ਮਿੰਡਾ ਕਾਰਪੋਰੇਸ਼ਨ ਨੇ ਚੀਨ ਦੀ ਸੈਨਕੋ ਟੈਕਨਾਲੋਜੀ ਨਾਲ ਕੀਤਾ ਸਮਝੌਤਾ

ਨਵੀਂ ਦਿੱਲੀ- ਆਟੋਮੋਟਿਵ ਕੰਪੋਨੈਂਟ ਨਿਰਮਾਤਾ ਮਿੰਡਾ ਕਾਰਪੋਰੇਸ਼ਨ ਲਿਮਟਿਡ ਨੇ ਇਲੈਕਟ੍ਰਿਕ ਵਾਹਨ ਮਾਰਕੀਟ ਲਈ ਪਾਵਰ ਡਿਸਟ੍ਰੀਬਿਊਸ਼ਨ ਸਿਸਟਮ ਹੱਲ ਪੇਸ਼ ਕਰਨ ਲਈ ਚੀਨ ਦੀ ਸੈਨਕੋ ਕਨੈਕਟਿੰਗ ਟੈਕਨਾਲੋਜੀ ਨਾਲ ਇਕ ਤਕਨਾਲੋਜੀ ਲਾਇਸੈਂਸਿੰਗ ਸਮਝੌਤੇ 'ਤੇ ਹਸਤਾਖਰ ਕੀਤੇ ਹਨ। ਸੈਨਕੋ ਕਨੈਕਟਿੰਗ ਟੈਕਨਾਲੋਜੀ ਈਵੀ ਸੰਪਰਕ ਪ੍ਰਣਾਲੀਆਂ ’ਚ ਇਕ ਮੋਹਰੀ ਹੈ। ਕੰਪਨੀ ਨੇ ਬਿਆਨ ’ਚ ਕਿਹਾ ਕਿ ਸਮਝੌਤੇ ਦੇ ਤਹਿਤ, ਮਿੰਡਾ ਕਾਰਪੋਰੇਸ਼ਨ ਅਤੇ ਸੈਨਕੋ ਸਥਾਨਕ ਪੱਧਰ  'ਤੇ ਈਵੀ ਸੰਪਰਕ ਪ੍ਰਣਾਲੀ, ਸਾਕਟਾਂ ਅਤੇ ਸਹਾਇਕ ਯੰਤਰਾਂ ਦੇ ਨਾਲ ਚਾਰਜਿੰਗ ਗਨ ਅਸੈਂਬਲੀ, ਬੱਸ ਬਾਰ, ਸੈੱਲ ਕਨੈਕਟੀਵਿਟੀ ਸਿਸਟਮ, ਪਾਵਰ ਡਿਸਟ੍ਰੀਬਿਊਸ਼ਨ ਯੂਨਿਟ (ਪੀਡੀਯੂ) ਅਤੇ ਬੈਟਰੀ ਡਿਸਟ੍ਰੀਬਿਊਸ਼ਨ ਯੂਨਿਟ (ਬੀਡੀਯੂ) ਦਾ ਨਿਰਮਾਣ ਕਰ ਕੇ ਇਸ ਨੂੰ ਵਿਕਸਤ ਕਰਨਗੇ।

 ਮਿੰਡਾ ਕਾਰਪੋਰੇਸ਼ਨ ਦੇ ਕਾਰਜਕਾਰੀ ਨਿਰਦੇਸ਼ਕ ਆਕਾਸ਼ ਮਿੰਡਾ ਨੇ ਭਾਈਵਾਲੀ 'ਤੇ ਕਿਹਾ, "ਨਵੇਂ ਯੁੱਗ ਦੇ ਈਵੀ ਹੱਲਾਂ ਨੂੰ ਪੇਸ਼ ਕਰਕੇ, ਅਸੀਂ ਸਫਲ ਸਥਾਨੀਕਰਨ ਪ੍ਰਾਪਤ ਕਰਨ ਦੀ ਵਚਨਬੱਧਤਾ ਨਾਲ ਵਾਹਨਾਂ ਦੇ ਹਿੱਸਿਆਂ ’ਚ ਸਮੁੱਚੀ ਕਿੱਟ ਮੁੱਲ ਨੂੰ ਵਧਾਵਾਂਗੇ। ਸੈਨਕੋ ਕਨੈਕਟਿੰਗ ਟੈਕਨਾਲੋਜੀ (ਗੁਆਂਗਡੋਂਗ) ਕੰਪਨੀ, ਲਿਮਟਿਡ ਦੇ ਚੇਅਰਮੈਨ, ਝੀਜਿਆਨ ਜ਼ੇਂਗ ਨੇ ਕਿਹਾ ਕਿ ਕੰਪਨੀ ਨੇ ਆਪਣੀ ਗਲੋਬਲ ਪਹੁੰਚ ਨੂੰ ਵਧਾਉਣ ਲਈ ਮਿੰਡਾ ਕਾਰਪੋਰੇਸ਼ਨ ਨੂੰ ਇੱਕ ਰਣਨੀਤਕ ਭਾਈਵਾਲ ਵਜੋਂ ਚੁਣਿਆ ਹੈ। ਉਸਨੇ ਕਿਹਾ, “ਇਹ ਸਹਿਯੋਗ ਭਾਰਤ ਦੇ ਵਧ ਰਹੇ ਈਵੀ ਬਾਜ਼ਾਰ ’ਚ ਸੈਨਕੋ ਦੀ ਮੌਜੂਦਗੀ ਨੂੰ ਮਹੱਤਵਪੂਰਣ ਰੂਪ ’ਚ ਵਧਾਏਗਾ।