ਭਾਰਤ ਦੀ ਹਿੱਸੇਦਾਰੀ ਵਧਾਉਣ ਲਈ ਤਿਆਰ ਕੀਤੀ ਜਾਵੇਗੀ ਗਲੋਬਲ ਵੈਲਿਊ ਚੇਨ ਰਣਨੀਤੀ

ਬਿਜ਼ਨਸ ਡੈਸਕ : ਨੀਤੀ ਆਯੋਗ ਗਲੋਬਲ ਵੈਲਯੂ ਸਪਲਾਈ (ਜੀਵੀਸੀ) ਵਿੱਚ ਭਾਰਤ ਦੀ ਮੌਜੂਦਗੀ ਸਥਾਪਤ ਕਰਨ ਅਤੇ ਗਲੋਬਲ ਨਿਰਮਾਣ ਵਿੱਚ ਹਿੱਸੇਦਾਰੀ ਵਧਾਉਣ ਲਈ ਇੱਕ ਰਣਨੀਤੀ ਤਿਆਰ ਕਰ ਰਿਹਾ ਹੈ। ਇਸ ਲਈ ਉਸ ਨੇ ਦੋ ਤਰਜੀਹੀ ਖੇਤਰਾਂ, ਵਾਹਨਾਂ ਅਤੇ ਇਲੈਕਟ੍ਰੋਨਿਕਸ ਦੀ ਪਛਾਣ ਕੀਤੀ ਹੈ, ਜੋ ਇਸ ਅਨੁਸਾਰ ਨਾ ਸਿਰਫ਼ ਪ੍ਰਭਾਵੀ ਖੇਤਰ ਹਨ, ਸਗੋਂ ਭਾਰਤ ਵੀ ਇਨ੍ਹਾਂ ਵਿੱਚ ਡੂੰਘੀ ਪਕੜ ਬਣਾ ਸਕਦਾ ਹੈ।

ਇਹ ਵੀ ਪੜ੍ਹੋ - ਨਵੇਂ ਸਾਲ ਤੋਂ ਪਹਿਲਾਂ Paytm ਨੇ ਦਿੱਤਾ ਵੱਡਾ ਝਟਕਾ, 1000 ਤੋਂ ਵੱਧ ਕਰਮਚਾਰੀ ਕੱਢੇ ਨੌਕਰੀ ਤੋਂ ਬਾਹਰ

GVC ਅੰਤਰਰਾਸ਼ਟਰੀ ਉਤਪਾਦਨ ਭਾਈਵਾਲੀ ਹੈ, ਜਿਸ ਵਿੱਚ ਕਿਸੇ ਉਤਪਾਦ ਦੇ ਵਿਚਾਰ ਨੂੰ ਲੈ ਕੇ ਅੰਤਮ ਉਤਪਾਦਨ ਤੱਕ ਦੀਆਂ ਗਤੀਵਿਧੀਆਂ ਨੂੰ ਕਈ ਕੰਪਨੀਆਂ ਵਿੱਚ ਵੰਡਿਆ ਜਾਂਦਾ ਹੈ ਅਤੇ ਕਈ ਦੇਸ਼ਾਂ ਵਿੱਚ ਕਾਮਗਾਰ ਇਨ੍ਹਾਂ ਨੂੰ ਅਜ਼ਾਮ ਦਿੰਦੇ ਹਨ (ਜਿਵੇਂ Apple Inc. ਦੇ iPhones ਬਣਦੇ ਹਨ। ਆਰਗੇਨਾਈਜ਼ੇਸ਼ਨ ਫਾਰ ਇਕਨਾਮਿਕ ਕੋ-ਆਪ੍ਰੇਸ਼ਨ ਐਂਡ ਡਿਵੈਲਪਮੈਂਟ (ਓਈਸੀਡੀ) ਦੇ ਅਨੁਸਾਰ 70 ਫ਼ੀਸਦੀ ਗਲੋਬਲ ਵਪਾਰ ਜੀਵੀਸੀ ਦੁਆਰਾ ਜੁੜਿਆ ਹੋਇਆ ਹੈ। ਜੀਵੀਸੀ ਕਾਰਨ ਦੇਸ਼ਾਂ ਅਤੇ ਉਨ੍ਹਾਂ ਦੀਆਂ ਕੰਪਨੀਆਂ ਨੂੰ ਆਪਣੇ ਫ਼ਾਇਦਿਆਂ ਦੀ ਵਰਤੋਂ ਕਰਨ ਅਤੇ ਮੁੱਲ ਲੜੀ ਦੇ ਖ਼ਾਸ ਖੇਤਰਾਂ ਵਿੱਚ ਮੁਹਾਰਤ ਹਾਸਲ ਕਰਨ ਦੀ ਇਜਾਜ਼ਤ ਦਿੰਦੇ ਹਨ ਪਰ ਏਸ਼ੀਅਨ ਵਿਕਾਸ ਬੈਂਕ (ਏਡੀਬੀ) ਅਨੁਸਾਰ, ਗਲੋਬਲ ਜੀਵੀਸੀ ਨਿਰਯਾਤ ਵਿੱਚ ਭਾਰਤ ਦੀ ਹਿੱਸੇਦਾਰੀ ਸਿਰਫ 1.5 ਫ਼ੀਸਦੀ ਹੈ।

