SBI ਦੀ 5 ਸਾਲਾ FD ''ਚ ਨਿਵੇਸ਼ ਕਰਨ ਵਾਲਿਆਂ ਦੀ ਲਾਟਰੀ! 4 ਲੱਖ ਰੁਪਏ ਜਮ੍ਹਾ ਕਰਨ ''ਤੇ ਮਿਲੇਗਾ ਮੋਟਾ ਮੁਨਾਫਾ

ਬਿਜ਼ਨੈੱਸ ਡੈਸਕ : ਅੱਜ-ਕੱਲ੍ਹ ਦੇ ਦੌਰ ਵਿੱਚ ਭਾਵੇਂ ਨਿਵੇਸ਼ਕ ਮਿਊਚੁਅਲ ਫੰਡਾਂ ਅਤੇ ਸ਼ੇਅਰ ਬਾਜ਼ਾਰ ਵੱਲ ਰੁਖ ਕਰ ਰਹੇ ਹਨ ਪਰ ਫਿਕਸਡ ਡਿਪਾਜ਼ਿਟ (FD) ਅਜੇ ਵੀ ਸੁਰੱਖਿਅਤ ਅਤੇ ਤੈਅ ਰਿਟਰਨ ਲਈ ਭਰੋਸੇਮੰਦ ਵਿਕਲਪ ਬਣਿਆ ਹੋਇਆ ਹੈ। ਦੇਸ਼ ਦਾ ਸਭ ਤੋਂ ਵੱਡਾ ਸਰਕਾਰੀ ਬੈਂਕ, ਭਾਰਤੀ ਸਟੇਟ ਬੈਂਕ (SBI), ਆਪਣੇ ਗਾਹਕਾਂ ਨੂੰ 5 ਸਾਲਾਂ (60 ਮਹੀਨੇ) ਦੀ ਐੱਫ.ਡੀ. 'ਤੇ ਆਕਰਸ਼ਕ ਵਿਆਜ ਦਰਾਂ ਦੀ ਪੇਸ਼ਕਸ਼ ਕਰ ਰਿਹਾ ਹੈ। ਜੇਕਰ ਤੁਸੀਂ ਇਸ ਸਕੀਮ 'ਚ 4,00,000 ਰੁਪਏ ਜਮ੍ਹਾ ਕਰਦੇ ਹੋ, ਤਾਂ ਤੁਹਾਨੂੰ ਮੈਚਿਓਰਿਟੀ 'ਤੇ ਕਿੰਨਾ ਫਾਇਦਾ ਹੋਵੇਗਾ, ਆਓ ਜਾਣਦੇ ਹਾਂ ਇਸ ਦਾ ਪੂਰਾ ਗਣਿਤ।

ਵੱਖ-ਵੱਖ ਸ਼੍ਰੇਣੀਆਂ ਲਈ ਵਿਆਜ ਦਰਾਂ 
ਬੈਂਕ ਵੱਲੋਂ 60 ਮਹੀਨਿਆਂ ਦੀ ਮਿਆਦ ਲਈ ਨਿਵੇਸ਼ਕਾਂ ਨੂੰ ਉਨ੍ਹਾਂ ਦੀ ਉਮਰ ਦੇ ਹਿਸਾਬ ਨਾਲ ਵੱਖ-ਵੱਖ ਦਰਾਂ 'ਤੇ ਵਿਆਜ ਦਿੱਤਾ ਜਾ ਰਿਹਾ ਹੈ:
•ਆਮ ਨਾਗਰਿਕ: 6.05 ਫੀਸਦੀ
•ਸੀਨੀਅਰ ਸਿਟੀਜ਼ਨ (ਬਜ਼ੁਰਗ): 7.05 ਫੀਸਦੀ
•ਅਤਿ ਸੀਨੀਅਰ ਸਿਟੀਜ਼ਨ (80 ਸਾਲ ਤੋਂ ਵੱਧ): 7.15 ਫੀਸਦੀ

