ਜੀ-20 ਦੇਸ਼ਾਂ ’ਚ ਸਭ ਤੋਂ ਤੇਜ਼ ਦੌੜ ਲਾਏਗੀ ਭਾਰਤ ਦੀ ਇਕਾਨਮੀ, ਮੂਡੀਜ਼

ਬਿਜ਼ਨੈੱਸ ਡੈਸਕ - ਭਾਰਤ ਤੇਜ਼ ਰਫ਼ਤਾਰ ਨਾਲ ਅੱਗੇ ਵਧਦੀ ਅਰਥਵਿਵਸਥਾ ਵਜੋਂ ਖੁਦ ਨੂੰ ਲਗਾਤਾਰ ਸਾਬਿਤ ਕਰ ਰਿਹਾ ਹੈ। ਗਲੋਬਲ ਪੱਧਰ ’ਤੇ ਜਦੋਂ ਕਈ ਵੱਡੀਆਂ ਅਰਥਵਿਵਸਥਾਵਾਂ ਸੁਸਤੀ ਅਤੇ ਬੇਯਕੀਨੀਆਂ ਨਾਲ ਜੂਝ ਰਹੀਆਂ ਹਨ, ਉਸ ਦੌਰ ’ਚ ਵੀ ਭਾਰਤੀ ਅਰਥਵਿਵਸਥਾ ਨੇ ਮਜ਼ਬੂਤ ਪ੍ਰਦਰਸ਼ਨ ਕੀਤਾ ਹੈ। ਸਰਕਾਰ ਵੱਲੋਂ 2047 ਤੱਕ ‘ਵਿਕਸਤ ਭਾਰਤ’ ਬਣਨ ਦਾ ਟੀਚਾ ਤੈਅ ਕੀਤਾ ਗਿਆ ਹੈ ਅਤੇ ਇਸੇ ਵਿਚਾਲੇ ਗਲੋਬਲ ਰੇਟਿੰਗ ਏਜੰਸੀ ਮੂਡੀਜ਼ ਨੇ ਭਾਰਤ ਦੇ ਆਰਥਿਕ ਵਾਧੇ ਨੂੰ ਲੈ ਕੇ ਇਕ ਅਹਿਮ ਅਨੁਮਾਨ ਪੇਸ਼ ਕੀਤਾ ਹੈ, ਜਿਸ ਨੇ ਦੇਸ਼ ਦੀ ਗ੍ਰੋਥ ਸਟੋਰੀ ਨੂੰ ਹੋਰ ਮਜ਼ਬੂਤੀ ਦਿੱਤੀ ਹੈ।

ਇਹ ਵੀ ਪੜ੍ਹੋ :     ਨਵੇਂ ਨਿਯਮਾਂ ਦਾ ਡਰਾਫਟ ਜਾਰੀ : ਇਨਕਮ ਟੈਕਸ ਹੁਣ 333 ਨਿਯਮਾਂ ’ਚ ਸਿਮਟਿਆ, 1 ਅਪ੍ਰੈਲ ਤੋਂ ਹੋਵੇਗਾ ਲਾਗੂ

ਮੂਡੀਜ਼ ਰੇਟਿੰਗਸ ਮੁਤਾਬਕ ਅਗਾਮੀ ਵਿੱਤੀ ਸਾਲ 2026-27 ’ਚ ਭਾਰਤ ਦੀ ਅਸਲ ਕੁੱਲ ਘਰੇਲੂ ਉਤਪਾਦ (ਜੀ. ਡੀ. ਪੀ.) ਵਾਧਾ ਦਰ 6.4 ਫੀਸਦੀ ਰਹਿਣ ਦਾ ਅਨੁਮਾਨ ਹੈ। ਏਜੰਸੀ ਦਾ ਕਹਿਣਾ ਹੈ ਕਿ ਮਜ਼ਬੂਤ ਘਰੇਲੂ ਖਪਤ, ਨੀਤੀਗਤ ਸਮਰਥਨ ਅਤੇ ਸਥਿਰ ਬੈਂਕਿੰਗ ਪ੍ਰਣਾਲੀ ਦੇ ਦਮ ’ਤੇ ਭਾਰਤ ਜੀ-20 ਦੇਸ਼ਾਂ ’ਚ ਸਭ ਤੋਂ ਤੇਜ਼ੀ ਨਾਲ ਵਧਣ ਵਾਲੀ ਅਰਥਵਿਵਸਥਾ ਬਣਿਆ ਰਹੇਗਾ।

