ਸ਼ੇਅਰ ਬਾਜ਼ਾਰ 'ਚ ਭਾਰੀ ਉਛਾਲ, ਸੈਂਸੈਕਸ 622 ਅੰਕ ਵਧ ਕੇ 80,519 ਦੇ ਪੱਧਰ 'ਤੇ ਹੋਇਆ ਬੰਦ
Friday, Jul 12, 2024 - 04:06 PM (IST)
![](https://static.jagbani.com/multimedia/2024_7image_16_05_021380647sharemarkethigh.jpg)
ਮੁੰਬਈ — ਵੀਰਵਾਰ ਨੂੰ ਸ਼ੇਅਰ ਬਾਜ਼ਾਰ ਹਰੇ ਨਿਸ਼ਾਨ 'ਤੇ ਬੰਦ ਹੋਇਆ। ਸੈਂਸੈਕਸ 622 ਅੰਕ ਵਧ ਕੇ 80,519 'ਤੇ ਅਤੇ ਨਿਫਟੀ 186 ਅੰਕ ਵਧ ਕੇ 24,502 'ਤੇ ਬੰਦ ਹੋਇਆ।
ਕਾਰੋਬਾਰ ਦੌਰਾਨ, ਸੈਂਸੈਕਸ 900 ਤੋਂ ਵੱਧ ਅੰਕ ਵਧ ਕੇ 80,893 ਦੇ ਰਿਕਾਰਡ ਉੱਚ ਪੱਧਰ 'ਤੇ ਪਹੁੰਚ ਗਿਆ। ਨਿਫਟੀ ਵੀ 270 ਅੰਕ ਚੜ੍ਹ ਕੇ 24,592 ਦੇ ਸਰਵਕਾਲੀ ਉੱਚ ਪੱਧਰ 'ਤੇ ਪਹੁੰਚ ਗਿਆ ਹੈ। ਹਾਲਾਂਕਿ ਇਸ ਸਮੇਂ ਬਾਜ਼ਾਰ ਰਿਕਾਰਡ ਉਚਾਈ ਤੋਂ ਥੋੜ੍ਹਾ ਹੇਠਾਂ ਆ ਗਿਆ ਹੈ। ਸੈਂਸੈਕਸ 800 ਅੰਕ ਅਤੇ ਨਿਫਟੀ 250 ਅੰਕ ਚੜ੍ਹ ਕੇ ਕਾਰੋਬਾਰ ਕਰਦਾ ਦੇਖਿਆ ਗਿਆ।
ਸੈਂਸੈਕਸ ਦੇ 30 ਸਟਾਕਾਂ ਵਿੱਚੋਂ 25 ਵਾਧੇ ਵਿਚ ਰਹੇ ਹਨ ਅਤੇ 5 ਗਿਰਾਵਟ ਵਿਚ ਰਹੇ ਹਨ। TCS ਦੇ ਮਜ਼ਬੂਤ ਤਿਮਾਹੀ ਨਤੀਜਿਆਂ ਤੋਂ ਬਾਅਦ ਅੱਜ IT ਸੂਚਕਾਂਕ ਲਗਭਗ 4% ਵਧਿਆ ਹੈ। TCS ਦੇ ਸ਼ੇਅਰ ਲਗਭਗ 7% ਦੇ ਵਾਧੇ ਨਾਲ 4180 ਰੁਪਏ ਦੇ ਉੱਪਰ ਵਪਾਰ ਕਰ ਰਹੇ ਹਨ। ਇੰਫੋਸਿਸ, ਟੈੱਕ ਮਹਿੰਦਰਾ ਅਤੇ ਐਚਸੀਐਲ ਟੈਕ ਵੀ ਕਰੀਬ 3.5 ਫੀਸਦੀ ਚੜ੍ਹੇ ਹਨ।
ਅਮਰੀਕੀ ਬਾਜ਼ਾਰ ਗਿਰਾਵਟ ਨਾਲ ਬੰਦ ਹੋਏ
ਵੀਰਵਾਰ ਨੂੰ ਅਮਰੀਕੀ ਬਾਜ਼ਾਰ ਗਿਰਾਵਟ ਨਾਲ ਬੰਦ ਹੋਏ। ਨੈਸਡੈਕ 1.95% ਡਿੱਗ ਕੇ 18,283.41 'ਤੇ, ਜਦੋਂ ਕਿ ਡਾਓ ਜੋਂਸ ਇੰਡਸਟਰੀਅਲ ਔਸਤ 0.08% ਵਧ ਕੇ 39,753.75 'ਤੇ ਪਹੁੰਚ ਗਿਆ। S&P 500 'ਚ ਵੀ 0.88% ਦੀ ਗਿਰਾਵਟ ਆਈ ਹੈ। 5,584 ਦੇ ਪੱਧਰ 'ਤੇ ਬੰਦ ਹੋਇਆ।
FII ਨੇ ਵੇਚਿਆ, DII ਨੇ ਖਰੀਦਿਆ
ਵੀਰਵਾਰ ਨੂੰ, ਘਰੇਲੂ ਨਿਵੇਸ਼ਕਾਂ (DIIs) ਨੇ ਖਰੀਦਾਰੀ ਕੀਤੀ, ਜਦੋਂ ਕਿ ਵਿਦੇਸ਼ੀ ਨਿਵੇਸ਼ਕਾਂ (FIIs) ਨੇ ਵੇਚਿਆ। NSE ਦੇ ਅਸਥਾਈ ਅੰਕੜਿਆਂ ਦੇ ਅਨੁਸਾਰ, DIIs ਨੇ 1,676.47 ਕਰੋੜ ਰੁਪਏ ਦੇ ਸ਼ੇਅਰ ਖਰੀਦੇ ਹਨ। ਇਸ ਸਮੇਂ ਦੌਰਾਨ, ਐਫਆਈਆਈ ਨੇ 1,137.01 ਕਰੋੜ ਰੁਪਏ ਦੇ ਸ਼ੇਅਰ ਵੇਚੇ।
ਵੀਰਵਾਰ ਨੂੰ ਬਾਜ਼ਾਰ ਫਲੈਟ ਬੰਦ ਰਿਹਾ
11 ਜੁਲਾਈ ਨੂੰ ਸ਼ੇਅਰ ਬਾਜ਼ਾਰ 'ਚ ਫਲੈਟ ਟ੍ਰੇਡਿੰਗ ਦੇਖਣ ਨੂੰ ਮਿਲੀ। ਸੈਂਸੈਕਸ 27 ਅੰਕਾਂ ਦੀ ਗਿਰਾਵਟ ਨਾਲ 79,897 'ਤੇ ਬੰਦ ਹੋਇਆ। ਇਸ ਦੇ ਨਾਲ ਹੀ ਨਿਫਟੀ ਵੀ 8 ਅੰਕਾਂ ਦੀ ਗਿਰਾਵਟ ਨਾਲ 24,315 ਦੇ ਪੱਧਰ 'ਤੇ ਬੰਦ ਹੋਇਆ। ਸੈਂਸੈਕਸ ਦੇ 30 ਸ਼ੇਅਰਾਂ ਵਿਚੋਂ 16 ਵਿਚ ਵਾਧਾ ਅਤੇ 14 ਵਿਚ ਗਿਰਾਵਟ ਦੇਖਣ ਨੂੰ ਮਿਲੀ ਹੈ।