ਭਾਰਤੀ ਅਰਥਵਿਵਸਥਾ ਦੇ ਚਾਲੂ ਮਾਲੀ ਸਾਲ ’ਚ 7-7.2 ਫੀਸਦੀ ਦੀ ਦਰ ਨਾਲ ਵਧਣ ਦੀ ਸੰਭਾਵਨਾ : ਡੈਲੋਇਟ
Tuesday, Aug 06, 2024 - 02:50 PM (IST)
ਨਵੀਂ ਦਿੱਲੀ (ਭਾਸ਼ਾ) - ਡੈਲੋਇਟ ਇੰਡੀਆ ਨੇ ਕਿਹਾ ਕਿ ਮਜ਼ਬੂਤ ਆਰਥਿਕ ਬੁਨਿਆਦੀ ਢਾਂਚੇ ਅਤੇ ਘਰੇਲੂ ਨੀਤੀ ਸੁਧਾਰਾਂ ਨੂੰ ਲਗਾਤਾਰ ਜਾਰੀ ਰੱਖਣ ਕਾਰਨ ਮੌਜੂਦਾ ਵਿੱਤੀ ਸਾਲ 2024-25 ’ਚ ਭਾਰਤ ਦੀ ਆਰਥਿਕਤਾ 7 ਤੋਂ 7.2 ਫੀਸਦੀ ਦੀ ਦਰ ਨਾਲ ਵਧਣ ਦੀ ਉਮੀਦ ਹੈ।
ਡੇਲੋਇਟ ਦੇ ਅਗਸਤ ਮਹੀਨੇ ਲਈ ਭਾਰਤ ਦੇ ਆਰਥਿਕ ਦ੍ਰਿਸ਼ਟੀਕੋਣ ਦੇ ਅਨੁਸਾਰ, ਕੇਂਦਰੀ ਬਜਟ 2024-25 ’ਚ ਖੇਤੀਬਾੜੀ ਉਤਪਾਦਕਤਾ ’ਚ ਸੁਧਾਰ, ਨੌਜਵਾਨਾਂ ਲਈ ਰੋਜ਼ਗਾਰ ਪੈਦਾ ਕਰਨ, ਸੂਖਮ, ਛੋਟੇ ਅਤੇ ਦਰਮਿਆਨੇ ਉਦਯੋਗਾਂ (ਐੱਮ. ਐੱਸ. ਐੱਮ. ਈ.) ਲਈ ਵਿੱਤ ਤੱਕ ਪਹੁੰਚ ਦੀ ਚੁਣੌਤੀ ਦਾ ਹੱਲ ਕਰਨ ਦੀ ਦਿਸ਼ਾ ’ਚ ਕੀਤੀ ਗਈਆਂ ਕਈ ਪਹਿਲਕਦਮੀਆਂ ਨਾਲ ਸਪਲਾਈ ਪੱਖ ਦੀ ਮੰਗ ਨੂੰ ਸੁਧਾਰਨ, ਮਹਿੰਗਾਈ ਨੂੰ ਰੋਕਣ ਅਤੇ ਖਾਸ ਤੌਰ ’ਤੇ ਪੇਂਡੂ ਖੇਤਰਾਂ ’ਚ ਖਪਤਕਾਰਾਂ ਦੇ ਖਰਚਿਆਂ ਨੂੰ ਵਧਾਉਣ ’ਚ ਮਦਦ ਮਿਲੇਗੀ।
ਡੇਲੋਇਟ ਇੰਡੀਆ ਦੇ ਅਰਥ ਸ਼ਾਸਤਰੀ ਰੂਮਕੀ ਮਜੂਮਦਾਰ ਨੇ ਕਿਹਾ ਕਿ ਸਾਲ ਦੇ ਪਹਿਲੇ 6 ਮਹੀਨਿਆਂ ’ਚ ਅਨਿਸ਼ਚਿਤਤਾ ਦੇ ਦੌਰ ਤੋਂ ਬਾਅਦ, ਭਾਰਤ ਦੂਜੀ ਛਿਮਾਹੀ ’ਚ ਮਜ਼ਬੂਤ ਵਾਧਾ ਦਰਜ ਕਰੇਗਾ। ਆਰਥਿਕ ਦ੍ਰਿਸ਼ਟੀਕੋਣ ਦੀ ਰਿਪੋਰਟ ’ਚ ਕਿਹਾ ਗਿਆ ਹੈ ਕਿ ਮਜ਼ਬੂਤ ਆਰਥਿਕ ਬੁਨਿਆਦ ਵਿੱਤੀ ਸਾਲ 2024-25 ’ਚ ਕੁੱਲ ਘਰੇਲੂ ਉਤਪਾਦ (ਜੀ. ਡੀ. ਪੀ.) ਦੀ ਵਿਕਾਸ ਦਰ ਨੂੰ 7 ਫੀਸਦੀ ਤੋਂ 7.2 ਫੀਸਦੀ ਦੇ ਵਿਚਕਾਰ ਰੱਖੇਗੀ।
