ਆਰਥਿਕ ਅੰਕੜੇ, ਤਿਮਾਹੀ ਨਤੀਜੇ ਦੇਣਗੇ ਬਾਜ਼ਾਰ ਨੂੰ ਦਿਸ਼ਾ

ਮੁੰਬਈ—ਘਰੇਲੂ ਸ਼ੇਅਰ ਬਾਜ਼ਾਰ ਲਈ ਬੀਤ ਚੁੱਕਾ ਹਫਤਾ ਉਤਾਰ-ਚੜ੍ਹਾਅ ਭਰਿਆ ਰਿਹਾ ਜਿਸ 'ਚ ਮੁੱਖ ਸੂਚਕਾਕਾਂ 'ਚ ਸ਼ੁੱਧ ਰੂਪ ਦਾ ਰੁਖ ਤੈਅ ਕਰਨਗੇ। ਪਿਛਲੇ ਹਫਤੇ ਸ਼ੁੱਕਰਵਾਰ ਨੂੰ ਖੁਦਰਾ ਮਹਿੰਗਾਈ ਅਤੇ ਉਦਯੋਗਿਕ ਉਤਪਾਦਨ ਦੇ ਅੰਕੜੇ ਆਏ ਹਨ। ਖੁਦਰਾ ਮਹਿੰਗਾਈ ਵਧਣ ਦੇ ਬਾਵਜੂਦ ਕੰਟਰੋਲ 'ਚ ਬਣੀ ਹੋਈ ਹੈ ਪਰ ਉਦਯੋਗਿਕ ਉਤਪਾਦਨ ਦੇ ਅੰਕੜੇ ਨਿਰਾਸ਼ਾਜਨਕ ਰਹੇ ਹਨ। ਇਸ ਦਾ ਅਸਰ ਆਉਣ ਵਾਲੇ ਹਫਤੇ 'ਚ ਬਾਜ਼ਾਰ 'ਤੇ ਦੇਖਿਆ ਜਾ ਸਕਦਾ ਹੈ। ਸੋਮਵਾਰ ਨੂੰ ਥੋਕ ਮਹਿੰਗਾਈ ਦੇ ਅੰਕੜੇ ਵੀ ਜਾਰੀ ਹੋਣੇ ਹਨ। ਇਸ 'ਤੇ ਨਿਵੇਸ਼ਕਾਂ ਦੀ ਨਜ਼ਰ ਹੋਵੇਗੀ। 
ਅਧਿਕਾਰਿਕ ਅੰਕੜਿਆਂ ਮੁਤਾਬਕ ਮਾਰਚ 'ਚ ਖੁਦਰਾ ਮਹਿੰਗਾਈ ਵਧ ਕੇ 2.83 ਫੀਸਦੀ 'ਤੇ ਪਹੁੰਚ ਗਈ ਜੋ 5 ਮਹੀਨੇ ਦਾ ਉੱਚਤਮ ਪੱਧਰ ਹੈ। ਉਹ ਫਰਵਰੀ 'ਚ ਉਦਯੋਗਿਕ ਉਤਪਾਦਨ ਦੀ ਵਾਧਾ ਦਰ 0.1 ਫੀਸਦੀ 'ਤੇ ਰਹਿ ਗਈ। ਬੀਤੇ ਹਫਤੇ ਦੇ ਦੌਰਾਨ ਸ਼ੇਅਰ ਬਾਜ਼ਾਰ 'ਚ ਦੋ ਦਿਨ ਗਿਰਾਵਟ ਅਤੇ ਤਿੰਨ ਦਿਨ ਵਾਧੇ ਦੇ ਰਹੇ। ਕੌਮਾਂਤਰੀ ਮੁਦਰਾ ਫੰਡ (ਆਈ.ਐੱਮ.ਐੱਫ. ) ਵਲੋਂ ਭਾਰਤ ਦਾ ਵਿਕਾਸ ਅਨੁਮਾਨ ਘਟਾਉਣ ਨਾਲ ਬੁੱਧਵਾਰ ਨੂੰ ਰਹੀ ਭਾਰੀ ਗਿਰਾਵਟ ਦੇ ਕਾਰਨ ਪ੍ਰਮੁੱਖ ਸੂਚਕਾਂਕ ਹਫਤਾਵਾਰ ਗਿਰਾਵਟ 'ਚ ਚਲੇ ਗਏ। ਹਫਤਾਵਾਰ ਦੌਰਾਨ ਬੀ.ਐੱਸ.ਈ. ਸੈਂਸੈਕਸ 95.12 ਅੰਕ ਭਾਵ 0.24 ਫੀਸਦੀ ਫਿਸਲ ਕੇ ਹਫਤਾਵਾਰ 'ਤੇ 38,767.11 ਅੰਕ 'ਤੇ ਬੰਦ ਹੋਇਆ। ਨੈਸ਼ਨਲ ਸਟਾਕ ਐਕਸਚੇਂਜ ਦਾ ਨਿਫਟੀ 22.50 ਅੰਕ ਭਾਵ 0.19 ਫੀਸਦੀ ਟੁੱਟ ਕੇ 11,643.45 ਅੰਕ ਰਹਿ ਗਿਆ। ਮੱਧ ਅਤੇ ਛੋਟੀਆਂ ਕੰਪਨੀਆਂ ਵੀ ਦਬਾਅ 'ਚ ਰਹੀਆਂ। ਬੀ.ਐੱਸ.ਈ. ਦਾ ਮਿਡਕੈਪ 0.47 ਫੀਸਦੀ ਅਤੇ ਸਮਾਲਕੈਪ 0.16 ਫੀਸਦੀ ਫਿਸਲ ਗਿਆ। ਪਿਛਲੇ ਸੋਮਵਾਰ ਨੂੰ ਸੰਸਾਰਕ ਬਾਜ਼ਾਰ ਤੋਂ ਮਿਲੇ ਮਿਸ਼ਰਿਤ ਰੁਝਾਨਾਂ ਦੇ ਨਾਲ ਹੀ ਘਰੇਲੂ ਪੱਧਰ 'ਤੇ ਰਿਲਾਇੰਸ ਇੰਡਸਟਰੀਜ਼, ਸਟੇਟ ਬੈਂਕ ਅਤੇ ਵੇਦਾਂਤਾ ਵਰਗੀਆਂ ਦਿੱਗਜ ਕੰਪਨੀਆਂ 'ਚ ਹੋਈ ਬਿਕਵਾਲੀ ਨਾਲ ਸੈਂਸੈਕਸ 161.70 ਅੰਕ ਅਤੇ ਨਿਫਟੀ 61.45 ਅੰਕ ਟੁੱਟ ਗਿਆ। ਮੰਗਲਵਾਰ ਨੂੰ ਉਤਾਰ-ਚੜ੍ਹਾਅ ਨਾਲ ਹੁੰਦੇ ਹੋਏ ਸੈਂਸੈਕਸ 238.69 ਅੰਕ ਅਤੇ ਨਿਫਟੀ 67.45 ਅੰਕ ਦਾ ਵਾਧਾ ਬਣਾਉਣ 'ਚ ਕਾਮਯਾਬ ਰਿਹਾ।