ਇਹ ਵੀ ਪੜ੍ਹੋ :    ਹੁਣ ਵਿਦੇਸ਼ ਤੋਂ Gold ਸਮੇਤ ਜ਼ਿਆਦਾ ਸਾਮਾਨ ਲਿਆ ਸਕਣਗੇ ਯਾਤਰੀ, ਨਿਯਮਾਂ 'ਚ ਹੋ ਗਿਆ ਵੱਡਾ ਬਦਲਾਅ

ਚੁਣੌਤੀਆਂ ਦਰਮਿਆਨ ਛਲਾਂਗ ਲਾਉਂਦੀ ਇਕਾਨਮੀ

ਮੂਡੀਜ਼ ਨੇ ਆਪਣੀ ਬੈਂਕਿੰਗ ਸਿਸਟਮ ਆਊਟਲੁੱਕ ਰਿਪੋਰਟ ’ਚ ਇਹ ਵੀ ਕਿਹਾ ਹੈ ਕਿ ਸੰਪਤੀ ਗੁਣਵੱਤਾ ਕੁੱਲ ਮਿਲਾ ਕੇ ਮਜ਼ਬੂਤ ਬਣੀ ਰਹੇਗੀ, ਹਾਲਾਂਕਿ ਸੂਖਮ, ਲਘੂ ਅਤੇ ਦਰਮਿਆਨੇ ਉਦਯੋਗਾਂ (ਐੱਮ. ਐੱਸ. ਐੱਮ. ਈ.) ਸੈਕਟਰ ’ਚ ਕੁਝ ਦਬਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਇਸ ਦੇ ਬਾਵਜੂਦ ਬੈਂਕਾਂ ਕੋਲ ਸੰਭਾਵੀ ਕਰਜ਼ੇ ਦੇ ਨੁਕਸਾਨ ਨਾਲ ਨਜਿੱਠਣ ਲਈ ਲੋੜੀਂਦੇ ਬਫਰ ਮੌਜੂਦ ਹਨ। ਰੇਟਿੰਗ ਏਜੰਸੀ ਦਾ ਮੰਨਣਾ ਹੈ ਕਿ ਮਜ਼ਬੂਤ ਵਿਆਪਕ ਆਰਥਿਕ ਹਾਲਾਤ ਅਤੇ ਢਾਂਚਾਗਤ ਸੁਧਾਰਾਂ ਕਾਰਨ 2026-27 ’ਚ ਬੈਂਕਾਂ ਲਈ ਸੰਚਾਲਨ ਮਾਹੌਲ ਹਾਂ-ਪੱਖੀ ਬਣਿਆ ਰਹੇਗਾ। ਮੂਡੀਜ਼ ਨੇ ਸਪੱਸ਼ਟ ਕੀਤਾ ਕਿ ਘਰੇਲੂ ਖਪਤ ’ਚ ਮਜ਼ਬੂਤੀ ਅਤੇ ਸਰਕਾਰ ਦੀਆਂ ਨੀਤੀਗਤ ਪਹਿਲਕਦਮੀਆਂ ਕਾਰਨ ਭਾਰਤ ਦੀ ਗ੍ਰੋਥ ਹੋਰ ਪ੍ਰਮੁੱਖ ਅਰਥਵਿਵਸਥਾਵਾਂ ਦੇ ਮੁਕਾਬਲੇ ਤੇਜ਼ ਰਹੇਗੀ। ਹਾਲਾਂਕਿ ਇਹ ਅਨੁਮਾਨ ਵਿੱਤ ਮੰਤਰਾਲਾ ਦੀ ਆਰਥਿਕ ਸਮੀਖਿਆ ’ਚ ਪ੍ਰਗਟ ਕੀਤੇ ਗਏ 6.8 ਤੋਂ 7.2 ਫੀਸਦੀ ਦੇ ਘੇਰੇ ਤੋਂ ਥੋੜ੍ਹਾ ਘੱਟ ਹੈ।

ਇਹ ਵੀ ਪੜ੍ਹੋ :    8th Pay Commission ਦੀ ਸ਼ੁਰੂਆਤ: LIVE ਹੋਈ ਵੈੱਬਸਾਈਟ, ਸਰਕਾਰ ਨੇ ਸੁਝਾਅ ਲਈ ਆਖ਼ਰੀ ਤਾਰੀਖ਼ ਕੀਤੀ ਜਾਰੀ

