ਮਿਊਚੁਅਲ ਫੰਡ ਕੰਪਨੀਆਂ ਨੇ SIP ਤੋਂ ਛੇ ਮਹੀਨੇ ''ਚੋਂ 49,000 ਕਰੋੜ ਤੋਂ ਜ਼ਿਆਦਾ ਜੁਟਾਏ
10/13/2019 12:02:23 PM
ਨਵੀਂ ਦਿੱਲੀ—ਖੁਦਰਾ ਨਿਵੇਸ਼ਕ ਮਿਊਚੁਅਲ ਫੰਡ 'ਚ ਨਿਵੇਸ਼ ਕਰਨ ਲਈ ਸਿਸਟਮੈਟਿਕ ਇੰਵੈਸਟਮੈਂਟ ਪਲਾਨ (ਐੱਸ.ਆਈ.ਪੀ.) ਨੂੰ ਤਵੱਜ਼ੋ ਦੇ ਰਹੇ ਹਨ। ਐਸੋਸੀਏਸ਼ਨ ਆਫ ਮਿਊਚੁਅਲ ਫੰਡਸ ਇਨ੍ਹਾਂ ਇੰਡੀਆ (ਐਮਫੀ) ਦੇ ਅੰਕੜਿਆਂ ਮੁਤਾਬਕ ਮਿਊਚੁਅਲ ਫੰਡ ਉਦਯੋਗ ਨੇ ਚਾਲੂ ਵਿੱਤੀ ਸਾਲ ਦੀ ਪਹਿਲੀ ਛਿਮਾਹੀ (ਅਪ੍ਰੈਲ-ਸਤੰਬਰ) 'ਚ ਐੱਸ.ਆਈ.ਪੀ. ਦੇ ਰਾਹੀਂ 49,000 ਕਰੋੜ ਰੁਪਏ ਤੋਂ ਜ਼ਿਆਦਾ ਜੁਟਾਏ। ਇਹ ਇਕ ਸਾਲ ਪਹਿਲਾਂ ਦੀ ਇਸ ਸਮੇਂ ਦੀ ਤੁਲਨਾ 'ਚ 11 ਫੀਸਦੀ ਜ਼ਿਆਦਾ ਹੈ। ਅਪ੍ਰੈਲ-ਸਤੰਬਰ 2018 'ਚ ਇਹ ਅੰਕੜਾ 44,487 ਕਰੋੜ ਰੁਪਏ ਸੀ। ਮਿਊਚੁਅਲ ਫੰਡ ਉਦਯੋਗ ਨੇ ਕਿਹਾ ਕਿ ਖੁਦਰਾ ਨਿਵੇਸ਼ਕਾਂ ਦੇ ਲਈ ਮਿਊਚੁਅਲ ਫੰਡ 'ਚ ਨਿਵੇਸ਼ ਕਰਨ ਲਈ ਹੁਣ ਵੀ ਐੱਸ.ਆਈ.ਪੀ. ਸਭ ਤੋਂ ਉਪਯੁਕਤ ਮਾਧਿਅਮ ਬਣਿਆ ਹੋਇਆ ਹੈ। ਤਾਜ਼ੇ ਅੰਕੜਿਆਂ ਮੁਤਾਬਕ 2019-20 ਦੀ ਅਪ੍ਰੈਲ-ਸਤੰਬਰ ਸਮੇਂ 'ਚ ਐੱਸ.ਆਈ.ਪੀ. ਦੇ ਰਾਹੀਂ 49,361 ਕਰੋੜ ਰੁਪਏ ਦਾ ਨਿਵੇਸ਼ ਕੀਤਾ ਗਿਆ ਹੈ। ਇਸ ਸਾਲ ਸਤੰਬਰ ਇਕ ਐੱਸ.ਆਈ.ਪੀ. ਦੇ ਰਾਹੀਂ ਹਰ ਮਹੀਨੇ ਔਸਤਨ 8,000 ਕਰੋੜ ਰੁਪਏ ਦਾ ਨਿਵੇਸ਼ ਹੋਇਆ ਹੈ। ਪਿਛਲੇ ਕੁਝ ਸਾਲਾਂ 'ਚ ਐੱਸ.ਆਈ.ਪੀ. ਦੇ ਰਾਹੀਂ ਨਿਵੇਸ਼ 'ਚ ਤੇਜ਼ੀ ਦੇਖੀ ਗਈ ਹੈ। ਵਿੱਤੀ ਸਾਲ 2018-19 'ਚ ਐੱਸ.ਪੀ.ਆਈ. ਦੇ ਮਾਧਿਅਮ ਨਾਲ ਕਰੀਬ 92,700 ਕਰੋੜ ਰੁਪਏ ਦਾ ਨਿਵੇਸ਼ ਹੋਇਆ ਸੀ। 2017-18 'ਚ ਇਹ ਅੰਕੜਾ 67,000 ਕਰੋੜ ਰੁਪਏ ਤੋਂ ਜ਼ਿਆਦਾ ਅਤੇ 2016-17 'ਚ 43,900 ਕਰੋੜ ਰੁਪਏ ਤੋਂ ਜ਼ਿਆਦਾ ਸੀ। ਵਰਤਮਾਨ 'ਚ ਮਿਊਚੁਅਲ ਫੰਡ ਕੰਪਨੀਆਂ ਦੇ ਕੋਲ 2.84 ਕਰੋੜ ਐੱਸ.ਬੀ.ਆਈ. ਖਾਤੇ ਹਨ, ਜਿਨ੍ਹਾਂ ਦੇ ਰਾਹੀਂ ਨਿਵੇਸ਼ਕ ਭਾਰਤੀ ਮਿਊਚੁਅਲ ਫੰਡ ਯੋਜਨਾਵਾਂ 'ਚ ਲਗਾਤਾਰ ਨਿਵੇਸ਼ ਕਰ ਰਹੇ ਹਨ।
