ਇੰਡਸ ਟਾਵਰਜ਼ ਕੰਪਨੀ ਨੇ ਵੋਡਾਫੋ਼ਨ ਆਈਡੀਆ ਨੂੰ ਬਕਾਇਆ ਕਲੀਅਰ ਕਰਨ ਲਈ ਦਿੱਤਾ ਅਲਟੀਮੇਟਮ
Wednesday, Sep 28, 2022 - 01:34 PM (IST)
ਨਵੀਂ ਦਿੱਲੀ : ਭਾਰਤ ਦੀ ਸਭ ਤੋਂ ਵੱਡੀ ਟਾਵਰ ਇੰਸਟਾਲੇਸ਼ਨ ਕੰਪਨੀ ਇੰਡਸ ਟਾਵਰਜ਼ ਨੇ ਮੋਬਾਈਲ ਆਪਰੇਟਰ ਵੋਡਾਫੋ਼ਨ ਆਈਡੀਆ (VI) ਨੂੰ ਅਲਟੀਮੇਟਮ ਦਿੱਤਾ ਹੈ ਕਿ ਉਹ ਆਪਣੇ ਬਕਾਏ ਦਾ ਭੁਗਤਾਨ ਕਰੇ ਜਾਂ ਨਵੰਬਰ ਤੋਂ ਆਪਣੇ ਟਾਵਰਾਂ ਤੱਕ ਪਹੁੰਚ ਗੁਆਉਣ ਲਈ ਤਿਆਰ ਰਹਿਣ। ਇਸ ਅਲਟੀਮੇਟਮ ਵਿੱਚ ਅੱਗੇ ਕਿਹਾ ਗਿਆ ਹੈ ਕਿ ਜੇਕਰ ਇੰਡਸ ਟਾਵਰਜ਼ ਟੈਲੀਕਾਮ ਆਪਰੇਟਰਾਂ ਨੂੰ ਟਾਵਰ ਦੀ ਪਹੁੰਚ ਤੋਂ ਰੋਕਦਾ ਹੈ ਤਾਂ ਇਸ ਨਾਲ 255 ਮਿਲੀਅਨ ਗਾਹਕ ਪ੍ਰਭਾਵਿਤ ਹੋਣਗੇ।
ਇਸ ਤੋਂ ਪਹਿਲਾਂ ਫਰਵਰੀ 'ਚ ਭਾਰਤੀ ਏਅਰਟੈੱਲ ਨੇ ਇੰਡਸ ਟਾਵਰ 'ਚ ਵੋਡਾਫੋ਼ਨ ਦੀ 4.7 ਫ਼ੀਸਦੀ ਹਿੱਸੇਦਾਰੀ ਦੀ ਪ੍ਰਾਪਤੀ ਕਰਨ ਲਈ ਇਸ ਸ਼ਰਤ 'ਤੇ ਸਹਿਮਤੀ ਦਿੱਤੀ ਸੀ ਕਿ ਇਸ ਰਕਮ ਦੀ ਵਰਤੋਂ ਵੋਡਾਫੋਨ ਆਈਡੀਆ 'ਚ ਨਿਵੇਸ਼ ਕਰਨ ਅਤੇ ਕਰਜ਼ੇ 'ਚ ਡੁੱਬੀ ਕੰਪਨੀ ਦੇ ਬਕਾਏ ਦਾ ਭੁਗਤਾਨ ਕਰਨ ਲਈ ਕੀਤੀ ਜਾਵੇਗੀ।
ਈਟੀ ਦੀ ਰਿਪੋਰਟ ਵਿੱਚ ਕਿਹਾ ਗਿਆ ਹੈ ਕਿ ਟਾਵਰ ਕੰਪਨੀਆਂ 'ਤੇ VI ਦਾ ਕੁੱਲ ਇਕੱਠਾ ਕਰਜ਼ਾ 10,000 ਕਰੋੜ ਰੁਪਏ ਤੋਂ ਵੱਧ ਹੈ ਇੰਡਸ ਟਾਵਰਜ਼ 'ਤੇ ਲਗਭਗ 7,000 ਕਰੋੜ ਰੁਪਏ ਅਤੇ ਬਾਕੀ ਅਮਰੀਕਨ ਟਾਵਰ ਕਾਰਪੋਰੇਸ਼ਨ 'ਤੇ। 5G ਉਪਕਰਨਾਂ ਦੀ ਸਪਲਾਈ ਲਈ ਹੋਣ ਵਾਲੇ ਸੌਦਿਆਂ ਨੂੰ ਅੰਤਿਮ ਰੂਪ ਦੇਣ ਲਈ ਕੋਸ਼ਿਸ਼ਾਂ ਕਰ ਰਿਹਾ ਹੈ ਕਿਉਂਕਿ ਉਨ੍ਹਾਂ ਨੇ 4G-ਸਬੰਧਤ ਬਕਾਏ ਦਾ ਭੁਗਤਾਨ ਕਰਨਾ ਹੈ।