ਇਹ ਵੀ ਪੜ੍ਹੋ - ਕੈਨੇਡਾ ਰਹਿ ਰਹੇ ਪੰਜਾਬ ਦੇ ਵਿਦਿਆਰਥੀਆਂ ਲਈ ਖ਼ਾਸ ਖ਼ਬਰ, ਓਰੇਨ ਦੇ ਰਿਹਾ 'ਸੁਨਹਿਰੀ ਤੋਹਫ਼ਾ'

ਕੁਝ ਦਿਨ ਪਹਿਲਾਂ ਹਿੱਸੇਦਾਰਾਂ (ਕੰਪਨੀਆਂ, ਸੀਆਈਆਈ ਅਤੇ ਹੋਰ ਉਦਯੋਗ ਸੰਸਥਾਵਾਂ ਅਤੇ ਰਾਜ ਸਰਕਾਰਾਂ) ਨਾਲ ਹੋਈ ਇੱਕ ਵਰਕਸ਼ਾਪ ਲਈ ਤਿਆਰ ਇੱਕ ਸੰਕਲਪ ਨੋਟ ਵਿੱਚ ਨੀਤੀ ਆਯੋਗ ਨੇ ਵਾਹਨਾਂ ਦੀ ਗਲੋਬਲ ਵੈਲਿਊ ਚੇਨ ਵਿੱਚ ਭਾਰਤ ਦੀ ਹਿੱਸੇਦਾਰੀ ਨੂੰ ਵਧਾਉਣ ਲਈ ਚਾਰ ਪੁਆਇੰਟ ਵਾਲੀ ਰਣਨੀਤੀ ਤਿਆਰ ਕੀਤੀ ਹੈ। ਆਯੋਗ ਦੇ ਅਧਿਕਾਰੀਆਂ ਦਾ ਕਹਿਣਾ ਹੈ ਕਿ ਵਾਹਨ ਕੰਪੋਨੈਂਟਸ ਦੀ ਗਲੋਬਲ ਵੈਲਿਊ ਚੇਨ ਲਗਭਗ 700 ਅਰਬ ਡਾਲਰ ਦੀ ਹੈ, ਜਿਸ ਵਿੱਚ 20 ਅਰਬ ਡਾਲਰ ਨਾਲ ਭਾਰਤ ਦੀ ਹਿੱਸੇਦਾਰੀ ਕਰੀਬ 3 ਫ਼ੀਸਦੀ ਹੈ। 

ਇਹ ਵੀ ਪੜ੍ਹੋ - ਗਹਿਣੇ ਖਰੀਦਣ ਵਾਲਿਆ ਲਈ ਖ਼ਾਸ ਖ਼ਬਰ, 75 ਹਜ਼ਾਰ ਤੋਂ ਪਾਰ ਹੋਈਆਂ ਚਾਂਦੀ ਦੀਆਂ ਕੀਮਤਾਂ, ਜਾਣੋ ਸੋਨੇ ਦਾ ਨਵਾਂ ਰੇਟ

