Bank Holidays in November : ਤਿਉਹਾਰਾਂ ਅਤੇ ਜਨਤਕ ਛੁੱਟੀਆਂ ਕਾਰਨ ਨਵੰਬਰ ''ਚ ਬੈਂਕ ਛੁੱਟੀਆਂ ਦੀ ਭਰਮਾਰ
Monday, Oct 28, 2024 - 06:21 PM (IST)
ਨਵੀਂ ਦਿੱਲੀ - ਨਵੰਬਰ ਦਾ ਮਹੀਨਾ ਆਉਣ ਵਾਲਾ ਹੈ ਅਤੇ ਇਸ ਦੇ ਨਾਲ ਹੀ ਤਿਉਹਾਰਾਂ ਕਾਰਨ ਕਈ ਬੈਂਕ ਛੁੱਟੀਆਂ ਹੋਣ ਵਾਲੀਆਂ ਹਨ। ਭਾਰਤੀ ਰਿਜ਼ਰਵ ਬੈਂਕ (ਆਰ.ਬੀ.ਆਈ.) ਦੁਆਰਾ ਜਾਰੀ ਸੂਚੀ ਦੇ ਅਨੁਸਾਰ, ਨਵੰਬਰ ਵਿੱਚ ਕੁੱਲ 13 ਦਿਨਾਂ ਦੀਆਂ ਬੈਂਕ ਛੁੱਟੀਆਂ ਹੋਣਗੀਆਂ, ਜਿਸ ਵਿੱਚ ਹਫਤਾਵਾਰੀ (ਸ਼ਨੀਵਾਰ-ਐਤਵਾਰ) ਦੀਆਂ ਛੁੱਟੀਆਂ ਵੀ ਸ਼ਾਮਲ ਹਨ। ਜ਼ਿਕਰਯੋਗ ਹੈ ਕਿ ਇਹ ਛੁੱਟੀਆਂ ਵੱਖ-ਵੱਖ ਸੂਬਿਆਂ ਵਿੱਚ ਵੱਖ-ਵੱਖ ਹੋ ਸਕਦੀਆਂ ਹਨ।
ਨਵੰਬਰ 2024 ਵਿੱਚ ਬੈਂਕ ਛੁੱਟੀਆਂ ਦੀ ਪੂਰੀ ਸੂਚੀ:
1 ਨਵੰਬਰ: ਦੀਵਾਲੀ ਮੱਸਿਆ
2 ਨਵੰਬਰ: ਦੀਵਾਲੀ (ਬਲਿ ਪ੍ਰਤਿਪ੍ਰਦਾ)
3 ਨਵੰਬਰ: ਐਤਵਾਰ
7 ਨਵੰਬਰ: ਛਠ
8 ਨਵੰਬਰ: ਛਠ
9 ਨਵੰਬਰ: ਦੂਜਾ ਸ਼ਨੀਵਾਰ
10 ਨਵੰਬਰ: ਐਤਵਾਰ
12 ਨਵੰਬਰ: ਈਗਾਸ-ਬਗਵਾਲ
15 ਨਵੰਬਰ: ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਜਨਮ ਦਿਵਸ
17 ਨਵੰਬਰ: ਐਤਵਾਰ
18 ਨਵੰਬਰ: ਕਨਕਦਾਸ ਜਯੰਤੀ
23 ਨਵੰਬਰ: ਸੇਂਗ ਕੁਟਸਨੇਮ, ਚੌਥਾ ਸ਼ਨੀਵਾਰ
24 ਨਵੰਬਰ: ਐਤਵਾਰ
ਸੂਬਿਆਂ ਅਨੁਸਾਰ ਬੈਂਕਾਂ ਦੀਆਂ ਛੁੱਟੀਆਂ
ਹਰ ਸੂਬੇ ਵਿੱਚ ਛੁੱਟੀਆਂ ਦੀ ਸੂਚੀ ਵੱਖਰੀ ਹੁੰਦੀ ਹੈ, ਜਿਸ ਵਿੱਚ ਸੂਬਾ-ਵਿਸ਼ੇਸ਼ ਤਿਉਹਾਰ ਸ਼ਾਮਲ ਹੁੰਦੇ ਹਨ। ਪੂਰੀ ਸੂਚੀ RBI ਦੀ ਵੈੱਬਸਾਈਟ 'ਤੇ ਉਪਲਬਧ ਹੈ, ਜਿੱਥੇ ਛੁੱਟੀਆਂ ਦੇ ਵੇਰਵੇ ਰਾਜ ਅਨੁਸਾਰ ਦਿੱਤੇ ਗਏ ਹਨ।
ਬੈਂਕ ਬੰਦ ਹੋਣ 'ਤੇ ਵੀ ਆਨਲਾਈਨ ਬੈਂਕਿੰਗ ਸੇਵਾਵਾਂ ਉਪਲਬਧ ਰਹਿਣਗੀਆਂ
ਬੈਂਕ ਦੀਆਂ ਸ਼ਾਖਾਵਾਂ ਬੰਦ ਰਹਿਣ ਦੇ ਬਾਵਜੂਦ, ਗਾਹਕਾਂ ਨੂੰ ਅਸੁਵਿਧਾ ਤੋਂ ਬਚਣ ਲਈ ਔਨਲਾਈਨ ਬੈਂਕਿੰਗ ਸੇਵਾਵਾਂ ਜਾਰੀ ਰਹਿਣਗੀਆਂ। ਨੈੱਟ ਬੈਂਕਿੰਗ ਅਤੇ ਮੋਬਾਈਲ ਬੈਂਕਿੰਗ ਦੀ ਮਦਦ ਨਾਲ ਗਾਹਕ ਛੁੱਟੀ ਵਾਲੇ ਦਿਨ ਵੀ ਘਰ ਬੈਠੇ ਹੀ ਆਪਣਾ ਬੈਂਕਿੰਗ ਕੰਮ ਪੂਰਾ ਕਰ ਸਕਦੇ ਹਨ।
