ਬੈਂਕਾਂ ਦਾ ਕੁੱਲ ਬੈਡ ਲੋਨ 5% ''ਤੇ ਆਇਆ, ਸੱਤ ਸਾਲਾਂ ''ਚ ਸਭ ਤੋਂ ਘੱਟ: RBI

ਮੁੰਬਈ : ਭਾਰਤੀ ਰਿਜ਼ਰਵ ਬੈਂਕ ਨੇ ਵੀਰਵਾਰ ਨੂੰ ਕਿਹਾ ਕਿ ਬੈਂਕਾਂ ਦਾ ਕੁੱਲ ਐਨਪੀਏ (ਨਾਨ-ਪਰਫਾਰਮਿੰਗ ਐਸੇਟ) ਯਾਨੀ ਬੈਡ ਲੋਨ ਸੱਤ ਸਾਲ ਦੇ ਹੇਠਲੇ ਪੱਧਰ ਪੰਜ ਫੀਸਦੀ 'ਤੇ ਆ ਗਿਆ ਹੈ। ਕੇਂਦਰੀ ਬੈਂਕ ਨੇ ਕਿਹਾ ਕਿ ਬੈਂਕਿੰਗ ਪ੍ਰਣਾਲੀ ਮਜ਼ਬੂਤ ਬਣੀ ਹੋਈ ਹੈ ਅਤੇ ਕਾਫ਼ੀ ਪੂੰਜੀਕ੍ਰਿਤ ਹੈ। ਆਰਬੀਆਈ ਨੇ ਵਿੱਤੀ ਸਥਿਰਤਾ ਰਿਪੋਰਟ (ਐਫਐਸਆਰ) ਦੇ 26ਵੇਂ ਅੰਕ ਵਿੱਚ ਇਹ ਵੀ ਕਿਹਾ ਕਿ ਵਿਸ਼ਵ ਅਰਥਵਿਵਸਥਾ ਵੱਡੇ ਪੱਧਰ 'ਤੇ ਮੰਦੀ ਦੇ ਜੋਖਮਾਂ ਦੇ ਨਾਲ ਉਲਟ ਹਾਲਾਤਾਂ ਦਾ ਸਾਹਮਣਾ ਕਰ ਰਹੀ ਹੈ। ਰਿਪੋਰਟਾਂ ਅਨੁਸਾਰ ਕਈ ਝਟਕਿਆਂ ਕਾਰਨ ਵਿੱਤੀ ਸਥਿਤੀ ਸਖ਼ਤ ਹੋ ਗਈ ਹੈ ਅਤੇ ਵਿੱਤੀ ਬਾਜ਼ਾਰਾਂ ਵਿਚ ਅਸਥਿਰਤਾ ਵਧ ਗਈ ਹੈ।

ਇਹ ਵੀ ਪੜ੍ਹੋ : ਵਾਹਨ ਚਾਲਕਾਂ ਦੀ ਛੋਟੀ ਅਣਗਹਿਲੀ ਬਣਦੀ ਹੈ ਵੱਡੇ ਹਾਦਸਿਆਂ ਦਾ ਕਾਰਨ, ਅੰਕੜੇ ਕਰਨਗੇ ਹੈਰਾਨ

