ਕਿਸਾਨਾਂ ਲਈ ਵੱਡੀ ਚੇਤਾਵਨੀ! 7 ਦਿਨਾਂ ਦੇ ਅੰਦਰ ਬੈਂਕ ਨੂੰ ਕਰਜ਼ਾ ਕਰੋ ਵਾਪਸ ਨਹੀਂ ਤਾਂ ਹੋ ਸਕਦਾ ਹੈ ਨੁਕਸਾਨ

ਨਵੀਂ ਦਿੱਲੀ — ਇਹ ਖ਼ਬਰ ਉਨ੍ਹਾਂ ਕਿਸਾਨਾਂ ਲਈ ਹੈ ਜਿਨ੍ਹਾਂ ਨੇ ਖੇਤੀ ਲਈ ਬੈਂਕਾਂ ਤੋਂ ਕਰਜ਼ਾ ਲਿਆ ਹੈ। ਜੇ ਉਹ ਅਗਲੇ 7 ਦਿਨਾਂ ਦੇ ਅੰਦਰ ਕੇ.ਸੀ.ਸੀ.(ਕਿਸਾਨ ਕ੍ਰੈਡਿਟ ਕਾਰਡ) 'ਤੇ ਲਏ ਕਰਜ਼ੇ ਦੇ ਪੈਸੇ ਵਾਪਸ ਨਹੀਂ ਕਰਦੇ ਹਨ, ਤਾਂ ਉਨ੍ਹਾਂ ਨੂੰ 4 ਦੀ ਬਜਾਏ 7 ਪ੍ਰਤੀਸ਼ਤ ਵਿਆਜ ਦੇਣਾ ਪਏਗਾ। ਸਰਕਾਰ ਨੇ 31 ਅਗਸਤ ਤੱਕ ਖੇਤ ਅਤੇ ਕਿਸਾਨੀ ਦੇ ਕਰਜ਼ੇ 'ਤੇ ਪੈਸੇ ਜਮ੍ਹਾ ਕਰਵਾਉਣ ਦੀ ਇਜਾਜ਼ਤ ਦੇ ਦਿੱਤੀ ਹੈ।

ਆਮ ਤੌਰ 'ਤੇ ਕੇ.ਸੀ.ਸੀ. 'ਤੇ ਲਏ ਗਏ ਕਰਜ਼ੇ 31 ਮਾਰਚ ਤੱਕ ਵਾਪਸ ਕਰਨੇ ਹੁੰਦੇ ਹਨ। ਉਸ ਤੋਂ ਬਾਅਦ ਕਿਸਾਨ ਫਿਰ ਅਗਲੇ ਸਾਲ ਲਈ ਪੈਸੇ ਲੈ ਸਕਦਾ ਹੈ। ਸੂਝਵਾਨ ਕਿਸਾਨ ਸਮੇਂ ਸਿਰ ਪੈਸੇ ਜਮ੍ਹਾਂ ਕਰਵਾ ਕੇ ਵਿਆਜ਼ ਦੀ ਛੋਟ ਦਾ ਲਾਭ ਉਠਾਉਂਦੇ ਹਨ।ਇਸ ਤਰ੍ਹਾਂ ਬੈਂਕ ਵਿਚ ਉਨ੍ਹਾਂ ਦਾ ਰਿਕਾਰਡ ਵੀ ਚੰਗਾ ਰਹਿੰਦਾ ਹੈ ਅਤੇ ਖੇਤੀ ਲਈ ਪੈਸੇ ਦੀ ਕੋਈ ਘਾਟ ਵੀ ਨਹੀਂ ਹੁੰਦੀ ਹੈ। ਕੋਈ ਹੋਰ ਸਮਾਂ ਛੋਟ ਪ੍ਰਾਪਤ ਕਰਨ ਦੀ ਬਹੁਤ ਘੱਟ ਸੰਭਾਵਨਾ ਹੈ, ਕਿਉਂਕਿ ਤਾਲਾਬੰਦੀ ਖਤਮ ਹੋ ਗਈ ਹੈ। ਖੇਤੀਬਾੜੀ ਦੀਆਂ ਗਤੀਵਿਧੀਆਂ ਵੀ ਟਰੈਕ 'ਤੇ ਆ ਗਈਆਂ ਹਨ।

ਇਹ ਵੀ ਪੜ੍ਹੋ: ਅਮਰੀਕਾ ਦੇ ਰਾਸ਼ਟਰਪਤੀ ਡੋਨਾਲਡ ਟਰੰਪ 'ਤੇ ਚੀਨ ਦੀ ਇਹ ਕੰਪਨੀ ਜਲਦ ਕਰੇਗੀ ਮੁਕੱਦਮਾ

