Bitcoin ਵਿਰੋਧੀਆਂ ਦੀ ਬੋਲਤੀ ਬੰਦ, ਅਮਰੀਕੀ ਸ਼ੇਅਰ ਬਾਜ਼ਾਰ ਨੇ ਸ਼ੁਰੂ ਕੀਤਾ Coinbase
04/17/2021 4:41:58 PM
ਨਵੀਂ ਦਿੱਲੀ - ਬਿਟਕੁਆਇਨ ਦੀ ਕੀਮਤ ਪਹਿਲੀ ਵਾਰ 14 ਅਪ੍ਰੈਲ ਨੂੰ 64,000 ਡਾਲਰ ਦੇ ਪਾਰ ਪਹੁੰਚ ਗਈ। ਮੰਨਿਆ ਜਾ ਰਿਹਾ ਹੈ ਕਿ Coinbase ਦੀ ਯੂ.ਐਸ. ਸਟਾਕ ਮਾਰਕੀਟ ਵਿਚ ਸੂਚੀਬੱਧਤਾ ਇਸ ਤੇਜ਼ੀ ਦਾ ਕਾਰਨ ਹੈ। ਮਾਹਰਾਂ ਦੇ ਅਨੁਸਾਰ Coinbase ਕ੍ਰਿਪਟੋ ਕਰੰਸੀ ਦੇ ਅਮਰੀਕੀ ਸ਼ੇਅਰ ਬਾਜ਼ਾਰ ਵਿਚ ਲਿਸਟਿੰਗ ਨਾਲ ਕ੍ਰਿਪਟੋ ਕਰੰਸੀ ਦੇ ਪੱਖ ਵਿਚ ਮਾਹੌਲ ਬਣੇਗਾ।
ਆਓ ਜਾਣਦੇ ਹਾਂ ਕਿ Coinbase ਕੀ ਹੈ ਅਤੇ ਭਾਰਤੀ ਨਿਵੇਸ਼ਕ ਇਸ ਵਿੱਚ ਕਿਵੇਂ ਨਿਵੇਸ਼ ਕਰ ਸਕਦੇ ਹਨ।
Coinbase ਦੁਨੀਆ ਦੇ ਸਭ ਤੋਂ ਵੱਡੇ ਕ੍ਰਿਪਟੋਕੁਰੰਸੀ ਐਕਸਚੇਂਜਾਂ ਵਿੱਚੋਂ ਇੱਕ ਹੈ। ਇਹ ਨਿਵੇਸ਼ਕਾਂ ਨੂੰ ਬਿਟਕੁਆਇਨ ਸਮੇਤ ਕਈ ਕ੍ਰਿਪਟੋ ਕਰੰਸੀਜ਼ ਵਿਚ ਨਿਵੇਸ਼ ਕਰਨ ਦੀ ਆਗਿਆ ਦਿੰਦਾ ਹੈ। ਸੈਨ ਫ੍ਰਾਂਸਿਸਕੋ ਅਧਾਰਤ Coinbase 2012 ਵਿਚ ਲਾਂਚ ਕੀਤਾ ਗਿਆ ਸੀ। ਰੈਗੂਲੇਟਰੀ ਫਾਈਲਿੰਗ ਅਨੁਸਾਰ ਇਸ ਪਲੇਟਫਾਰਮ 'ਤੇ ਦੁਨੀਆ ਭਰ ਦੇ 100 ਦੇਸ਼ਾਂ ਤੋਂ 5 ਕਰੋੜ ਤੋਂ ਵੱਧ ਰਜਿਸਟਰਡ ਨਿਵੇਸ਼ਕ ਹਨ। ਇਨ੍ਹਾਂ ਨਿਵੇਸ਼ਕਾਂ ਦੀ ਕੁਲ ਸੰਪਤੀ ਮੁੱਲ 223 ਬਿਲੀਅਨ ਡਾਲਰ ਹੈ। ਇੰਨੇ ਵੱਡੇ ਸੰਪਤੀ ਮੁੱਲ ਦੇ ਨਾਲ ਕੁੱਲ ਕ੍ਰਿਪਟੋ ਮਾਰਕਿਟ ਵਿਚ Coinbase ਦੀ ਹਿੱਸੇਦਾਰੀ ਕਰੀਬ 11.3 ਫੀਸਦ ਦੀ ਹੈ।
