ਜੀਵਨ ਬੀਮਾ ਕੰਪਨੀਆਂ ਮਾਰਚ 2021 ਤੱਕ ਉਪਭੋਗਤਾਵਾਂ ਨੂੰ ਦੇ ਸਕਦੀਆਂ ਹਨ ਇਲੈਕਟ੍ਰਾਨਿਕ ਸਹੂਲਤਾਂ : IRDA

ਨਵੀਂ ਦਿੱਲੀ — ਬੀਮਾ ਰੈਗੂਲੇਟਰੀ ਅਤੇ ਵਿਕਾਸ ਅਥਾਰਟੀ ਆਫ ਇੰਡੀਆ (ਆਈਆਰਡੀਏਆਈ) ਨੇ ਜੀਵਨ ਬੀਮਾ ਕੰਪਨੀਆਂ ਲਈ ਸੰਭਾਵਤ ਪਾਲਿਸੀ ਧਾਰਕਾਂ ਤੋਂ ਇਲੈਕਟ੍ਰਾਨਿਕ ਤੌਰ 'ਤੇ ਪ੍ਰਵਾਨਗੀ ਲੈਣ ਦੀ ਸਹੂਲਤ ਨੂੰ ਤਿੰਨ ਮਹੀਨਿਆਂ ਤੱਕ ਵਧਾ ਕੇ 31 ਮਾਰਚ 2021 ਕਰ ਦਿੱਤਾ ਹੈ। ਕੋਰੋਨਾ ਵਾਇਰਸ ਲਾਗ ਕਾਰਨ ਆਮ ਕਾਰੋਬਾਰੀ ਗਤੀਵਿਧੀਆਂ ਵਿਚ ਆਈਆਂ ਰੁਕਾਵਟਾਂ ਦੇ ਮੱਦੇਨਜ਼ਰ, ਬੀਮਾ ਰੈਗੂਲੇਟਰੀ ਨੇ ਅਗਸਤ ਵਿਚ ਇੱਕ ਪਾਇਲਟ ਅਧਾਰ 'ਤੇ ਜੀਵਨ ਬੀਮਾ ਕੰਪਨੀਆਂ 31 ਦਸੰਬਰ ਤੱਕ ਸ਼ੁੱਧ ਜੋਖ਼ਮ ਵਾਲੇ ਉਤਪਾਦ (ਜਿਹੜੀਆਂ ਪਾਲਸੀਆਂ ਵਿਚ ਬੱਚਤ ਦਾ ਤੱਤ ਨਹੀਂ ਹੁੰਦਾ) ਲਈ ਖਪਤਕਾਰਾਂ ਤੋਂ ਇਲੈਕਟ੍ਰਾਨਿਕ ਮਨਜ਼ੂਰੀ ਦੀ ਇਜ਼ਾਜ਼ਤ ਦੇ ਦਿੱਤੀ ਹੈ। 

ਆਈ.ਆਰ.ਡੀ.ਏ. ਨੇ ਹੁਣ ਇਸ ਪ੍ਰਣਾਲੀ ਦੀ ਸਮੀਖਿਆ ਅਤੇ ਜੀਵਨ ਬੀਮਾ ਕੰਪਨੀਆਂ ਦੁਆਰਾ ਪ੍ਰਾਪਤ ਕੀਤੇ ਗਏ ਫੀਡਬੈਕ ਦੇ ਅਧਾਰ ਤੇ ਸਾਰੇ ਉਤਪਾਦਾਂ 'ਤੇ ਇਸ ਸਹੂਲਤ ਨੂੰ ਤਿੰਨ ਮਹੀਨਿਆਂ ਲਈ ਵਧਾ ਦਿੱਤਾ ਹੈ। ਆਈਆਰਡੀਏ ਵੱਲੋਂ ਜਾਰੀ ਕੀਤੇ ਇਕ ਸਰਕੂਲਰ ਵਿਚ ਕਿਹਾ ਗਿਆ ਹੈ ਕਿ ਜੀਵਨ ਬੀਮਾ ਕੰਪਨੀਆਂ ਨੇ ਖਪਤਕਾਰਾਂ ਤੋਂ ਇਲੈਕਟ੍ਰੋਨਿਕ ਤੌਰ 'ਤੇ ਇਜ਼ਾਜ਼ਤ ਲੈਣ ਦੀ ਸਹੂਲਤ ਨੂੰ ਤਿੰਨ ਮਹੀਨਿਆਂ ਲਈ ਵਧਾ ਦਿੱਤਾ ਹੈ।

ਇਹ ਵੀ ਪੜ੍ਹੋ: ਜਲਦ ਮਹਿੰਗੇ ਹੋ ਸਕਦੇ ਹਨ ਗ਼ਰੀਬਾਂ ਦੇ ਬਦਾਮ,ਇਸ ਕਾਰਨ ਵਧਣਗੇ ਮੂੰਗਫਲੀ ਦੇ ਭਾਅ

ਉਦਾਹਰਣ ਵਜੋਂ, ਵਿਅਕਤੀਗਤ ਬੀਮਾ ਏਜੰਟ ਜਾਂ ਬੀਮਾ ਵਿਚੋਲਿਆਂ ਦੁਆਰਾ ਲਿਆਂਦੇ ਕਾਰੋਬਾਰਾਂ ਵਿਚ ਪੇਸ਼ਕਸ਼ ਫਾਰਮ 'ਤੇ ਉਪਭੋਗਤਾ ਦੇ ਦਸਤਖਤ ਲੋੜੀਂਦੇ ਨਹੀਂ ਹੋਣਗੇ। ਆਈਆਰਡੀਏ ਨੇ ਕਿਹਾ ਕਿ ਯੋਗਤਾ ਦਾ ਮੁਲਾਂਕਣ, ਲਾਭਾਂ ਦੇ ਵੇਰਵੇ ਅਤੇ ਪੂਰੇ ਪ੍ਰਸਤਾਵ ਫਾਰਮ ਖਪਤਕਾਰਾਂ ਨੂੰ ਉਸ ਦੇ ਰਜਿਸਟਰਡ ਈਮੇਲ ਆਈਡੀ ਜਾਂ ਮੋਬਾਈਲ ਨੰਬਰ 'ਤੇ ਭੇਜੇ ਜਾਣਗੇ। ਰੈਗੂਲੇਟਰ ਨੇ ਕਿਹਾ ਕਿ ਜੇ ਉਪਭੋਗਤਾ ਸਹਿਮਤ ਹੁੰਦੇ ਹਨ, ਤਾਂ ਉਹ ਡਿਜੀਟਲ ਦਸਤਖਤ ਜਾਂ ਪੁਸ਼ਟੀਕਰਣ ਲਿੰਕ 'ਤੇ ਕਲਿੱਕ ਕਰਕੇ ਜਾਂ  ਓਟੀਪੀ ਨੂੰ ਮਨਜ਼ੂਰੀ ਦੇ ਕੇ ਆਪਣੀ ਸਹਿਮਤੀ ਦੇਣਗੇ।

ਇਹ ਵੀ ਪੜ੍ਹੋ:  ਕਿਸਾਨਾਂ ਨੂੰ ਹੁਣ ਖਾਦ ਖ਼ਰੀਦਣ 'ਤੇ ਮਿਲੇਗਾ 1 ਲੱਖ ਰੁਪਏ ਦਾ ਦੁਰਘਟਨਾ ਬੀਮਾ, IFFCO ਭਰੇਗੀ ਪ੍ਰੀਮੀਅਮ