ਸਾਵਧਾਨ! ਹੁਣ PAN ਕਾਰਡ ਤੋਂ ਬਿਨਾਂ ਰੁਕ ਸਕਦੇ ਨੇ ਤੁਹਾਡੇ ਕੰਮ, ਵਿਭਾਗ ਨੇ ਜਾਰੀ ਕੀਤੇ ਨਿਰਦੇਸ਼

ਬਿਜ਼ਨੈੱਸ ਡੈਸਕ : ਭਾਰਤੀ ਡਾਕ ਵਿਭਾਗ (Department of Posts) ਨੇ ਆਪਣੇ ਬਚਤ ਖਾਤਾ ਧਾਰਕਾਂ ਅਤੇ ਨਿਵੇਸ਼ਕਾਂ ਲਈ ਵਿੱਤੀ ਨਿਯਮਾਂ ਨੂੰ ਪਹਿਲਾਂ ਨਾਲੋਂ ਕਿਤੇ ਵੱਧ ਸਖ਼ਤ ਕਰ ਦਿੱਤਾ ਹੈ। ਆਮਦਨ ਕਰ ਨਿਯਮ 2026 ਅਤੇ ਪੋਸਟ ਆਫਿਸ SB ਆਰਡਰ ਸੰਖਿਆ 02/2026 ਦੇ ਤਹਿਤ ਹੁਣ ਡਾਕਘਰ ਵਿੱਚ ਹੋਣ ਵਾਲੇ ਸਾਰੇ ਮਹੱਤਵਪੂਰਨ ਲੈਣ-ਦੇਣ ਲਈ PAN (ਸਥਾਈ ਖਾਤਾ ਸੰਖਿਆ) ਦੇਣਾ ਲਾਜ਼ਮੀ ਕਰ ਦਿੱਤਾ ਗਿਆ ਹੈ।

ਇਹ ਵੀ ਪੜ੍ਹੋ :   ਦੋ ਦਿਨ ਦੀ ਦੇਸ਼ ਵਿਆਪੀ Bank Strike ਦਾ ਐਲਾਨ, ਪ੍ਰਭਾਵਿਤ ਹੋ ਸਕਦੀਆਂ ਹਨ ਬੈਂਕਿੰਗ ਸੇਵਾਵਾਂ

ਡਾਕ ਵਿਭਾਗ ਵੱਲੋਂ ਜਾਰੀ ਕੀਤੇ ਗਏ ਨਵੇਂ ਨਿਯਮਾਂ ਅਨੁਸਾਰ, ਹੁਣ ਹੇਠ ਲਿਖੇ ਕੰਮਾਂ ਲਈ PAN ਨੰਬਰ ਦੇਣਾ ਜ਼ਰੂਰੀ ਹੋਵੇਗਾ:

• ਨਵਾਂ ਖਾਤਾ ਖੋਲ੍ਹਣ ਲਈ।
• ਵੱਡੀ ਨਕਦ ਰਾਸ਼ੀ ਜਮ੍ਹਾਂ ਕਰਵਾਉਣ ਜਾਂ ਕਢਵਾਉਣ ਲਈ।
• ਟਾਈਮ ਡਿਪਾਜ਼ਿਟ (TD) ਵਿੱਚ ਨਿਵੇਸ਼ ਕਰਨ ਲਈ।

ਫਾਰਮ 97 ਦੀ ਵਰਤੋਂ: ਜਿਨ੍ਹਾਂ ਲੋਕਾਂ ਕੋਲ PAN ਕਾਰਡ ਨਹੀਂ ਹੈ, ਉਨ੍ਹਾਂ ਨੂੰ ਹੁਣ 'ਫਾਰਮ 97' ਭਰਨਾ ਪਵੇਗਾ। ਇਸ ਫਾਰਮ ਵਿੱਚ ਜਮ੍ਹਾਂਕਰਤਾ ਨੂੰ ਆਪਣੇ ਪੂਰੇ ਵੇਰਵੇ, ਲੈਣ-ਦੇਣ ਦੀ ਕਿਸਮ ਅਤੇ ਸਬੰਧਤ ਦਸਤਾਵੇਜ਼ਾਂ ਦੀ ਜਾਣਕਾਰੀ ਦੇਣੀ ਪਵੇਗੀ। ਇਸ ਤੋਂ ਬਿਨਾਂ ਪ੍ਰਕਿਰਿਆ ਅੱਗੇ ਨਹੀਂ ਵਧੇਗੀ।