ਇਹ ਵੀ ਪੜ੍ਹੋ: LIC ਮੁਲਾਜ਼ਮਾਂ ਲਈ ਦੋਹਰੀ ਖ਼ੁਸ਼ਖ਼ਬਰੀ, 25 ਫ਼ੀਸਦੀ ਵਧੀ ਤਨਖ਼ਾਹ ਤੇ ਕੰਮਕਾਜ਼ ਵਾਲੇ ਦਿਨ ਵੀ ਘਟੇ
ਸੂਚੀਕਰਨ ਤੋਂ ਬਾਅਦ ਕੰਪਨੀ ਦਾ ਮੁਲਾਂਕਣ 100 ਬਿਲੀਅਨ ਡਾਲਰ
ਨੈਸਡੈਕ ਤੇ ਸੂਚੀਬੱਧ ਹੋਣ ਦੇ ਨਾਲ ਹੀ ਇਸ ਕ੍ਰਿਪਟੂ ਐਕਸਚੇਂਜ ਦਾ ਮੁਲਾਂਕਣ ਪਹਿਲੀ ਵਾਰ 100 ਬਿਲੀਅਨ ਡਾਲਰ ਤੋਂ ਉੱਪਰ ਪਹੁੰਚ ਗਿਆ। ਸੂਚੀਬੱਧ ਹੋਣ ਤੋਂ ਬਾਅਦ ਕੰਪਨੀ ਦਾ ਸਟਾਕ 250 ਡਾਲਰ ਦੇ ਰੈਫਰੈਂਸ ਪ੍ਰਾਈਸ ਤੋਂ ਲਗਭਗ 52% ਵੱਧ 381 ਡਾਲਰ 'ਤੇ ਖੁੱਲ੍ਹਿਆ ਸੀ। ਸੂਚੀਕਰਨ ਤੋਂ ਪਹਿਲਾਂ ਹਾਲਾਂਕਿ ਇਹ ਨਿੱਜੀ ਤੌਰ 'ਤੇ 343 ਡਾਲਰ ਦੇ ਕਰੀਬ ਕਾਰੋਬਾਰ ਕਰ ਰਿਹਾ ਸੀ, ਜਿਸ ਨਾਲ ਇਹ ਸਿਰਫ 10% ਦੀ ਇੱਕ ਛਾਲ ਸੀ। ਇਹ ਬੁੱਧਵਾਰ ਨੂੰ ਬਾਜ਼ਾਰ ਬੰਦ ਸਮੇਂ ਦੇ ਸਮੇਂ 328 ਡਾਲਰ ਦੇ ਭਾਅ 'ਤੇ ਰਿਹਾ।
ਇਹ ਵੀ ਪੜ੍ਹੋ: ਜ਼ੋਮੈਟੋ ਦੀ ਸੋਸ਼ਲ ਮੀਡੀਆ 'ਤੇ ਹੋਈ ਚੰਗੀ ਲਾਹ-ਪਾਹ, ਆਖ਼ਰ ਸਵਿਗੀ ਤੋਂ ਮੁਆਫ਼ੀ ਮੰਗ ਛਡਾਈ ਜਾਨ
ਸੂਚੀਬੱਧਤਾ ਨੂੰ ਲੈ ਕੇ ਬਹੁਤ ਸਾਰੀਆਂ ਅਨਿਸ਼ਚਤਿਤਾ
ਹੁਣ ਤੱਕ ਦੁਨੀਆ ਦੇ ਬਹੁਤ ਸਾਰੇ ਵੱਡੇ ਦੇਸ਼ ਕ੍ਰਿਪੋਟੋਕਰੰਸੀ 'ਤੇ ਆਪਣੇ ਸਟੈਂਡ ਨੂੰ ਪੂਰੀ ਤਰ੍ਹਾਂ ਸਪੱਸ਼ਟ ਨਹੀਂ ਕਰ ਸਕੇ ਹਨ। ਭਾਰਤ, ਚੀਨ ਸਣੇ ਕਈ ਦੇਸ਼ ਆਪਣੀ ਡਿਜੀਟਲ ਮੁਦਰਾ 'ਤੇ ਕੰਮ ਕਰ ਰਹੇ ਹਨ। ਪਰ ਇਸ ਦੌਰਾਨ, ਦੋਵੇਂ ਸੰਸਥਾਗਤ ਅਤੇ ਪ੍ਰਚੂਨ ਨਿਵੇਸ਼ਕ ਕ੍ਰਿਪਟੋ ਕਰੰਸੀ 'ਤੇ ਨਿਰੰਤਰ ਵਿਸ਼ਵਾਸ ਕਰ ਰਹੇ ਹਨ। ਇਹੀ ਕਾਰਨ ਹੈ ਕਿ ਬਿਟਕੁਆਇਨ, ਈਥਰਿਅਮ ਅਤੇ ਹੋਰ ਕ੍ਰਿਪਟੋ ਕਰੰਸੀ ਤੇਜ਼ੀ ਨਾਲ ਆਪਣੀ ਨਵਾਂ ਸਿਖਰ ਬਣਾ ਰਹੇ ਹਨ। Coinbase ਦੀ ਚੰਗੀ ਲਿਸਟਿੰਗ ਨੇ ਨਿਵੇਸ਼ਕਾਂ ਵਿਚ ਕ੍ਰਿਪਟੂ ਕਰੰਸੀ ਦੀ ਸਵੀਕ੍ਰਿਤੀ ਨੂੰ ਹੋਰ ਮਜ਼ਬੂਤਕੀਤਾ।
ਬਿਟਕੁਆਇਨ ਇਸ ਸਾਲ ਹੁਣ ਤਕ 120% ਵੱਧ ਚੜ੍ਹਿਆ
ਸੂਚੀਕਰਨ ਦੀਆਂ ਖਬਰਾਂ ਦੀ ਚਮਕ ਨੇ ਬਿਟਕੁਆਇਨ ਨੂੰ ਇਸ ਦੇ 64,000 ਡਾਲਰ ਦੇ ਆਲ-ਟਾਈਮ ਨਵੇਂ ਰਿਕਾਰਡ ਪੱਧਰ 'ਤੇ ਪਹੁੰਚਣ ਵਿਚ ਸਹਾਇਤਾ ਕੀਤੀ। ਹਾਲਾਂਕਿ ਹੁਣ ਬਿਟਕੁਆਇਨ ਥੋੜੇ ਸੁਧਾਰ ਤੋਂ ਬਾਅਦ 63,000 ਡਾਲਰ 'ਤੇ ਆ ਗਿਆ ਹੈ। ਟੇਸਲਾ ਅਤੇ ਹੋਰ ਵੱਡੇ ਨਿਵੇਸ਼ਕਾਂ ਦੇ ਸਕਾਰਾਤਮਕ ਰੁਖ ਤੋਂ ਬਾਅਦ ਬਿਟਕੁਆਇਨ ਨੇ ਤੇਜ਼ੀ ਨਾਲ ਨਵੀਂ ਸਿਖਰਾਂ ਬਣਾਈਆਂ ਹਨ। 2021 ਦੀ ਸ਼ੁਰੂਆਤ ਵਿਚ ਬਿਟਕੁਆਇਨ ਦੀ ਕੀਮਤ 29,178 ਦੇ ਨੇੜੇ ਸੀ। ਇਸ ਤਰ੍ਹਾਂ ਇਸ ਕ੍ਰਿਪਟੂ ਕਰੰਸੀ ਦੀ ਕੀਮਤ ਸਿਰਫ 100 ਦਿਨਾਂ ਵਿਚ 120% ਵਧੀ ਹੈ।
ਇਹ ਵੀ ਪੜ੍ਹੋ: ਹੁਣ ਸਿਰਫ 9 ਰੁਪਏ ਵਿਚ ਮਿਲੇਗਾ LPG ਗੈਸ ਸਿਲੰਡਰ, ਅੱਜ ਉਠਾਓ ਇਸ ਸ਼ਾਨਦਾਰ ਪੇਸ਼ਕਸ਼ ਦਾ ਲਾਭ
ਭਾਰਤੀ ਨਿਵੇਸ਼ਕ ਇਸ ਤਰ੍ਹਾਂ ਕਰ ਸਕਦੇ ਹਨ ਨਿਵੇਸ਼
