ਵਾਹਨਾਂ ਦੀਆਂ ਕੀਮਤਾਂ ਸਬੰਧੀ ਵੱਡੀ ਖ਼ਬਰ, 15 ਮਈ ਤੋਂ ਹੋਣਗੇ ਬਦਲਾਅ

ਬਿਜ਼ਨਸ ਡੈਸਕ: ਲਗਜ਼ਰੀ ਕਾਰ ਨਿਰਮਾਤਾ ਔਡੀ ਇੰਡੀਆ ਦੀ ਗੱਡੀ ਮਹਿੰਗੀ ਹੋਣ ਵਾਲੀ ਹੈ। ਕੰਪਨੀ ਨੇ ਐਲਾਨ ਕੀਤਾ ਹੈ ਕਿ ਉਹ 15 ਮਈ, 2025 ਤੋਂ ਆਪਣੇ ਸਾਰੇ ਮਾਡਲਾਂ ਦੀਆਂ ਕੀਮਤਾਂ ਵਿੱਚ ਵੱਧ ਤੋਂ ਵੱਧ 2% ਵਾਧਾ ਕਰੇਗੀ। ਇਹ ਫੈਸਲਾ ਐਕਸਚੇਂਜ ਦਰ ਵਿੱਚ ਉਤਰਾਅ-ਚੜ੍ਹਾਅ ਅਤੇ ਕੱਚੇ ਮਾਲ ਦੀ ਲਾਗਤ ਵਿੱਚ ਵਾਧੇ ਕਾਰਨ ਲਿਆ ਗਿਆ ਹੈ।

ਇਹ ਵੀ ਪੜ੍ਹੋ...ਸੋਨਾ ਹੋਇਆ ਹੋਰ ਮਹਿੰਗਾ, 10 ਗ੍ਰਾਮ ਪਿੱਛੇ ਇੰਨੀ ਵਧੀ ਕੀਮਤ, ਚਾਂਦੀ ਦੇ ਵੀ ਵਧੇ ਰੇਟ

ਔਡੀ ਇੰਡੀਆ ਦੇ ਮੁਖੀ ਬਲਬੀਰ ਸਿੰਘ ਢਿੱਲੋਂ ਨੇ ਕਿਹਾ ਕਿ ਅਸੀਂ ਐਕਸਚੇਂਜ ਦਰ ਅਤੇ ਇਨਪੁਟ ਲਾਗਤਾਂ ਵਿੱਚ ਵਾਧੇ ਕਾਰਨ 2% ਤੱਕ ਦੀ ਕੀਮਤ ਵਿਵਸਥਾ ਲਾਗੂ ਕਰ ਰਹੇ ਹਾਂ। ਇਹ ਸੋਧ ਔਡੀ ਇੰਡੀਆ ਅਤੇ ਸਾਡੇ ਡੀਲਰ ਭਾਈਵਾਲਾਂ ਲਈ ਲੰਬੇ ਸਮੇਂ ਦੀ ਸਥਿਰਤਾ ਨੂੰ ਯਕੀਨੀ ਬਣਾਉਣ ਲਈ ਜ਼ਰੂਰੀ ਹੈ। ਅਸੀਂ ਆਪਣੇ ਗਾਹਕਾਂ 'ਤੇ ਇਸਦੇ ਪ੍ਰਭਾਵ ਨੂੰ ਘੱਟ ਤੋਂ ਘੱਟ ਕਰਨ ਲਈ ਵਚਨਬੱਧ ਹਾਂ। ਇਹ ਕੀਮਤ ਵਾਧਾ ਭਾਰਤ ਵਿੱਚ ਉਪਲਬਧ ਸਾਰੇ ਔਡੀ ਮਾਡਲਾਂ 'ਤੇ ਲਾਗੂ ਹੋਵੇਗਾ, ਜਿਸ 'ਚ A4, A6, Q3, Q5, Q7, Q8, S5 Sportback, RS Q8, Q8 e-tron, Q8 Sportback e-tron, e-tron GT ਅਤੇ RS e-tron GT ਸ਼ਾਮਲ ਹਨ।

ਇਹ ਵੀ ਪੜ੍ਹੋ...Zomato ਨੇ ਇਹ ਸੇਵਾ ਕੀਤੀ ਬੰਦ, ਬਿਨਾਂ ਐਲਾਨ ਕੀਤੇ ਐਪ ਤੋਂ ਹਟਾਈ ਸਹੂਲਤ

ਇਸ ਤੋਂ ਪਹਿਲਾਂ ਜਨਵਰੀ 2025 'ਚ ਔਡੀ ਇੰਡੀਆ ਨੇ ਇਨਪੁਟ ਅਤੇ ਆਵਾਜਾਈ ਲਾਗਤਾਂ ਵਿੱਚ ਵਾਧੇ ਦਾ ਹਵਾਲਾ ਦਿੰਦੇ ਹੋਏ ਆਪਣੇ ਸਾਰੇ ਮਾਡਲਾਂ ਦੀਆਂ ਕੀਮਤਾਂ ਵਿੱਚ 3% ਤੱਕ ਵਾਧਾ ਕੀਤਾ ਸੀ, ਜੇਕਰ ਤੁਸੀਂ ਔਡੀ ਕਾਰ ਖਰੀਦਣ ਬਾਰੇ ਵਿਚਾਰ ਕਰ ਰਹੇ ਹੋ, ਤਾਂ ਇਹ ਸਲਾਹ ਦਿੱਤੀ ਜਾਂਦੀ ਹੈ ਕਿ ਤੁਸੀਂ 15 ਮਈ ਤੋਂ ਪਹਿਲਾਂ ਖਰੀਦਦਾਰੀ ਕਰੋ ਤਾਂ ਜੋ ਤੁਸੀਂ ਆਉਣ ਵਾਲੇ ਭਾਅ ਵਾਧੇ ਤੋਂ ਬਚ ਸਕੋ।