ਇਹ ਵੀ ਪੜ੍ਹੋ :   ਦੇਸ਼ ਦੇ ਕਰੋੜਾਂ ਕਾਰੋਬਾਰੀਆਂ 'ਤੇ ਮੰਡਰਾਇਆ ਰੋਜ਼ੀ-ਰੋਟੀ ਦਾ ਸੰਕਟ, ਸਪਲਾਈ ਚੇਨ 'ਤੇ ਵੀ ਪਵੇਗਾ ਬੁਰਾ ਪ੍ਰਭਾਵ

ਫਾਰਮ 15G/15H ਦੀ ਥਾਂ ਹੁਣ ਭਰਨਾ ਪਵੇਗਾ 'ਫਾਰਮ 121'

ਵਿਆਜ ਦੀ ਆਮਦਨ 'ਤੇ ਟੈਕਸ (TDS) ਬਚਾਉਣ ਵਾਲੇ ਗਾਹਕਾਂ ਲਈ ਵੀ ਵੱਡੀ ਖ਼ਬਰ ਹੈ। ਵਿਭਾਗ ਨੇ ਪੁਰਾਣੇ ਫਾਰਮ 15G ਅਤੇ 15H ਦੀ ਥਾਂ ਹੁਣ ਨਵਾਂ 'ਫਾਰਮ 121' ਲਾਗੂ ਕਰ ਦਿੱਤਾ ਹੈ।

ਇਹ ਵੀ ਪੜ੍ਹੋ :  ਸਾਵਧਾਨ! 1 ਮਈ ਤੋਂ ਬੰਦ ਹੋ ਸਕਦੈ ਤੁਹਾਡਾ PAN Card, IT ਵਿਭਾਗ ਨੇ ਜਾਰੀ ਕੀਤੇ ਸਖ਼ਤ ਨਿਯਮ

ਇਹ ਫਾਰਮ ਉਨ੍ਹਾਂ ਟੈਕਸਪੇਅਰਾਂ ਲਈ ਜ਼ਰੂਰੀ ਹੈ ਜਿਨ੍ਹਾਂ ਦੀ ਸਾਲਾਨਾ ਆਮਦਨ ਟੈਕਸ ਦੇ ਦਾਇਰੇ ਤੋਂ ਬਾਹਰ ਹੈ ਅਤੇ ਜੋ TDS ਵਿੱਚ ਛੋਟ ਚਾਹੁੰਦੇ ਹਨ।

ਹਰ ਵਿੱਤੀ ਸਾਲ ਵਿੱਚ ਇਹ ਫਾਰਮ ਭਰਨਾ ਲਾਜ਼ਮੀ ਹੋਵੇਗਾ।

ਜਦੋਂ ਤੱਕ ਡਾਕਘਰ ਦਾ ਡਿਜੀਟਲ ਸਿਸਟਮ ਪੂਰੀ ਤਰ੍ਹਾਂ ਅਪਡੇਟ ਨਹੀਂ ਹੁੰਦਾ, ਉਦੋਂ ਤੱਕ ਪੁਰਾਣੀ ਪ੍ਰਕਿਰਿਆ ਵੀ ਨਾਲ ਜਾਰੀ ਰਹੇਗੀ।

ਇਹ ਵੀ ਪੜ੍ਹੋ :  ਹਵਾਈ ਮੁਸਾਫਰਾਂ ਲਈ ਵੱਡੀ ਖੁਸ਼ਖਬਰੀ, ਏਅਰਲਾਈਨ ਦੀ ਟਿਕਟ ਹੋਵੇਗੀ ਸਸਤੀ, ਮਿਲੇਗੀ ਇੰਨੀ ਛੋਟ

