ਭਾਰਤ ’ਚ ਮਲੇਸ਼ੀਆ ਤੋਂ ਪਾਮ ਤੇਲ ਬਰਾਮਦ ਫਿਰ ਵਧੀ, ਬਾਜ਼ਾਰ ਹਿੱਸੇਦਾਰੀ 35 ਫੀਸਦੀ ਹੋਈ

ਨਵੀਂ ਦਿੱਲੀ (ਭਾਸ਼ਾ) - ਭਾਰਤ ’ਚ ਮਲੇਸ਼ੀਆ ਤੋਂ ਕੱਚੇ ਪਾਮ ਤੇਲ ਦੀ ਬਰਾਮਦ ਥੋੜ੍ਹੀ ਸੁਸਤੀ ਤੋਂ ਬਾਅਦ ਮਈ ਅਤੇ ਜੂਨ ’ਚ ਫਿਰ ਵਧ ਕੇ 2.5 ਲੱਖ ਟਨ ਪ੍ਰਤੀ ਮਹੀਨਾ ਹੋ ਗਈ।

ਇਹ ਵੀ ਪੜ੍ਹੋ :     ਨਵੇਂ ਰਿਕਾਰਡ ਪੱਧਰ ਤੋਂ ਮੂਧੇ ਮੂੰਹ ਡਿੱਗੇ ਸੋਨੇ ਦੇ ਭਾਅ, ਚਾਂਦੀ ਦੀਆਂ ਕੀਮਤਾਂ 'ਚ ਵਾਧਾ ਜਾਰੀ

ਮਲੇਸ਼ੀਅਨ ਪਾਮ ਆਇਲ ਕੌਂਸਲ (ਐੱਮ. ਪੀ. ਓ. ਸੀ.) ਦੇ ਮੁੱਖ ਕਾਰਜਕਾਰੀ ਅਧਿਕਾਰੀ ਬੇਲਵਿੰਦਰ ਸਰੋਨ ਨੇ ਇਹ ਜਾਣਕਾਰੀ ਦਿੱਤੀ। ਇਸ ਦੇ ਨਾਲ ਹੀ ਭਾਰਤ ’ਚ ਮਲੇਸ਼ੀਆ ਦੀ ਬਾਜ਼ਾਰ ਹਿੱਸੇਦਾਰੀ 2023 ਦੇ 30 ਫੀਸਦੀ ਤੋਂ ਵਧ ਕੇ 2025 ਦੀ ਪਹਿਲੀ ਛਿਮਾਹੀ ’ਚ 35 ਫੀਸਦੀ ਹੋ ਜਾਵੇਗੀ।

ਇਹ ਵੀ ਪੜ੍ਹੋ :     ਕੇਂਦਰ ਸਰਕਾਰ ਦਾ ਵੱਡਾ ਫੈਸਲਾ: ਇਨ੍ਹਾਂ ਮੁਲਾਜ਼ਮਾਂ ਨੂੰ ਮਿਲੇਗੀ ਤਨਖ਼ਾਹ ਸਮੇਤ 30 ਦਿਨ ਦੀਆਂ ਛੁੱਟੀਆਂ

ਸਰੋਨ ਨੇ ‘ਆਈ. ਵੀ. ਪੀ. ਏ. ਗਲੋਬਲ ਰਾਊਂਡ’ ਟੇਬਲ ਦੇ ਚੌਥੇ ਐਡੀਸ਼ਨ ’ਚ ਕਿਹਾ ਕਿ ਅਕਤੂਬਰ 2024 ’ਚ ਮੰਗ ਚਰਮ ’ਤੇ ਪੁੱਜਣ ਤੋਂ ਬਾਅਦ ਇਕ ਵਾਰ ਫਿਰ ਬਰਾਮਦ ’ਚ ਸੁਧਾਰ ਹੋਇਆ ਹੈ। ਉਨ੍ਹਾਂ ਕਿਹਾ ਕਿ ਦੀਵਾਲੀ ਤੋਂ ਪਹਿਲਾਂ ਮੁੱਲ ਮੁਕਾਬਲੇਬਾਜ਼ੀ ਅਤੇ ਤਿਉਹਾਰੀ ਸਟਾਕ ਫਿਰ ਤੋਂ ਤਿਆਰ ਕਰਨ ਕਾਰਨ ਤੀਜੀ ਤਿਮਾਹੀ ’ਚ ਵੀ ਸਾਕਾਰਾਤਮਕ ਰੁਝਾਨ ਜਾਰੀ ਰਹਿਣ ਦੀ ਉਮੀਦ ਹੈ।

ਇਹ ਵੀ ਪੜ੍ਹੋ :     August ਦੇ ਲਗਭਗ ਅੱਧੇ ਮਹੀਨੇ ਰਹਿਣਗੀਆਂ ਛੁੱਟੀਆਂ ! ਸਮਾਂ ਰਹਿੰਦੇ ਨਿਪਟਾ ਲਓ ਜ਼ਰੂਰੀ ਕੰਮ

ਵਾਧਾ ਦਰ ਸਾਲ ਦੇ ਆਖਿਰ ਤੱਕ ਜਾਰੀ ਰਹਿਣ ਦੀ ਉਮੀਦ

ਸਰੋਨ ਨੇ ਕਿਹਾ,‘‘ਪਿਛਲੇ 5 ਸਾਲਾਂ ’ਚ ਭਾਰਤ ’ਚ ਮਲੇਸ਼ੀਆ ਦੀ ਕੱਚੇ ਪਾਮ ਤੇਲ ਦੀ ਬਰਾਮਦ ਔਸਤਨ 25 ਲੱਖ ਟਨ ਸਾਲਾਨਾ ’ਤੇ ਸਥਿਰ ਰਹੀ ਹੈ। ਸੀ. ਈ. ਓ. ਨੇ ਕਿਹਾ,‘‘ਸਾਨੂੰ ਉਮੀਦ ਹੈ ਕਿ ਇਹ ਵਾਧਾ ਦਰ ਸਾਲ ਦੇ ਆਖਿਰ ਤੱਕ ਜਾਰੀ ਰਹੇਗੀ।’’

ਇਹ ਵੀ ਪੜ੍ਹੋ :     ਹੁਣ Tatkal ਟਿਕਟ ਬੁੱਕ ਕਰਨਾ ਹੋਵੇਗਾ ਆਸਾਨ! ਇਨ੍ਹਾਂ Apps 'ਤੇ ਬੁੱਕਿੰਗ ਕਰਨ ਨਾਲ ਤੁਰੰਤ ਮਿਲੇਗੀ ਸੀਟ

ਇਕ ਬਿਆਨ ’ਚ ਕਿਹਾ ਗਿਆ ਕਿ ਗੋਲਮੇਜ ਸੰਮੇਲਨ ਦੌਰਾਨ ਐੱਮ. ਪੀ. ਓ. ਸੀ. ਨੇ ਮਲੇਸ਼ੀਆਈ ਪਾਮ ਤੇਲ ਦੇ ਪੋਸ਼ਣ ਸਬੰਧੀ ਅਤੇ ਸਥਿਰਤਾ ਸਬੰਧੀ ਸਬੂਤਾਂ ਨੂੰ ਉਤਸ਼ਾਹ ਦੇਣ ਲਈ ਭਾਰਤੀ ਬਨਸਪਤੀ ਤੇਲ ਉਤਪਾਦਕ ਐਸੋਸੀਏਸ਼ਨ (ਆਈ. ਵੀ. ਪੀ. ਏ.) ਦੇ ਨਾਲ ਇਕ ਸਹਿਯੋਗ ਨੂੰ ਰਸਮੀ ਰੂਪ ਦਿੱਤਾ। ਇਹ ਸਾਂਝੇਦਾਰੀ ਮਾਰਚ 2025 ’ਚ ਆਇਲ ਟੈਕਨੋਲਾਜਿਸਟਸ ਐਸੋਸੀਏਸ਼ਨ ਆਫ ਇੰਡੀਆ (ਓ. ਟੀ. ਏ. ਆਈ.) ਦੇ ਨਾਲ ਹੋਏ ਇਕ ਸਮਝੌਤੇ ਤੋਂ ਬਾਅਦ ਹੋਈ ਹੈ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8