4 ਲੱਖ ਦੇ ਨਿਵੇਸ਼ 'ਤੇ ਕਿੰਨੀ ਹੋਵੇਗੀ ਕਮਾਈ? 
ਜੇਕਰ ਤੁਸੀਂ 5 ਸਾਲਾਂ ਲਈ 4 ਲੱਖ ਰੁਪਏ ਦਾ ਨਿਵੇਸ਼ ਕਰਦੇ ਹੋ, ਤਾਂ ਮੈਚਿਓਰਿਟੀ 'ਤੇ ਮਿਲਣ ਵਾਲੀ ਰਾਸ਼ੀ ਇਸ ਪ੍ਰਕਾਰ ਹੋਵੇਗੀ:
1.ਆਮ ਨਾਗਰਿਕ: ਤੁਹਾਨੂੰ 1,40,071 ਰੁਪਏ ਦਾ ਫਿਕਸ ਵਿਆਜ ਮਿਲੇਗਾ, ਜਿਸ ਨਾਲ ਕੁੱਲ ਰਾਸ਼ੀ 5,40,071 ਰੁਪਏ ਹੋ ਜਾਵੇਗੀ।
2.ਸੀਨੀਅਰ ਸਿਟੀਜ਼ਨ: ਬਜ਼ੁਰਗਾਂ ਨੂੰ 1,67,303 ਰੁਪਏ ਦਾ ਵਿਆਜ ਮਿਲੇਗਾ ਅਤੇ ਮੈਚਿਓਰਿਟੀ 'ਤੇ ਕੁੱਲ 5,67,303 ਰੁਪਏ ਪ੍ਰਾਪਤ ਹੋਣਗੇ।
3.ਅਤਿ ਸੀਨੀਅਰ ਸਿਟੀਜ਼ਨ: 80 ਸਾਲ ਜਾਂ ਇਸ ਤੋਂ ਵੱਧ ਉਮਰ ਦੇ ਲੋਕਾਂ ਨੂੰ ਸਭ ਤੋਂ ਵੱਧ 1,70,097 ਰੁਪਏ ਵਿਆਜ ਵਜੋਂ ਮਿਲਣਗੇ, ਜਿਸ ਨਾਲ ਕੁੱਲ ਰਾਸ਼ੀ 5,70,097 ਰੁਪਏ ਬਣ ਜਾਵੇਗੀ।

ਅੰਮ੍ਰਿਤ ਵ੍ਰਿਸ਼ਟੀ ਸਪੈਸ਼ਲ ਸਕੀਮ
 ਇਸ ਤੋਂ ਇਲਾਵਾ ਐੱਸ.ਬੀ.ਆਈ. ਆਪਣੀ 444 ਦਿਨਾਂ ਵਾਲੀ 'ਅੰਮ੍ਰਿਤ ਵ੍ਰਿਸ਼ਟੀ' ਸਪੈਸ਼ਲ ਐੱਫ.ਡੀ. ਸਕੀਮ 'ਤੇ ਹੋਰ ਵੀ ਵਧੀਆ ਵਿਆਜ ਦੇ ਰਿਹਾ ਹੈ। ਇਸ ਵਿੱਚ ਆਮ ਨਾਗਰਿਕਾਂ ਨੂੰ 6.45%, ਸੀਨੀਅਰ ਸਿਟੀਜ਼ਨਾਂ ਨੂੰ 6.95% ਅਤੇ ਅਤਿ ਸੀਨੀਅਰ ਸਿਟੀਜ਼ਨਾਂ ਨੂੰ 7.05% ਤੱਕ ਵਿਆਜ ਮਿਲ ਰਿਹਾ ਹੈ। ਬੈਂਕ ਵਿੱਚ ਤੁਸੀਂ 7 ਦਿਨਾਂ ਤੋਂ ਲੈ ਕੇ 10 ਸਾਲ ਤੱਕ ਦੀ ਮਿਆਦ ਲਈ ਖਾਤਾ ਖੁੱਲ੍ਹਵਾ ਸਕਦੇ ਹੋ, ਜਿਸ 'ਤੇ ਵਿਆਜ ਦਰਾਂ 3.05% ਤੋਂ 7.15% ਤੱਕ ਹਨ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8

Whatsapp Channel: https://whatsapp.com/channel/0029Va94hsaHAdNVur4L170e