ਰਿਪੋਰਟ ਵਿੱਚ ਕਿਹਾ ਗਿਆ ਹੈ, “ਭਾਰਤੀ ਅਰਥਵਿਵਸਥਾ ਪ੍ਰਤੀਕੂਲ ਸੰਸਾਰਕ ਸਥਿਤੀਆਂ ਦਾ ਸਾਹਮਣਾ ਕਰ ਰਹੀ ਹੈ। ਫਿਰ ਵੀ ਮਜ਼ਬੂਤ ​​ਮੈਕਰੋ-ਆਰਥਿਕ ਬੁਨਿਆਦ ਅਤੇ ਇੱਕ ਸਿਹਤਮੰਦ ਵਿੱਤੀ ਅਤੇ ਗੈਰ-ਵਿੱਤੀ ਖੇਤਰ ਦੀ ਮਜ਼ਬੂਤ ਬੈਲੇਂਸ ਸ਼ੀਟ ਕਾਰਨ ਵਿੱਤੀ ਪ੍ਰਣਾਲੀ ਬਿਹਤਰ ਸਥਿਤੀ ਵਿੱਚ ਹੈ।” FSR ਨੇ ਕਿਹਾ ਕਿ ਆਉਣ ਵਾਲੇ ਦਿਨਾਂ ਵਿੱਚ NPAs ਘਟ ਕੇ 4.9 ਪ੍ਰਤੀਸ਼ਤ ਤੱਕ ਆ ਸਕਦਾ ਹੈ। ਸਤੰਬਰ 2022 ਵਿੱਚ ਅਨੁਸੂਚਿਤ ਵਪਾਰਕ ਬੈਂਕਾਂ (SCBs) ਦੀ ਪੂੰਜੀ ਸਥਿਤੀ ਮਜ਼ਬੂਤ ​​ਸੀ। ਕੈਪੀਟਲ ਟੂ ਰਿਸਕ ਵੇਟਿਡ ਅਸੇਟਸ ਰੇਸ਼ੋ (CRAR) ਅਤੇ ਕਾਮਨ ਇਕੁਇਟੀ ਕੈਪੀਟਲ (CET1) ਅਨੁਪਾਤ ਕ੍ਰਮਵਾਰ 16% ਅਤੇ 13% ਰਿਹਾ।

ਰਿਪੋਰਟ ਦੇ ਮੁਖਬੰਧ ਵਿੱਚ, ਆਰਬੀਆਈ ਗਵਰਨਰ ਸ਼ਕਤੀਕਾਂਤ ਦਾਸ ਨੇ ਕਿਹਾ ਕਿ ਕੇਂਦਰੀ ਬੈਂਕ ਗਲੋਬਲ ਜੋਖਮਾਂ ਕਾਰਨ ਅਸਥਿਰਤਾ ਦੀ ਸੰਭਾਵਨਾ ਨੂੰ ਪਛਾਣਦਾ ਹੈ। ਉਨ੍ਹਾਂ ਕਿਹਾ, “ਰਿਜ਼ਰਵ ਬੈਂਕ ਅਤੇ ਹੋਰ ਵਿੱਤੀ ਰੈਗੂਲੇਟਰ ਭਾਰਤੀ ਅਰਥਵਿਵਸਥਾ ਦੇ ਸਰਵੋਤਮ ਹਿੱਤ ਵਿੱਚ, ਜਦੋਂ ਵੀ ਲੋੜ ਪਵੇ, ਢੁਕਵੇਂ ਦਖਲਅੰਦਾਜ਼ੀ ਰਾਹੀਂ ਵਿੱਤੀ ਪ੍ਰਣਾਲੀ ਦੀ ਸਥਿਰਤਾ ਅਤੇ ਮਜ਼ਬੂਤੀ ਨੂੰ ਯਕੀਨੀ ਬਣਾਉਣ ਲਈ ਚੌਕਸ ਰਹਿੰਦੇ ਹਨ।” ਮਹਿੰਗਾਈ ਬਾਰੇ ਰਿਪੋਰਟ ਵਿੱਚ ਕਿਹਾ ਗਿਆ ਹੈ, ਹਾਲਾਂਕਿ ਕੀਮਤਾਂ ਵਧੀਆਂ ਹੋਈਆਂ ਹਨ ਪਰ ਮੁਦਰਾ ਕਾਰਵਾਈਆਂ ਅਤੇ ਸਪਲਾਈ-ਸਾਈਡ ਦਖਲਅੰਦਾਜ਼ੀ ਦਬਾਅ ਨੂੰ ਘੱਟ ਕਰ ਰਹੇ ਹਨ।

ਇਹ ਵੀ ਪੜ੍ਹੋ : Year Ender 2022 : ਇਨ੍ਹਾਂ ਕੰਪਨੀਆਂ ਦੇ ਸ਼ੇਅਰ ਬਣੇ ਨਿਵੇਸ਼ਕਾਂ ਦੇ ਗਲੇ ਦੀ ਹੱਡੀ, ਸਰਕਾਰੀ ਕੰਪਨੀ ਵੀ ਸੂਚੀ 'ਚ ਸ਼ਾਮਲ

ਨੋਟ - ਇਸ ਖ਼ਬਰ ਬਾਰੇ ਆਪਣੇ ਵਿਚਾਰ ਕੁਮੈਂਟ ਬਾਕਸ ਵਿਚ ਜ਼ਰੂਰ ਸਾਂਝੇ ਕਰੋ।