ਡਾਕਖਾਨਿਆਂ ਦੀ ਵਧੀ ਜ਼ਿੰਮੇਵਾਰੀ

ਨਵੇਂ ਨਿਯਮਾਂ ਤਹਿਤ ਹੁਣ ਡਾਕਖਾਨਿਆਂ ਨੂੰ ਗਾਹਕਾਂ ਦੁਆਰਾ ਜਮ੍ਹਾਂ ਕੀਤੇ ਗਏ ਫਾਰਮ 121 ਦੇ ਰਿਕਾਰਡ ਨੂੰ ਘੱਟੋ-ਘੱਟ 7 ਸਾਲਾਂ ਤੱਕ ਸੁਰੱਖਿਅਤ ਰੱਖਣਾ ਹੋਵੇਗਾ। ਡਾਕ ਵਿਭਾਗ ਫਾਰਮ ਦੇ 'ਪਾਰਟ A' ਦੀ ਵੈਰੀਫਿਕੇਸ਼ਨ ਕਰੇਗਾ ਅਤੇ 'ਪਾਰਟ B' ਦਾ ਪੂਰਾ ਡਾਟਾ ਸੁਰੱਖਿਅਤ ਰੱਖੇਗਾ।

ਇਹ ਵੀ ਪੜ੍ਹੋ : Credit Card ਧਾਰਕਾਂ ਲਈ RBI ਨੇ ਲਾਗੂ ਕੀਤਾ ਨਵਾਂ ਨਿਯਮ, ਗਾਹਕਾਂ ਨੂੰ ਮਿਲੇਗੀ ਰਾਹਤ

ਆਮ ਜਨਤਾ ਲਈ ਅਹਿਮ ਸਲਾਹਾਂ

ਵਿੱਤੀ ਮਾਹਿਰਾਂ ਅਨੁਸਾਰ ਇਹ ਬਦਲਾਅ ਪਾਰਦਰਸ਼ਤਾ ਲਿਆਉਣ ਲਈ ਕੀਤੇ ਗਏ ਹਨ। ਖਪਤਕਾਰਾਂ ਨੂੰ ਹੇਠ ਲਿਖੀਆਂ ਗੱਲਾਂ ਦਾ ਧਿਆਨ ਰੱਖਣਾ ਚਾਹੀਦਾ ਹੈ:
ਆਪਣੇ ਪੋਸਟ ਆਫਿਸ ਖਾਤੇ ਨਾਲ PAN ਕਾਰਡ ਤੁਰੰਤ ਲਿੰਕ ਕਰਵਾਓ।
ਜੇਕਰ ਤੁਸੀਂ ਟੈਕਸ ਦੇ ਦਾਇਰੇ ਵਿੱਚ ਨਹੀਂ ਆਉਂਦੇ, ਤਾਂ ਵਿੱਤੀ ਸਾਲ ਦੇ ਸ਼ੁਰੂ ਵਿੱਚ ਹੀ ਫਾਰਮ 121 ਜਮ੍ਹਾਂ ਕਰ ਦਿਓ ਤਾਂ ਜੋ ਬੇਲੋੜਾ TDS ਨਾ ਕੱਟਿਆ ਜਾਵੇ।
ਲੈਣ-ਦੇਣ ਸਮੇਂ ਆਪਣੇ ਜ਼ਰੂਰੀ KYC ਦਸਤਾਵੇਜ਼ ਨਾਲ ਰੱਖੋ ਤਾਂ ਜੋ ਫਾਰਮ 97 ਵਰਗੀਆਂ ਪ੍ਰਕਿਰਿਆਵਾਂ ਵਿੱਚ ਦੇਰੀ ਨਾ ਹੋਵੇ।

ਇਹ ਵੀ ਪੜ੍ਹੋ :  ਬੈਂਕਾਂ ਅਤੇ ਕਸਟਮ ਵਿਭਾਗ ਵਿਚਾਲੇ ਟੈਕਸ ਦੀ 'ਜੰਗ': ਸੋਨੇ ਦੀ ਦਰਾਮਦ ਡਿੱਗੀ, 30 ਸਾਲਾਂ ਬਾਅਦ ਬਣੇ ਅਜਿਹੇ ਹਾਲਾਤ

ਇਹ ਵੀ ਪੜ੍ਹੋ :    ਹੁਣ Aadhaar ਨਾਲ ਨਹੀਂ ਹੋਵੇਗੀ ਜਨਮ ਮਿਤੀ ਦੀ ਵੈਰੀਫਿਕੇਸ਼ਨ, ਜਾਣੋ ਕਿਹੜੇ ਦਸਤਾਵੇਜ਼ ਹੋਣਗੇ ਲਾਜ਼ਮੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt