Gold-Silver ਦੀਆਂ ਕੀਮਤਾਂ ਸਿਖਰਾਂ ''ਤੇ, ਪਰ ਫਿਜ਼ੀਕਲ ਬਾਜ਼ਾਰ ''ਚ ਮਿਲ ਰਿਹੈ 3% ਤੱਕ ਸਸਤਾ

ਬਿਜ਼ਨੈੱਸ ਡੈਸਕ :  ਦੇਸ਼ ਭਰ ਦੇ ਸਰਾਫਾ ਬਾਜ਼ਾਰਾਂ ਵਿੱਚ ਇਸ ਸਮੇਂ ਇੱਕ 'ਉਲਟਾ ਰੁਝਾਨ' ਦੇਖਣ ਨੂੰ ਮਿਲ ਰਿਹਾ ਹੈ, ਜਿੱਥੇ ਸੋਨੇ-ਚਾਂਦੀ ਦੀਆਂ ਕੀਮਤਾਂ ਐਕਸਚੇਂਜ 'ਤੇ ਫਿਊਚਰਜ਼ ਭਾਅ ਦੇ ਮੁਕਾਬਲੇ 3% ਤੱਕ ਘੱਟ ਹਨ। ਆਮ ਤੌਰ 'ਤੇ ਸਥਿਤੀ ਇਸ ਦੇ ਉਲਟ ਹੁੰਦੀ ਹੈ। ਇਸ ਦਾ ਕਾਰਨ ਕੀਮਤਾਂ ਵਿੱਚ ਭਾਰੀ ਉਛਾਲ ਦੇ ਕਾਰਨ ਸੋਨੇ-ਚਾਂਦੀ ਦੀ ਮੰਗ ਕਾਫੀ ਘੱਟ ਗਈ ਹੈ।

ਇਹ ਵੀ ਪੜ੍ਹੋ :    ਅੱਜ ਖ਼ਰੀਦੋ 2 ਲੱਖ ਦਾ ਸੋਨਾ, 2035 'ਚ ਮਿਲਣ ਵਾਲੀ ਇਸਦੀ ਕੀਮਤ ਕਰੇਗੀ ਹੈਰਾਨ

ਡਿਸਕਾਊਂਟ ਦਾ ਵੇਰਵਾ

ਸ਼ੁੱਕਰਵਾਰ ਨੂੰ ਸਰਾਫਾ ਬਾਜ਼ਾਰ ਵਿੱਚ, 10 ਗ੍ਰਾਮ ਸੋਨਾ MCX 'ਤੇ ਰਾਤ 8 ਵਜੇ ਦੇ ਭਾਅ 1,34,800 ਰੁਪਏ ਦੇ ਮੁਕਾਬਲੇ 2,090 ਰੁਪਏ(1.5%) ਦੇ ਡਿਸਕਾਊਂਟ 'ਤੇ ਮਿਲਿਆ, ਜਦੋਂ ਕਿ ਇਸਦੀ ਔਸਤ ਕੀਮਤ 1,32,710 ਰੁਪਏ ਰਹੀ। ਇਸੇ ਤਰ੍ਹਾਂ, ਚਾਂਦੀ ਦੀਆਂ ਕੀਮਤਾਂ MCX 'ਤੇ 2,00,700 ਦੇ ਮੁਕਾਬਲੇ ਸਰਾਫਾ ਬਾਜ਼ਾਰ ਵਿੱਚ 1,95,180 ਰੁਪਏ ਰਹੀਆਂ। ਇਸਦਾ ਮਤਲਬ ਹੈ ਕਿ ਚਾਂਦੀ ਪ੍ਰਤੀ ਕਿਲੋ 5,520 ਰੁਪਏ(2.75%) ਦੇ ਡਿਸਕਾਊਂਟ 'ਤੇ ਮਿਲੀ। ਆਮ ਤੌਰ 'ਤੇ ਜਦੋਂ ਬਾਜ਼ਾਰ ਵਿੱਚ ਮੰਗ ਜ਼ਿਆਦਾ ਅਤੇ ਸਪਲਾਈ ਘੱਟ ਹੁੰਦੀ ਹੈ, ਜਿਵੇਂ ਕਿ ਦੀਵਾਲੀ ਦੇ ਸਮੇਂ, ਤਾਂ ਸੋਨਾ-ਚਾਂਦੀ ਪ੍ਰੀਮੀਅਮ 'ਤੇ ਵਿਕਦੇ ਹਨ।

ਇਹ ਵੀ ਪੜ੍ਹੋ :     ਭਾਰਤੀ ਕਰੰਸੀ ਦਾ ਹੋਇਆ ਬੁਰਾ ਹਾਲ, ਡਾਲਰ ਮੁਕਾਬਲੇ ਰਿਕਾਰਡ Low Zone 'ਚ ਪਹੁੰਚਿਆ ਰੁਪਿਆ

ਤੇਜ਼ੀ ਨਾਲ ਵਧੀਆਂ ਕੀਮਤਾਂ

ਕੀਮਤਾਂ ਵਿੱਚ ਬੇਹਿਸਾਬ ਵਾਧਾ ਹੋਇਆ ਹੈ, ਖਾਸ ਕਰਕੇ ਚਾਂਦੀ ਦੀਆਂ ਕੀਮਤਾਂ ਵਿੱਚ। ਦਸੰਬਰ ਦੇ ਸਿਰਫ਼ 12 ਦਿਨਾਂ ਵਿੱਚ ਚਾਂਦੀ 18.7% ਤੱਕ ਮਹਿੰਗੀ ਹੋ ਗਈ ਹੈ। ਸਾਲ 2025 ਵਿੱਚ ਹੁਣ ਤੱਕ ਸੋਨੇ ਨੇ 74.2% ਅਤੇ ਚਾਂਦੀ ਨੇ 126.9% ਦਾ ਰਿਟਰਨ ਦਿੱਤਾ ਹੈ। ਇਸ ਤੋਂ ਇਲਾਵਾ, ਇੱਕ ਸਾਲ ਵਿੱਚ ਸੋਨੇ ਦਾ ਰਿਟਰਨ 70.9% ਅਤੇ ਚਾਂਦੀ ਦਾ 110.5% ਰਿਹਾ ਹੈ।

ਇਹ ਵੀ ਪੜ੍ਹੋ :     Zero Balance ਖਾਤਿਆਂ ਲਈ ਖੁਸ਼ਖਬਰੀ: RBI ਨੇ ਵਧਾਈਆਂ ਮੁਫ਼ਤ ਸਹੂਲਤਾਂ, ਜਲਦ ਲਾਗੂ ਹੋਣਗੇ ਨਵੇਂ ਨਿਯਮ

ਮੰਗ ਘਟਣ ਦੇ ਕਾਰਨ ਅਤੇ ਥੋਕ ਵਪਾਰ 'ਤੇ ਅਸਰ

ਮਾਹਰਾਂ ਮੁਤਾਬਕ ਇਸ ਸਾਲ ਦਾ ਵਿਆਹ ਦਾ ਮਹੂਰਤ ਖਤਮ ਹੋ ਚੁੱਕਾ ਹੈ, ਜਿਸ ਕਾਰਨ ਲੋਕਾਂ 'ਤੇ ਸੋਨਾ-ਚਾਂਦੀ ਖਰੀਦਣ ਦੀ ਕੋਈ ਮਜਬੂਰੀ ਨਹੀਂ ਹੈ। ਇਹੀ ਮੁੱਖ ਕਾਰਨ ਹੈ ਕਿ ਬੇਹਿਸਾਬ ਵਧਦੀਆਂ ਕੀਮਤਾਂ ਦੇ ਬਾਵਜੂਦ ਸਰਾਫਾ ਬਾਜ਼ਾਰਾਂ ਵਿੱਚ ਸੋਨੇ-ਚਾਂਦੀ ਦੀ ਮੰਗ ਘੱਟ ਰਹਿ ਗਈ ਹੈ। ਇਸ ਘੱਟ ਮੰਗ ਕਾਰਨ ਥੋਕ ਵਪਾਰੀ ਇਨ੍ਹੀਂ ਦਿਨੀਂ ਚਾਂਦੀ ਦੀ ਖਰੀਦ ਨਹੀਂ ਕਰ ਰਹੇ ਹਨ। ਇੱਕ ਸਿਲਵਰ ਟਰੇਡਰ ਨੇ ਦੱਸਿਆ ਕਿ ਉਹ ਦੀਵਾਲੀ ਤੋਂ ਪਹਿਲਾਂ ਰੋਜ਼ਾਨਾ 25-30 ਕਿਲੋ ਚਾਂਦੀ ਵੇਚ ਲੈਂਦੇ ਸੀ, ਪਰ ਹੁਣ ਰੋਜ਼ਾਨਾ 5-7 ਕਿਲੋ ਵੀ ਨਹੀਂ ਵਿਕ ਰਹੀ। ਹਾਲਾਂਕਿ, ਰਿਟੇਲ ਬਾਜ਼ਾਰ ਵਿੱਚ ਖਰੀਦੋ-ਫਰੋਖਤ "ਠੀਕ-ਠਾਕ" ਹੋ ਰਹੀ ਹੈ।