ਕੰਟਰੋਲ ’ਚ ਮਹਿੰਗਾਈ

ਮੂਡੀਜ਼ ਨੇ ਇਹ ਵੀ ਕਿਹਾ ਹੈ ਕਿ ਸਤੰਬਰ 2025 ’ਚ ਜੀ. ਐੱਸ. ਟੀ. ਨੂੰ ਲਾਗੂ ਕਰਨ ਤੋਂ ਪਹਿਲਾਂ ਨਿੱਜੀ ਆਮਦਨ ਕਰ ਦੀ ਹੱਦ ’ਚ ਵਾਧੇ ਨਾਲ ਖਪਤਕਾਰਾਂ ਦੀ ਖਰੀਦ ਸ਼ਕਤੀ ਬਿਹਤਰ ਹੋਈ ਹੈ ਅਤੇ ਖਪਤ ਅਾਧਾਰਿਤ ਵਾਧੇ ਨੂੰ ਹੋਰ ਸਮਰਥਨ ਮਿਲੇਗਾ। ਅਧਿਕਾਰਤ ਅਨੁਮਾਨਾਂ ਅਨੁਸਾਰ ਚਾਲੂ ਵਿੱਤੀ ਸਾਲ 2025-26 ’ਚ ਭਾਰਤ ਦੀ ਵਿਕਾਸ ਦਰ 7.4 ਫੀਸਦੀ ਰਹਿ ਸਕਦੀ ਹੈ, ਜੋ 2024-25 ’ਚ ਦਰਜ 6.5 ਫੀਸਦੀ ਤੋਂ ਵੱਧ ਹੈ। ਮਹਿੰਗਾਈ ਦੇ ਮੋਰਚੇ ’ਤੇ ਵੀ ਰਾਹਤ ਦੀ ਤਸਵੀਰ ਦਿਸਦੀ ਹੈ। ਮੂਡੀਜ਼ ਮੁਤਾਬਕ ਮਹਿੰਗਾਈ ਕੰਟਰੋਲ ’ਚ ਰਹਿਣ ਅਤੇ ਆਰਥਿਕ ਵਾਧਾ ਮਜ਼ਬੂਤ ਰਹਿਣ ਦੀ ਸਥਿਤੀ ’ਚ ਭਾਰਤੀ ਰਿਜ਼ਰਵ ਬੈਂਕ ਅੱਗੇ ਚੱਲ ਕੇ ਕਰੰਸੀ ਨੀਤੀ ’ਚ ਉਦੋਂ ਹੋਰ ਢਿੱਲ ਦੇਵੇਗਾ, ਜਦੋਂ ਅਰਥਵਿਵਸਥਾ ’ਚ ਸੁਸਤੀ ਦੇ ਸੰਕੇਤ ਸਪੱਸ਼ਟ ਹੋਣਗੇ।

ਇਹ ਵੀ ਪੜ੍ਹੋ :     ਰਿਕਾਰਡ ਉੱਚਾਈ ਤੋਂ ਮੂਧੇ ਮੂੰਹ ਡਿੱਗੀਆਂ ਸੋਨੇ-ਚਾਂਦੀ ਦੀਆਂ ਕੀਮਤਾਂ; ਜਾਣੋ ਕਿੰਨੇ ਹੋਏ ਭਾਅ

ਜ਼ਿਕਰਯੋਗ ਹੈ ਕਿ ਆਰ. ਬੀ. ਆਈ. ਨੇ 2025 ਦੇ ਦੌਰਾਨ ਨੀਤੀਗਤ ਵਿਆਜ ਦਰ ’ਚ ਕੁੱਲ 1.25 ਫੀਸਦੀ ਦੀ ਕਟੌਤੀ ਕਰਕੇ ਇਸ ਨੂੰ 5.25 ਫੀਸਦੀ ’ਤੇ ਲਿਆ ਦਿੱਤਾ ਹੈ। ਇਸ ਦੇ ਨਾਲ ਹੀ ਮੂਡੀਜ਼ ਦਾ ਅਨੁਮਾਨ ਹੈ ਕਿ ਪੂਰੇ ਬੈਂਕਿੰਗ ਸਿਸਟਮ ’ਚ ਕਰਜ਼ਾ ਵਾਧਾ 2026-27 ’ਚ ਵਧ ਕੇ 11 ਤੋਂ 13 ਫੀਸਦੀ ਦੇ ਘੇਰੇ ’ਚ ਰਹਿ ਸਕਦਾ ਹੈ, ਜਦਕਿ 2025-26 ’ਚ ਹੁਣ ਤੱਕ ਇਹ 10.6 ਫੀਸਦੀ ਦਰਜ ਕੀਤਾ ਗਿਆ ਹੈ।

ਇਹ ਵੀ ਪੜ੍ਹੋ :    Gold-Silver ਦੀਆਂ ਕੀਮਤਾਂ 'ਚ ਭਾਰੀ ਗਿਰਾਵਟ: ਕੀ ਨਿਵੇਸ਼ ਦਾ ਇਹ ਸਹੀ ਸਮਾਂ ਹੈ ਜਾਂ ਅਜੇ ਹੋਰ ਡਿੱਗਣਗੇ ਭਾਅ?

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt