ਭਾਰਤ ਦੇ ''ਕੋਹੀਨੂਰ'' ਰਤਨ ਟਾਟਾ ਬਾਰੇ ਜਾਣੋ 10 ਇਹ ਦਿਲਚਸਪ ਗੱਲਾਂ

ਨਵੀਂ ਦਿੱਲੀ- ਰਤਨ ਟਾਟਾ ਦੇ ਦੇਹਾਂਤ ਕਾਰਨ ਪੂਰੇ ਦੇਸ਼ 'ਚ ਸੋਗ ਦਾ ਮਾਹੌਲ ਹੈ। ਪੀ.ਐਮ ਮੋਦੀ ਤੋਂ ਲੈ ਕੇ ਕਈ ਹੋਰ ਨੇਤਾਵਾਂ ਨੇ ਵੀ ਉਨ੍ਹਾਂ ਦੇ ਦੇਹਾਂਤ 'ਤੇ ਡੂੰਘਾ ਦੁੱਖ ਪ੍ਰਗਟ ਕੀਤਾ ਹੈ, ਰਤਨ ਟਾਟਾ ਨੂੰ ਉਨ੍ਹਾਂ ਦੇ ਵੱਡੇ ਫੈਸਲਿਆਂ ਲਈ ਹਮੇਸ਼ਾ ਯਾਦ ਰੱਖਿਆ ਜਾਵੇਗਾ। ਅੱਜ ਅਸੀਂ ਤੁਹਾਨੂੰ ਉਨ੍ਹਾਂ ਦੀ ਜ਼ਿੰਦਗੀ ਨਾਲ ਜੁੜੀਆਂ ਕੁਝ ਖਾਸ ਗੱਲਾਂ ਦੱਸਣ ਜਾ ਰਹੇ ਹਾਂ।

1. ਰਤਨ ਟਾਟਾ ਦੀ ਸਭ ਤੋਂ ਚੰਗੀ ਗੱਲ ਇਹ ਸੀ ਕਿ ਉਹ ਸ਼ਰਾਬ ਪੀਣਾ ਅਤੇ ਸਿਗਰਟ ਪੀਣਾ ਬਿਲਕੁਲ ਵੀ ਪਸੰਦ ਨਹੀਂ ਕਰਦੇ ਸਨ। ਕਿਹਾ ਜਾਂਦਾ ਹੈ ਕਿ ਉਨ੍ਹਾਂ ਨੂੰ ਤਿੰਨ ਵਾਰ ਵਿਆਹ ਦਾ ਪ੍ਰਸਤਾਵ ਆਇਆ ਪਰ ਉਨ੍ਹਾਂ ਨੇ ਵਿਆਹ ਨਹੀਂ ਕੀਤਾ।

2. ਰਤਨ ਟਾਟਾ ਦੇ ਦੋ ਭਰਾ ਜਿੰਮੀ ਅਤੇ ਨੋਏਲ ਹਨ। ਉਨ੍ਹਾਂ ਦੀ ਮਤਰੇਈ ਮਾਂ ਸਿਮੋਨ ਟਾਟਾ ਵੀ ਜ਼ਿੰਦਾ ਹੈ।

3. ਰਤਨ ਟਾਟਾ ਨੇ ਦੱਖਣੀ ਮੁੰਬਈ 'ਚ ਕੈਂਪੀਅਨ ਸਕੂਲ ਅਤੇ ਕੈਥੇਡ੍ਰਲ ਅਤੇ ਸ਼ਿਮਲਾ 'ਚ ਜੌਹਨ ਕੌਨਨ ਸਕੂਲ ਅਤੇ ਬਿਸ਼ਪ ਕਾਟਨ ਸਮੇਤ ਤਿੰਨ ਵੱਕਾਰੀ ਸੰਸਥਾਵਾਂ 'ਚ ਪੜ੍ਹਾਈ ਕੀਤੀ।

4. ਪੜ੍ਹਾਈ  ਦੌਰਾਨ, ਸੰਗੀਤ ਦੇ ਉਸਤਾਦ ਜ਼ੁਬਿਨ ਮਹਿਤਾ ਅਤੇ ਕਾਰੋਬਾਰੀ ਅਸ਼ੋਕ ਬਿਰਲਾ ਅਤੇ ਰਾਹੁਲ ਬਜਾਜ, ਡਿਊਕ ਦੇ ਮਾਲਕ ਦਿਨਸ਼ਾਵ ਪੰਡੋਲੇ ਵਰਗੇ ਕਈ ਵੱਡੇ ਨਾਮ ਵੀ ਰਤਨ ਟਾਟਾ ਦੇ ਸਹਿਪਾਠੀ ਸਨ।

