ਸੰਕਟ ਦਰਮਿਆਨ Paytm ਨੂੰ ਵੱਡੀ ਰਾਹਤ, RBI ਦੀ ਸਮਾਂ ਸੀਮਾ ਤੋਂ ਪਹਿਲਾਂ SBI ਨਾਲ ਮਿਲਾਇਆ ਹੱਥ

ਨਵੀਂ ਦਿੱਲੀ - ਭਾਰੀ ਸੰਕਟ ਦਾ ਸਾਹਮਣਾ ਕਰ ਰਹੀ ਫਿਨਟੇਕ ਕੰਪਨੀ ਪੇਟੀਐਮ ਨੇ ਆਖਰਕਾਰ 15 ਮਾਰਚ ਦੀ ਸਮਾਂ ਸੀਮਾ ਤੋਂ ਪਹਿਲਾਂ ਆਪਣੇ ਸਹਿਭਾਗੀ ਬੈਂਕ ਨੂੰ ਚੁਣ ਲਿਆ ਹੈ। Paytm ਦੀ ਮੂਲ ਕੰਪਨੀ One 97 Communications ਨੇ ਦੇਸ਼ ਦੇ ਸਭ ਤੋਂ ਵੱਡੇ ਬੈਂਕ ਸਟੇਟ ਬੈਂਕ ਆਫ ਇੰਡੀਆ (SBI) ਨਾਲ ਹੱਥ ਮਿਲਾਇਆ ਹੈ। ਹੁਣ ਤੱਕ Paytm ਦਾ UPI ਕਾਰੋਬਾਰ ਆਪਣੀ ਸਹਾਇਕ ਕੰਪਨੀ Paytm ਪੇਮੈਂਟਸ ਬੈਂਕ 'ਤੇ ਨਿਰਭਰ ਸੀ। ਭਾਰਤੀ ਰਿਜ਼ਰਵ ਬੈਂਕ (ਆਰਬੀਆਈ) ਦੁਆਰਾ ਭੁਗਤਾਨ ਬੈਂਕਾਂ 'ਤੇ ਕਾਰੋਬਾਰੀ ਪਾਬੰਦੀ ਲਗਾਉਣ ਤੋਂ ਬਾਅਦ ਪੇਟੀਐਮ ਇੱਕ ਸਹਿਭਾਗੀ ਬੈਂਕ ਦੀ ਭਾਲ ਕਰ ਰਿਹਾ ਸੀ। ਹੁਣ ਐਸ.ਬੀ.ਆਈ. ਦੇ ਨਾਲ ਹੱਥ ਮਿਲਾ ਕੇ ਪੇਟੀਐੱਮ ਥਰਡ ਪਾਰਟੀ ਐਪ ਪ੍ਰੋਵਾਈਡਰ(TRAP) ਬਣ ਸਕੇਗੀ।

ਇਹ ਵੀ ਪੜ੍ਹੋ :    ਕਾਰ 'ਚ ਸਾਰੀਆਂ ਸਵਾਰੀਆਂ ਲਈ ਸੀਟ ਬੈਲਟ ਲਗਾਉਣਾ ਹੋਵੇਗਾ ਲਾਜ਼ਮੀ, ਜੇਕਰ ਨਹੀਂ ਪਹਿਨੀ ਤਾਂ ਵੱਜੇਗਾ ਅਲਾਰਮ

