UPI ਟ੍ਰਾਂਜੈਕਸ਼ਨ ਦਾ ਨਵਾਂ ਰਿਕਾਰਡ, ਮਾਰਚ 'ਚ 14 ਲੱਖ ਕਰੋੜ ਦੇ ਪਾਰ

ਨਵੀਂ ਦਿੱਲੀ : ਵਿੱਤੀ ਸਾਲ 2023 ਦੇ ਆਖਰੀ ਮਹੀਨੇ ਯਾਨੀ ਮਾਰਚ 'ਚ UPI ਲੈਣ-ਦੇਣ ਨੇ ਵੀ ਨਵਾਂ ਰਿਕਾਰਡ ਬਣਾਇਆ ਹੈ। UPI ਰਾਹੀਂ ਕੀਤੇ ਜਾਣ ਵਾਲੇ ਲੈਣ-ਦੇਣ 14 ਲੱਖ ਕਰੋੜ ਰੁਪਏ ਦੇ ਅੰਕੜੇ ਨੂੰ ਪਾਰ ਕਰ ਗਏ ਹਨ। ਇਸ ਦੌਰਾਨ UPI ਲੈਣ-ਦੇਣ ਦੀ ਗਿਣਤੀ ਵੀ 865 ਕਰੋੜ ਦੇ ਨਵੇਂ ਰਿਕਾਰਡ 'ਤੇ ਪਹੁੰਚ ਗਈ। ਫਰਵਰੀ ਮਹੀਨੇ ਦੇ ਮੁਕਾਬਲੇ UPI ਲੈਣ-ਦੇਣ 13 ਫੀਸਦੀ ਅਤੇ ਸੌਦਿਆਂ ਦੀ ਗਿਣਤੀ 18 ਫੀਸਦੀ ਵਧੀ ਹੈ। ਜੇਕਰ ਪਿਛਲੇ ਸਾਲ ਮਾਰਚ ਦੀ ਗੱਲ ਕਰੀਏ ਤਾਂ ਉਸ ਦੇ ਮੁਕਾਬਲੇ ਇਸ ਵਾਰ ਸੌਦਿਆਂ ਦੀ ਗਿਣਤੀ 60 ਫੀਸਦੀ ਅਤੇ ਮੁੱਲ ਦੇ ਹਿਸਾਬ ਨਾਲ 45 ਫ਼ੀਸਦੀ ਵਾਧਾ ਹੋਇਆ ਹੈ।

ਇਹ ਵੀ ਪੜ੍ਹੋ : ਅੱਜ ਤੋਂ RBI ਦੀ MPC ਬੈਠਕ  ਸ਼ੁਰੂ, ਵਧ ਸਕਦੀਆਂ ਹਨ ਵਿਆਜ ਦਰਾਂ

ਜਨਵਰੀ ਦੇ ਮੁਕਾਬਲੇ ਫਰਵਰੀ 'ਚ ਗਿਰਾਵਟ

ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵਿੱਤੀ ਸਾਲ ਦਾ ਆਖਰੀ ਮਹੀਨਾ ਹੋਣ ਕਾਰਨ ਇਹ ਉਛਾਲ ਦੇਖਣ ਨੂੰ ਮਿਲਿਆ ਹੈ। ਹਰ ਕਿਸਮ ਦੇ ਡਿਜੀਟਲ ਸੌਦੇ ਆਪਣੇ ਸਿਖਰ 'ਤੇ ਪਹੁੰਚ ਗਏ। ਜੇਕਰ ਦੇਖਿਆ ਜਾਵੇ ਤਾਂ ਜਨਵਰੀ ਦੇ ਮੁਕਾਬਲੇ ਫਰਵਰੀ 'ਚ ਗਿਰਾਵਟ ਦਰਜ ਕੀਤੀ ਗਈ ਸੀ। ਜਨਵਰੀ ਵਿੱਚ ਸੌਦਿਆਂ ਦੀ ਗਿਣਤੀ ਫਰਵਰੀ ਵਿੱਚ 8 ਬਿਲੀਅਨ ਤੋਂ ਘੱਟ ਕੇ 7.5 ਬਿਲੀਅਨ ਰਹਿ ਗਈ। ਮੁੱਲ ਦੇ ਰੂਪ ਵਿੱਚ, UPI ਲੈਣ-ਦੇਣ ਦਾ ਕੁੱਲ ਮੁੱਲ ਜਨਵਰੀ ਵਿੱਚ 12.9 ਲੱਖ ਕਰੋੜ ਰੁਪਏ ਤੋਂ ਘਟ ਕੇ ਫਰਵਰੀ ਵਿੱਚ 12.3 ਲੱਖ ਕਰੋੜ ਰਹਿ ਗਿਆ।

ਇਹ ਵੀ ਪੜ੍ਹੋ : ਭਾਰਤ ਦਾ ਵਿਦੇਸ਼ੀ ਵਪਾਰ 1.6 ਟ੍ਰਿਲੀਅਨ ਡਾਲਰ ਦੇ ਪਾਰ ਹੋਣ ਦੀ ਉਮੀਦ, ਇਨ੍ਹਾਂ ਖੇਤਰਾਂ 'ਚ ਹੋਵੇਗਾ ਵਾਧਾ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।