ਭਾਰਤ 'ਚ ਆਈਫੋਨ ਲਈ ਬੈਟਰੀ ਬਣਾਏਗੀ ਜਾਪਾਨ ਦੀ ਇਹ ਕੰਪਨੀ, ਹਜ਼ਾਰਾਂ ਲੋਕਾਂ ਨੂੰ ਮਿਲੇਗਾ ਰੁਜ਼ਗਾਰ

ਮੁੰਬਈ - ਜਾਪਾਨੀ ਇਲੈਕਟ੍ਰਾਨਿਕ ਪਾਰਟਸ ਨਿਰਮਾਤਾ TDK Corp ਭਾਰਤ ਵਿੱਚ ਐਪਲ ਆਈਫੋਨ ਲਈ ਲਿਥੀਅਮ-ਆਇਨ ਬੈਟਰੀ ਸੈੱਲ ਬਣਾਏਗੀ। ਕੇਂਦਰੀ ਮੰਤਰੀ ਰਾਜੀਵ ਚੰਦਰਸ਼ੇਖਰ ਨੇ ਇਹ ਜਾਣਕਾਰੀ ਦਿੱਤੀ। ਐਪਲ ਪਿਛਲੇ ਕੁਝ ਸਾਲਾਂ ਤੋਂ ਭਾਰਤ ਵਿੱਚ ਆਪਣੀਆਂ ਨਿਰਮਾਣ ਗਤੀਵਿਧੀਆਂ ਨੂੰ ਤੇਜ਼ੀ ਨਾਲ ਵਧਾ ਰਿਹਾ ਹੈ ਕਿਉਂਕਿ ਕੰਪਨੀ ਉਤਪਾਦਨ ਦੇ ਇੱਕ ਹਿੱਸੇ ਨੂੰ ਚੀਨ ਤੋਂ ਬਾਹਰ ਤਬਦੀਲ ਕਰਨ ਦੀ ਕੋਸ਼ਿਸ਼ ਕਰ ਰਹੀ ਹੈ। ਐਪਲ ਨੇ 2017 ਵਿੱਚ ਵਿਸਟ੍ਰੋਨ ਨਾਲ ਭਾਰਤ ਵਿੱਚ ਆਈਫੋਨ ਅਸੈਂਬਲ ਕਰਨਾ ਸ਼ੁਰੂ ਕੀਤਾ ਸੀ। ਇਸ ਤੋਂ ਬਾਅਦ ਇਸ ਨੇ ਫਾਕਸਕਾਨ ਨਾਲ ਵੀ ਕੰਮ ਕਰਨਾ ਸ਼ੁਰੂ ਕਰ ਦਿੱਤਾ। ਇਸ ਸਮੇਂ ਭਾਰਤ ਵਿੱਚ ਇਸਦੇ 14 ਸਪਲਾਇਰ ਹਨ।

ਇਹ ਵੀ ਪੜ੍ਹੋ :      2000 ਦੇ ਨੋਟਾਂ ਨੂੰ ਲੈ ਕੇ RBI ਦੀ ਵੱਡੀ ਅਪਡੇਟ, ਜਾਣੋ ਕਿੱਥੇ ਬਦਲੇ ਜਾ ਸਕਦੇ ਹਨ ਨੋਟ

ਰਾਜੀਵ ਚੰਦਰਸ਼ੇਖਰ ਨੇ ਸੋਸ਼ਲ ਮੀਡੀਆ ਪਲੇਟਫਾਰਮ X 'ਤੇ ਕਿਹਾ ਕਿ TDK ਉੱਤਰੀ ਰਾਜ ਹਰਿਆਣਾ ਵਿੱਚ ਆਪਣੀ ਨਿਰਮਾਣ ਸਹੂਲਤ ਸਥਾਪਤ ਕਰੇਗੀ। ਇਸ ਨਾਲ ਕਰੀਬ 1000 ਨਵੇਂ ਲੋਕਾਂ ਨੂੰ ਰੁਜ਼ਗਾਰ ਮਿਲੇਗਾ।

ਮੀਡੀਆ ਰਿਪੋਰਟਾਂ ਅਨੁਸਾਰ, ਹਰਿਆਣਾ ਵਿੱਚ TDK ਦੁਆਰਾ ਤਿਆਰ ਕੀਤੇ ਗਏ ਸੈੱਲ ਐਪਲ ਦੀ ਲਿਥੀਅਮ ਆਇਨ ਬੈਟਰੀ ਅਸੈਂਬਲਰ ਸਨਵੋਡਾ ਇਲੈਕਟ੍ਰਾਨਿਕਸ ਨੂੰ ਸਪਲਾਈ ਕੀਤੇ ਜਾਣਗੇ। ਹਾਲਾਂਕਿ ਐਪਲ ਅਤੇ ਟੀਡੀਪੀ ਕਾਰਪੋਰੇਸ਼ਨ ਵੱਲੋਂ ਫਿਲਹਾਲ ਇਸ ਖਬਰ 'ਤੇ ਕੋਈ ਪ੍ਰਤੀਕਿਰਿਆ ਨਹੀਂ ਦਿੱਤੀ ਗਈ ਹੈ।

ਇਹ ਵੀ ਪੜ੍ਹੋ :    ਮਰੀਜ ਦੇ ਇਲਾਜ ’ਚ ਲਾਪਰਵਾਹੀ ਵਰਤਣ ਦੇ ਦੋਸ਼ ’ਚ ਮੇਦਾਂਤਾ ਹਸਪਤਾਲ ’ਤੇ 36.75 ਲੱਖ ਦਾ ਜੁਰਮਾਨਾ

ਇਹ ਵੀ ਪੜ੍ਹੋ :     ਓਰੀਐਂਟਲ ਇੰਸ਼ੋਰੈਂਸ ਕੰਪਨੀ ਨੂੰ ਗੋਦਾਮ ’ਚ ਲੱਗੀ ਅੱਗ ਦਾ 7 ਕਰੋੜ ਰੁਪਏ ਮੁਆਵਜ਼ਾ ਦੇਣ ਦਾ ਹੁਕਮ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।

ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 

For Android:-  https://play.google.com/store/apps/details?id=com.jagbani&hl=en 

For IOS:-  https://itunes.apple.com/in/app/id538323711?mt=8