2021 ਦੀ ਪਹਿਲੀ ਤਿਮਾਹੀ ਵਿਚ ਕੰਪਨੀ ਦਾ ਮਾਲੀਆ 1.8 ਬਿਲੀਅਨ ਡਾਲਰ ਹੋਣ ਦਾ ਅਨੁਮਾਨ ਹੈ ਅਤੇ ਸ਼ੁੱਧ ਆਮਦਨੀ 750 ਮਿਲੀਅਨ ਡਾਲਰ ਦੇ ਨੇੜੇ ਹੋ ਸਕਦੀ ਹੈ। ਇਸੇ ਤਿੰਨ ਮਹੀਨਿਆਂ ਵਿਚ ਮਾਲੀਆ 2020 ਦੇ ਕੁੱਲ 1.3 ਬਿਲੀਅਨ ਡਾਲਰ ਤੋਂ ਕਿਤੇ ਵੱਧ ਹੈ। ਅਜਿਹੀ ਚੰਗੀ ਕਾਰਗੁਜ਼ਾਰੀ ਤੋਂ ਬਾਅਦ Coinbase ਵਿਚ ਨਿਵੇਸ਼ਕਾਂ ਦੀ ਰੁਚੀ ਕੁਦਰਤੀ ਹੈ।
ਅਮਰੀਕੀ ਬਾਜ਼ਾਰ ਵਿਚ ਸੂਚੀਬੱਧ ਇਸ ਕੰਪਨੀ ਵਿਚ ਨਿਵੇਸ਼ ਕਰਨ ਲਈ ਭਾਰਤੀ ਨਿਵੇਸ਼ਕ ਆਪਣੇ ਆਪ ਨੂੰ ਇਕ ਯੂ.ਐਸ. ਬ੍ਰੋਕਰ ਨਾਲ ਰਜਿਸਟਰ ਕਰ ਸਕਦੇ ਹਨ। ਨਿਵੇਸ਼ਕ ਮਾਰਕੀਟ ਵਿਚ ਕਾਰੋਬਾਰ ਲਈ ਸਿੱਧਾ ਅਮਰੀਕੀ ਬ੍ਰੋਕਰੇਜ ਕੰਪਨੀ ਨਾਲ ਲੋੜੀਂਦੇ ਪੈਨ ਕਾਰਡ, ਘਰ ਦੇ ਪਤੇ ਦੀ ਤਸਦੀਕ ਕਰਨ ਵਾਲੇ ਆਈ.ਡੀ. ਨਾਲ ਸਿੱਧੇ ਅਮਰੀਕੀ ਬ੍ਰੋਕਰੇਜ ਕੰਪਨੀ ਦੇ ਨਾਲ ਬਾਜ਼ਾਰ ਵਿਚ ਕਾਰੋਬਾਰ ਲਈ ਰਜਿਸਟਰੇਸ਼ਨ ਕਰਵਾ ਕਰ ਸਕਦੇ ਹਨ। ਕੁਝ ਭਾਰਤੀ ਬ੍ਰੋਕਰੇਜ ਕੰਪਨੀਆਂ ਵੀ ਨਿਵੇਸ਼ਕਾਂ ਨੂੰ ਅਸਾਨ ਨਿਵੇਸ਼ ਸਹੂਲਤ ਲਈ ਅਮਰੀਕੀ ਬ੍ਰੋਕਰੇਜ ਹਾਊਸ ਨਾਲ ਸਮਝੌਤੇ ਕਰਦੀਆਂ ਹਨ।
Coinbase ਦੀ ਇਸ ਕਹਾਣੀ ਪਿੱਛੇ ਜੋਖਮ ਵੀ ਹੈ। ਕੰਪਨੀ ਦਾ ਲਗਭਗ 86% ਮਾਲੀਆ ਲੈਣ-ਦੇਣ 'ਤੇ ਲਈਆਂ ਗਈਆਂ ਫੀਸਾਂ ਤੋਂ ਆਉਂਦਾ ਹੈ। ਜੇ ਆਉਣ ਵਾਲੇ ਦਿਨਾਂ ਵਿੱਚ ਲੋਕਾਂ ਦੀ ਰੁਚੀ ਘੱਟ ਜਾਂਦੀ ਹੈ, ਤਾਂ ਇਸਦਾ ਅਸਰ ਕੰਪਨੀ ਦੇ ਮਾਲੀਏ ਉੱਤੇ ਪਏਗਾ।
ਇਹ ਵੀ ਪੜ੍ਹੋ: ਜਨਧਨ ਖ਼ਾਤਾਧਾਰਕਾਂ ਲਈ ਅਹਿਮ ਖ਼ਬਰ, 1.3 ਲੱਖ ਦਾ ਬੀਮਾ ਲੈਣਾ ਚਾਹੁੰਦੇ ਹੋ ਤਾਂ ਜਲਦ ਕਰੋ ਇਹ ਕੰਮ
ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।