5. ਰਤਨ ਟਾਟਾ ਦੀ ਅਗਵਾਈ 'ਚ ਟਾਟਾ ਸਮੂਹ ਦਾ ਮਾਲੀਆ 1991 'ਚ $4 ਬਿਲੀਅਨ ਤੋਂ ਵੱਧ ਕੇ 2012 ਤੱਕ $100 ਬਿਲੀਅਨ ਤੋਂ ਵੱਧ ਹੋ ਗਿਆ।

6.ਰਤਨ ਟਾਟਾ ਨੇ ਟਾਟਾ ਸਮੂਹ ਨੂੰ ਅਜਿਹੀਆਂ ਉਚਾਈਆਂ 'ਤੇ ਪਹੁੰਚਾਇਆ ਹੈ ਜਿੱਥੇ ਇਹ ਹੁਣ ਆਟੋਮੋਬਾਈਲ ਖੇਤਰ 'ਚ ਇੱਕ ਪ੍ਰਮੁੱਖ ਖਿਡਾਰੀ ਬਣ ਗਏ।

7. ਰਤਨ ਟਾਟਾ ਸਾਲ 1962 'ਚ ਟਾਟਾ ਇੰਡਸਟਰੀਜ਼ 'ਚ ਸਹਾਇਕ ਵਜੋਂ ਸ਼ਾਮਲ ਹੋਏ। ਉਹ ਟਾਟਾ ਸੰਨਜ਼ ਦੇ ਚੇਅਰਮੈਨ ਬਣਨ ਲਈ 29 ਸਾਲਾਂ ਬਾਅਦ ਸਿਖਰ 'ਤੇ ਪਹੁੰਚੇ।

8. ਭਾਰਤ ਸਰਕਾਰ ਨੇ ਉਨ੍ਹਾਂ ਨੂੰ 2008 'ਚ ਦੇਸ਼ ਦੇ ਸਰਵਉੱਚ ਨਾਗਰਿਕ ਪਦਮ ਵਿਭੂਸ਼ਣ ਨਾਲ ਸਨਮਾਨਿਤ ਕੀਤਾ। ਰਤਨ ਟਾਟਾ 2012 'ਚ ਟਾਟਾ ਸੰਨਜ਼ ਦੇ ਚੇਅਰਮੈਨ ਵਜੋਂ ਸੇਵਾਮੁਕਤ ਹੋਏ।

9. ਰਤਨ ਟਾਟਾ ਦੀ ਅਗਵਾਈ 'ਚ ਟਾਟਾ ਗਰੁੱਪ ਨੇ 2000 'ਚ ਬ੍ਰਿਟਿਸ਼ ਕੰਪਨੀ ਟੈਟਲੀ, 2007 'ਚ ਯੂਰਪ ਦੀ ਦੂਜੀ ਸਭ ਤੋਂ ਵੱਡੀ ਸਟੀਲ ਨਿਰਮਾਤਾ ਕੰਪਨੀ ਕੋਰਸ ਅਤੇ 2008 'ਚ ਬ੍ਰਿਟਿਸ਼ ਕਾਰ ਕੰਪਨੀਆਂ ਜੈਗੁਆਰ ਅਤੇ ਲੈਂਡ ਰੋਵਰ ਨੂੰ ਹਾਸਲ ਕੀਤਾ।

10.1937 'ਚ ਜਨਮੇ ਰਤਨ ਟਾਟਾ ਦੇ ਮਾਤਾ-ਪਿਤਾ 1948 'ਚ ਵੱਖ ਹੋ ਗਏ ਸਨ। ਇਸ ਤੋਂ ਬਾਅਦ ਉਨ੍ਹਾਂ ਦੀ ਪਰਵਰਿਸ਼ ਉਨ੍ਹਾਂ ਦੀ ਦਾਦੀ ਨਵਾਜ਼ਬਾਈ ਟਾਟਾ ਨੇ ਕੀਤੀ।

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ
For Android:- https://play.google.com/store/apps/details?id=com.jagbani&hl=en
For IOS:- https://itunes.apple.com/in/app/id538323711?mt=8

ਨੋਟ- ਇਸ ਖ਼ਬਰ ਬਾਰੇ ਕੁਮੈਂਟ ਕਰ ਦਿਓ ਰਾਏ