ਓਸੀਐਲ ਨੇ ਐਕਸਿਸ ਬੈਂਕ ਨੂੰ ਨੋਡਲ ਖਾਤਾ ਸੌਂਪਿਆ

ਇੱਕ ਰਿਪੋਰਟ ਅਨੁਸਾਰ ਪਹਿਲਾਂ ਪੇਟੀਐਮ ਨੇ TPAP ਸਾਂਝੇਦਾਰੀ ਲਈ ਐਕਸਿਸ ਬੈਂਕ, ਯੈੱਸ ਬੈਂਕ ਅਤੇ HDFC ਬੈਂਕ ਨਾਲ ਹੱਥ ਮਿਲਾਇਆ ਸੀ। ਇੱਕ ਦਿਨ ਪਹਿਲਾਂ ਜਾਰੀ ਕੀਤੀ ਗਈ ਰਿਪੋਰਟ ਵਿੱਚ, ਇਹੀ ਬੈਂਕ ਪੇਟੀਐਮ ਨਾਲ ਗੱਠਜੋੜ ਕਰਨ ਵਿੱਚ ਸਭ ਤੋਂ ਅੱਗੇ ਹਨ। ਪਿਛਲੇ ਮਹੀਨੇ, One 97 Communications (OCL) ਨੇ ਆਪਣਾ ਨੋਡਲ ਜਾਂ ਐਸਕ੍ਰੋ ਖਾਤਾ ਐਕਸਿਸ ਬੈਂਕ ਨੂੰ ਸੌਂਪ ਦਿੱਤਾ ਸੀ। ਕੰਪਨੀ ਨੇ ਇਸ ਦੀ ਜਾਣਕਾਰੀ ਬੀਐਸਈ ਨੂੰ ਵੀ ਦਿੱਤੀ ਸੀ। ਇਸਦੀ ਮਦਦ ਨਾਲ ਪੇਟੀਐਮ ਰਾਹੀਂ ਡਿਜੀਟਲ ਭੁਗਤਾਨ ਸਵੀਕਾਰ ਕਰਨ ਵਾਲੇ ਵਪਾਰੀ 15 ਮਾਰਚ ਦੀ ਅੰਤਮ ਤਾਰੀਖ ਤੋਂ ਬਾਅਦ ਵੀ ਕੰਮ ਕਰ ਸਕਣਗੇ।

ਇਹ ਵੀ ਪੜ੍ਹੋ :    Mutual Fund 'ਚ ਔਰਤਾਂ ਕਰ ਰਹੀਆਂ ਹਨ ਭਾਰੀ ਨਿਵੇਸ਼,  21% ਵਧੀ ਹਿੱਸੇਦਾਰੀ

ਨੈਸ਼ਨਲ ਹਾਈਵੇਅ ਅਥਾਰਟੀ ਆਫ਼ ਇੰਡੀਆ (NHAI) ਨੇ ਪੇਟੀਐਮ ਫਾਸਟੈਗ ਉਪਭੋਗਤਾਵਾਂ ਨੂੰ 15 ਮਾਰਚ ਤੋਂ ਪਹਿਲਾਂ ਕਿਸੇ ਹੋਰ ਬੈਂਕ ਤੋਂ ਇੱਕ ਨਵਾਂ ਫਾਸਟੈਗ ਲੈਣ ਦੀ ਸਲਾਹ ਦਿੱਤੀ ਹੈ ਤਾਂ ਜੋ ਇੱਕ ਨਿਰਵਿਘਨ ਯਾਤਰਾ ਅਨੁਭਵ ਯਕੀਨੀ ਬਣਾਇਆ ਜਾ ਸਕੇ ਅਤੇ ਟੋਲ ਪਲਾਜ਼ਾ 'ਤੇ ਅਸੁਵਿਧਾ ਤੋਂ ਬਚਿਆ ਜਾ ਸਕੇ। ਬੁੱਧਵਾਰ ਨੂੰ ਜਾਰੀ ਇਕ ਅਧਿਕਾਰਤ ਬਿਆਨ ਵਿਚ ਕਿਹਾ ਗਿਆ ਹੈ ਕਿ ਇਸ ਨਾਲ ਯਾਤਰੀ ਰਾਸ਼ਟਰੀ ਰਾਜਮਾਰਗ 'ਤੇ ਯਾਤਰਾ ਕਰਦੇ ਸਮੇਂ ਜੁਰਮਾਨੇ ਜਾਂ ਦੋਹਰੇ ਖਰਚਿਆਂ ਤੋਂ ਬਚ ਸਕਣਗੇ।

ਇਹ ਵੀ ਪੜ੍ਹੋ :    ਹੁਣ ਤੁਸੀਂ ਨਹੀਂ ਖਾ ਸਕੋਗੇ ਗੋਭੀ ਮੰਚੂਰੀਅਨ ਅਤੇ ਕਾਟਨ ਕੈਂਡੀ, ਇਨ੍ਹਾਂ ਭੋਜਨ ਪਦਾਰਥਾਂ 'ਤੇ ਲੱਗੀ ਪਾਬੰਦੀ

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt=8