ਤਾਲਾਬੰਦੀ ਦੇ ਮੱਦੇਨਜ਼ਰ ਸਰਕਾਰ ਨੇ ਇਸ ਮਿਆਦ ਨੂੰ 31 ਮਾਰਚ ਤੋਂ ਵਧਾ ਕੇ 31 ਮਈ ਕਰ ਦਿੱਤਾ ਸੀ। ਬਾਅਦ ਵਿਚ ਇਸ ਨੂੰ ਹੋਰ ਅੱਗੇ ਵਧਾ ਕੇ 31 ਅਗਸਤ ਕਰ ਦਿੱਤਾ ਗਿਆ। ਇਸਦਾ ਅਰਥ ਹੈ ਕਿ ਕਿਸਾਨ 31 ਅਗਸਤ ਤੱਕ ਹਰ ਸਾਲ ਸਿਰਫ 4 ਪ੍ਰਤੀਸ਼ਤ ਦੀ ਪੁਰਾਣੀ ਦਰ 'ਤੇ ਕੇ.ਸੀ.ਸੀ. ਕਾਰਡ ਵਿਆਜ ਦਾ ਭੁਗਤਾਨ ਕਰ ਸਕਦੇ ਹਨ। ਬਾਅਦ ਵਿਚ ਇਹ ਮਹਿੰਗਾ ਹੋਏਗਾ।

ਇਹ ਵੀ ਪੜ੍ਹੋ: ਪ੍ਰਾਹੁਣਚਾਰੀ ਖੇਤਰ ਲਈ ਅਯੁੱਧਿਆ ਬਣਿਆ ਖਾਸ ਸ਼ਹਿਰ,  ਵੱਡੇ ਹੋਟਲਸ ਦਿਖਾ ਰਹੇ ਹਨ ਦਿਲਚਸਪੀ

ਕੇ.ਸੀ.ਸੀ. 'ਤੇ ਲੱਗਦਾ ਹੈ ਘੱਟ ਵਿਆਜ

ਖੇਤੀਬਾੜੀ ਲਈ ਕੇ.ਸੀ.ਸੀ. 'ਤੇ ਲਏ ਗਏ ਤਿੰਨ ਲੱਖ ਰੁਪਏ ਤੱਕ ਦੇ ਕਰਜ਼ਿਆਂ ਦੀ ਵਿਆਜ ਦਰ ਵੈਸੇ ਤਾਂ 9 ਫ਼ੀਸਦੀ ਹੈ। ਪਰ ਸਰਕਾਰ ਇਸ ਵਿਚ 2% ਦੀ ਸਬਸਿਡੀ ਦਿੰਦੀ ਹੈ। ਇਸ ਤਰ੍ਹਾਂ ਇਹ 7 ਫ਼ੀਸਦੀ 'ਤੇ ਆ ਜਾਂਦਾ ਹੈ। ਪਰ ਸਮੇਂ 'ਤੇ ਵਾਪਸੀ ਲਈ ਕਿਸਾਨਾਂ ਨੂੰ 3% ਦੀ ਹੋਰ ਛੋਟ ਮਿਲਦੀ ਹੈ। ਇਸ ਤਰ੍ਹਾਂ ਜਾਗਰੂਕ ਕਿਸਾਨਾਂ ਲਈ ਇਸ ਦੀ ਦਰ ਸਿਰਫ 4 ਪ੍ਰਤੀਸ਼ਤ ਹੈ।

ਬੈਂਕ ਆਮ ਤੌਰ 'ਤੇ ਕਿਸਾਨਾਂ ਨੂੰ ਸੂਚਿਤ ਕਰਦੇ ਹਨ ਅਤੇ ਉਨ੍ਹਾਂ ਨੂੰ 31 ਮਾਰਚ ਤੱਕ ਕਰਜ਼ਾ ਵਾਪਸ ਕਰਨ ਲਈ ਕਹਿੰਦੇ ਹਨ। ਜੇ ਉਸ ਸਮੇਂ ਤੱਕ ਤੁਸੀਂ ਬੈਂਕ ਨੂੰ ਲੋਨ ਦਾ ਭੁਗਤਾਨ ਨਹੀਂ ਕਰਦੇ ਹੋ, ਤਾਂ ਉਨ੍ਹਾਂ ਨੂੰ 7 ਪ੍ਰਤੀਸ਼ਤ ਵਿਆਜ ਦੇਣਾ ਪਏਗਾ।

ਇਹ ਵੀ ਪੜ੍ਹੋ: ਭਾਰਤੀ ਐਕਸਾ ਜਨਰਲ ਇੰਸ਼ੋਰੈਂਸ ਨੂੰ ਐਕਵਾਇਰ ਕਰੇਗੀ ICICI ਲੋਮਬਾਰਡ