650 ਅਰਬ ਡਾਲਰ ਦੀ ਪੈਟਰੋਲ-ਡੀਜ਼ਲ ਇੰਜਣ GVC ਵਿੱਚ ਵੀ ਭਾਰਤ ਦਾ ਕਰੀਬ 3 ਫ਼ੀਸਦੀ ਹਿੱਸਾ ਹੈ, ਜਿਸ ਵਿੱਚ ਜ਼ਿਆਦਾਤਰ ਡ੍ਰਾਈਵ ਟ੍ਰਾਂਸਮਿਸ਼ਨ ਅਤੇ ਸਟੀਅਰਿੰਗ ਇੰਜਣ ਦੇ ਹਿੱਸੇ ਨਿਰਯਾਤ ਕੀਤੇ ਜਾਂਦੇ ਹਨ। ਪਰ ਇਲੈਕਟ੍ਰਿਕ ਵਾਹਨਾਂ ਲਈ ਸੈੱਲਾਂ ਨੂੰ ਹਟਾਉਣ ਤੋਂ ਬਾਅਦ ਬਾਕੀ ਵਿਸ਼ਵ ਮੁੱਲ ਲੜੀ ਵਿੱਚ ਭਾਰਤ ਦਾ ਹਿੱਸਾ 1 ਫ਼ੀਸਦੀ ਤੋਂ ਘੱਟ ਹੈ। ਇਹ ਵੀ ਈ-ਮੋਟਰਾਂ ਦੇ ਨਿਰਯਾਤ ਤੱਕ ਸੀਮਿਤ ਹੈ। ਹਾਲਾਂਕਿ, ਟੀਅਰ 1 ਸਪਲਾਇਰਾਂ ਅਤੇ ਆਟੋਮੇਕਰਜ਼ ਦੇ ਗਲੋਬਲ ਪੂਰਤੀ ਕੇਂਦਰਾਂ ਦੀ ਅਸੰਗਠਿਤ ਭਾਈਵਾਲੀ ਵਾਹਨ ਦੀ ਕੀਮਤ ਵਿੱਚ ਮਹੱਤਵਪੂਰਨ ਯੋਗਦਾਨ ਪਾਉਂਦੀ ਹੈ।

ਇਹ ਵੀ ਪੜ੍ਹੋ - ਸ਼ੇਅਰ ਬਾਜ਼ਾਰ ’ਚ ਗਿਰਾਵਟ ਕਾਰਨ 288 ਅਰਬਪਤੀਆਂ ਨੂੰ ਪਿਆ ਘਾਟਾ, ਅਡਾਨੀ-ਮਸਕ ਹੋਏ ਸਭ ਤੋਂ ਵੱਧ ਕੰਗਾਲ

ਰਣਨੀਤੀ ਸਮਝਾਉਂਦੇ ਹੋਏ ਸੰਕਲਪ ਨੋਟ ਕਹਿੰਦਾ ਹੈ ਕਿ ਸਭ ਤੋਂ ਪਹਿਲਾਂ, ਸਾਰੀਆਂ ਪਾਰਟੀਆਂ ਨੂੰ ਸਹੀ ਸ਼੍ਰੇਣੀਆਂ ਅਤੇ ਉਪ-ਸ਼੍ਰੇਣੀਆਂ ਵਿੱਚ ਯੋਗਦਾਨ ਨੂੰ ਦੁੱਗਣਾ ਕਰਨ ਲਈ ਮਿਲ ਕੇ ਕੰਮ ਕਰਨ ਦੀ ਜ਼ਰੂਰਤ ਹੈ ਜਿੱਥੇ ਆਕਰਸ਼ਕ ਮੌਕੇ ਹਨ ਅਤੇ ਭਾਰਤ ਨੂੰ 'ਕੁਦਰਤੀ ਅਗਵਾਈ' ਮਿਲ ਸਕਦੀ ਹੈ। ਫਿਰ ਲਾਗਤਾਂ 'ਤੇ ਮੁਕਾਬਲਾ ਕਰਨ ਅਤੇ ਉੱਭਰ ਰਹੇ ਮੌਕਿਆਂ ਦਾ ਫ਼ਾਇਦਾ ਉਠਾਉਣ ਲਈ ਉਦਯੋਗ ਅਤੇ ਅਕਾਦਮਿਕ ਵਿਚਕਾਰ ਸਾਂਝੇਦਾਰੀ ਹੋਵੇਗੀ।

ਇਹ ਵੀ ਪੜ੍ਹੋ - ਦੁਬਈ ਹੋਟਲ ’ਚ ਸੈਲਾਨੀ ਨੂੰ ਨਹੀਂ ਮਿਲਿਆ ਨਾਸ਼ਤਾ, ‘ਮੇਕ ਮਾਈ ਟ੍ਰਿਪ’ ਨੂੰ ਦੇਣਾ ਹੋਵੇਗਾ ਮੁਆਵਜ਼ਾ

ਜਗ ਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ

For Android:- https://play.google.com/store/apps/details?id=com.jagbani&hl=en

For IOS:- https://itunes.apple.com/in/app/id538323711?mt=8