ਇਹ ਵੀ ਪੜ੍ਹੋ :    ਕਦੇ ਨਹੀਂ ਡੁੱਬੇਗਾ ਇਨ੍ਹਾਂ ਬੈਂਕਾਂ 'ਚ ਰੱਖਿਆ ਪੈਸਾ... RBI ਨੇ ਜਾਰੀ ਕੀਤੀ 3 ਸਭ ਤੋਂ ਸੁਰੱਖਿਅਤ ਬੈਂਕਾਂ ਦੀ ਸੂਚੀ

ਗਲੋਬਲ ਕਾਰਨ ਜੋ ਕੀਮਤਾਂ ਨੂੰ ਦੇ ਰਹੇ ਹਵਾ

ਅਮਰੀਕਾ ਵਿੱਚ ਵਿਆਜ ਦਰਾਂ 0.25% ਘਟਾਉਣ ਅਤੇ ਹਰ ਮਹੀਨੇ 40 ਅਰਬ ਡਾਲਰ ਦੇ ਟ੍ਰੇਜ਼ਰੀ ਬਿੱਲ ਖਰੀਦਣ ਦੀ ਖ਼ਬਰ ਤੋਂ ਬਾਅਦ ਸੋਨੇ ਅਤੇ ਚਾਂਦੀ ਦੇ ਭਾਅ ਵਿੱਚ ਤੇਜ਼ੀ ਆਈ ਹੈ। ਇਸ ਤੋਂ ਇਲਾਵਾ, ਦੁਨੀਆ ਭਰ ਦੇ ਕੇਂਦਰੀ ਬੈਂਕ ਤਿੰਨ ਸਾਲਾਂ ਤੋਂ ਲਗਾਤਾਰ ਸਾਲਾਨਾ 1,000 ਟਨ ਤੋਂ ਵੱਧ ਸੋਨਾ ਖਰੀਦ ਰਹੇ ਹਨ। ਦੁਨੀਆ ਵਿੱਚ ਸਾਲਾਨਾ 3,661 ਟਨ ਸੋਨੇ ਦੀ ਮਾਈਨਿੰਗ ਹੁੰਦੀ ਹੈ, ਜਿਸਦਾ ਇੱਕ ਤਿਹਾਈ ਹਿੱਸਾ ਕੇਂਦਰੀ ਬੈਂਕਾਂ ਦੁਆਰਾ ਖਰੀਦਿਆ ਜਾ ਰਿਹਾ ਹੈ, ਜਿਸ ਕਾਰਨ ਸਪਲਾਈ ਘੱਟ ਹੋ ਗਈ ਹੈ।

ਕੀਮਤਾਂ ਘਟਣ ਦੀ ਉਮੀਦ

ਮਾਹਰਾਂ ਦਾ ਮੰਨਣਾ ਹੈ ਕਿ ਜਦੋਂ ਤੱਕ ਖਰੀਦਣ ਦੀ ਮਜਬੂਰੀ ਨਹੀਂ ਹੁੰਦੀ, ਮੰਗ ਘੱਟ ਰਹੇਗੀ। ਸੋਨੇ-ਚਾਂਦੀ ਦੇ ਭਾਅ 15-20 ਜਨਵਰੀ ਤੱਕ ਘਟ ਸਕਦੇ ਹਨ।

ਨੋਟ - ਇਸ ਖ਼ਬਰ ਬਾਰੇ ਕੁਮੈਂਟ ਬਾਕਸ ਵਿਚ ਦਿਓ ਆਪਣੀ ਰਾਏ।
ਜਗਬਾਣੀ ਈ-ਪੇਪਰ ਨੂੰ ਪੜ੍ਹਨ ਅਤੇ ਐਪ ਨੂੰ ਡਾਊਨਲੋਡ ਕਰਨ ਲਈ ਇੱਥੇ ਕਲਿੱਕ ਕਰੋ 
For Android:-  https://play.google.com/store/apps/details?id=com.jagbani&hl=en 
For IOS:-  https://itunes.apple.com/in/app/id538323711?mt