕਾਰ ਇਕਰਾਰਨਾਮਾ ਹੁੰਦਾ ਹੈ। ਇਸ ਇਕਰਾਰਨਾਮੇ ਦੇ ਤਹਿਤ, ਰਾਸ਼ਟਰੀ ਪੈਨਸ਼ਨ ਸਿਸਟਮ (ਐਨਪੀਐਸ)  ਯੋਜਨਾ ਵਿਚ ਘੱਟੋ-ਘੱਟ ਸਾਲਾਨਾ 40 ਪ੍ਰਤੀਸ਼ਤ ਰਕਮ ਦੀ ਐਨੁਇਟੀ ਦੀ ਖਰੀਦ ਕਰਨਾ ਜ਼ਰੂਰੀ ਹੈ। ਇਹ ਰਕਮ ਜਿੰਨੀ ਜ਼ਿਆਦਾ ਹੋਵੇਗੀ ਪੈਨਸ਼ਨ ਦੀ ਰਕਮ ਵੀ ਵੱਧ ਹੁੰਦੀ ਜਾਵੇਗੀ। ਐਨੂਇਟੀ ਅਧੀਨ ਨਿਵੇਸ਼ ਕੀਤੀ ਰਾਸ਼ੀ ਰਿਟਾਇਰਮੈਂਟ ਤੋਂ ਬਾਅਦ ਪੈਨਸ਼ਨ ਵਜੋਂ ਪ੍ਰਾਪਤ ਕੀਤੀ ਜਾਂਦੀ ਹੈ ਅਤੇ ਐਨਪੀਐਸ ਸਕੀਮ ਦੀ ਰਕਮ ਇਕਮੁਸ਼ਤ ਵਾਪਸ ਲੈ ਸਕਣ ਦੀ ਵਿਵਸਥਾ ਹੈ।

ਇਹ ਵੀ ਪੜ੍ਹੋ-  ਮਹਿੰਗਾਈ ਦੀ ਮਾਰ: ਪੈਟਰੋਲ-ਡੀਜ਼ਲ ਦੀਆਂ ਕੀਮਤਾਂ ਤੋਂ ਬਾਅਦ ਸਬਜ਼ੀਆਂ ਨੇ ਵਿਗਾੜਿਆ ਰਸੋਈ ਦਾ ਬਜਟ