ਪਿਛਲੇ ਹਫਤੇ ਤੋਂ ਸੋਨਾ ਲਗਾਤਾਰ ਹੋ ਰਿਹੈ ਮਜ਼ਬੂਤ, ਚਾਂਦੀ ਟੁੱਟੀ

ਮੁੰਬਈ (ਯੂ.ਐੱਨ.ਆਈ.) - ਵਿਦੇਸ਼ਾਂ ਵਿਚ ਦੋਵੇਂ ਕੀਮਤੀ ਧਾਤੂਆਂ ਵਿਚ ਆ ਰਹੀ ਗਿਰਾਵਟ ਦੇ ਦਰਮਿਆਨ ਘਰੇਲੂ ਪੱਧਰ 'ਤੇ  ਵਿਆਹ ਦੀ ਮੰਗ ਆਉਣ ਕਾਰਨ ਸੋਨਾ ਲਗਾਤਾਰ ਤੀਜੇ ਹਫਤੇ ਚੜ੍ਹਿਆ ਜਦੋਂਕਿ ਚਾਂਦੀ 'ਚ ਲਗਾਤਾਰ ਤੀਜੇ ਹਫਤੇ ਗਿਰਾਵਟ ਆਈ। ਐੱਮ.ਸੀ.ਐਕਸ. ਫਿਊਚਰਜ਼ ਮਾਰਕੀਟ 'ਚ ਸੋਨੇ ਦੇ ਭਾਅ ਹਫ਼ਤੇ ਦਰਮਿਆਨ 478 ਰੁਪਏ ਚੜ੍ਹ ਕੇ 49,020 ਰੁਪਏ ਪ੍ਰਤੀ ਦਸ ਗ੍ਰਾਮ' ਤੇ ਪਹੁੰਚ ਗਏ। ਗੋਲਡ ਮਿੰਨੀ ਵੀ ਪਿਛਲੇ ਕਾਰੋਬਾਰੀ ਦਿਨ 247 ਰੁਪਏ ਦੇ ਵਾਧੇ ਦੇ ਨਾਲ 48,790 ਰੁਪਏ ਪ੍ਰਤੀ ਦਸ ਗ੍ਰਾਮ 'ਤੇ ਬੰਦ ਹੋਇਆ ਸੀ।

ਇਹ ਵੀ ਪੜ੍ਹੋ : ਜ਼ੋਮੈਟੋ ਤੇ ਸਵਿੱਗੀ ਦਾ ਵਧ ਸਕਦੈ ਸੰਕਟ, 25 ਫ਼ੀਸਦੀ ਰੈਸਟੋਰੈਂਟ ਵਾਲਿਆਂ ਨੇ ਲੱਭਿਆ ਬਦਲ

ਕਈਂ ਰਾਜ ਸਰਕਾਰਾਂ ਦੁਆਰਾ ਪਾਬੰਦੀਆਂ 'ਚ ਨਰਮੀ ਨਾਲ ਸੋਨੇ ਦੀ ਰੁਕੀ ਹੋਈ ਵਿਆਹ ਵਾਲੀ ਮੰਗ ਪੈਦਾ ਹੋਣੀ ਸ਼ੁਰੂ ਹੋ ਗਈ ਹੈ। ਇਸ ਕਾਰਨ ਵਿਦੇਸ਼ੀ ਦੇਸ਼ਾਂ ਵਿਚ ਗਿਰਾਵਟ ਦੇ ਬਾਵਜੂਦ ਘਰੇਲੂ ਪੱਧਰ 'ਤੇ ਇਨ੍ਹਾਂ ਦੀਆਂ ਕੀਮਤਾਂ ਵਧ ਰਹੀਆਂ ਹਨ। ਗਲੋਬਲ ਪੱਧਰ 'ਤੇ ਸਪਾਟ ਸੋਨਾ ਪਿਛਲੇ ਹਫਤੇ 13.10 ਦੀ ਗਿਰਾਵਟ ਦੇ ਨਾਲ 1,891.40 ਡਾਲਰ ਪ੍ਰਤੀ ਔਂਸ 'ਤੇ ਆ ਗਿਆ। ਅਮਰੀਕੀ ਸੋਨੇ ਦਾ ਵਾਅਦਾ ਵੀ 12.20 ਡਾਲਰ ਦੀ ਤੇਜ਼ੀ ਨਾਲ ਸ਼ੁੱਕਰਵਾਰ ਨੂੰ ਇਕ 1,894.10 ਡਾਲਰ ਪ੍ਰਤੀ ਔਂਸ 'ਤੇ ਬੰਦ ਹੋਇਆ। ਘਰੇਲੂ ਪੱਧਰ 'ਤੇ ਸਮੀਖਿਆ ਅਧੀਨ ਹਫਤੇ ਦੌਰਾਨ ਚਾਂਦੀ 68 ਰੁਪਏ ਕਮਜ਼ੋਰ ਹੋਈ ਅਤੇ ਹਫਤੇ ਦੇ ਅੰਤ ਵਿਚ ਇਹ 71,543 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਵਿਕੀ।  

ਸਿਲਵਰ ਮਿੰਨੀ 65 ਰੁਪਏ ਦੀ ਗਿਰਾਵਟ ਦੇ ਨਾਲ 71,585 ਰੁਪਏ ਪ੍ਰਤੀ ਕਿਲੋਗ੍ਰਾਮ 'ਤੇ ਬੰਦ ਹੋਈ। ਅੰਤਰਰਾਸ਼ਟਰੀ ਬਾਜ਼ਾਰ ਵਿਚ ਚਾਂਦੀ ਹਾਜਿਰ 0.12 ਡਾਲਰ ਦੀ ਗਿਰਾਵਟ ਦੇ ਨਾਲ 27.81 ਡਾਲਰ ਪ੍ਰਤੀ ਔਂਸ 'ਤੇ ਰਹੀ।

ਇਹ ਵੀ ਪੜ੍ਹੋ : 'ਏਅਰ ਲਾਈਨਜ਼ ਕੰਪਨੀਆਂ ਨੂੰ ਵਿੱਤੀ ਸਾਲ 2022 ਵਿਚ ਪੈ ਸਕਦੈ 31,000 ਕਰੋੜ ਦਾ ਘਾਟਾ'

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।